Ka khum ah chuan na tuar a then ngawih ngawih pah chuan ka mu ngal a,ka nu chuan a theih ang ang a min buaipui ve in a rilru chu a hah ve hle tih pawh ka hmuhhmaih lo chiang alawm.Ni hnih zet mai lu na avang a ka nat tawh avang in damdawiin lam pan chu an rel thlu ta a.Damdawiin kan thlen chuan Doctor te chuan min enfiah nghal vat vat bawk.
Anih na tak ah chuan keihi kal thalo ka ni a thla hnih kalta khan Car Accident avang in ka lu chu ka lo sawh bawk nen khata tang khan motor te hi ka hlau in thim hi ka hlau em em mai bawk a ni.Doctor ten min admit hnu chuan ka chauh em avang in kalo muhil nghal ngei tur ani ka harh leh meuh chuan khua a lo var uar tawh.
Ka harh deuh avang in ka nu hnen ah chuan pawnlam ah thilfim min dawnpui tur in ka hrilh a a ni pawh chuan min hnial lem lo chuan min chhuahpui ve mai bawk.Thiante nen a inkawm hlim a anrual a chhuah ve te pawh hi ka chak ve thei lutuk mahse tun dinhmun ah chuan engkim hi a harsa vel vek mai ani.
Chawhnu lam ah chuan Drip khaitur ka neih tawhloh avang in chhuakharh tur in ka awmna room chu chhuahsan ka han tum a room a awmreng ka nin em avang ani mah zawk.Ka chhuak chiah tihchuan nu pakhat hian minlo be luam a khawi veng nge ka nih te,ka hming leh damdawiin a ka awmna chhan te chu min zawt nual bawk.Tha tak chuan kei pawh chuan kalo chhang ve zel bawk.
Ka fapa pawh hetah a awm ve alawm nakin ah a harh hun ah inla inkawm thin dawn ania.In inrual vel chiah ang te a ti luam bawk a,a ngainat awm ka ti ang reng.Kan ti ti zawh hnu chuan ka kalsan ve leh ta a.
Pen hnihkhat ka kal leh chiah tih chuan mipa pakhat hian tui in na chu harsa tihhmel tak hian a lo nam ngar ngar a.Puih i duh em ka tih chuan phawk em em mai hian ka mit ah tak min rawn en nghal zat,kalo herh sak dawn che ami ka tih pawh chuan minla chhang chuanglo.Ngawi reng in tui pawh chu ka herh haw sak.
Ngawilawk teh ti a chupa chuan minlo koh chuan kal tum zet tawh chu a lam chu ka hawi leh hnuhnawh a engdang a sawilo ka lawm e ti in room ah chuan min luhsan ta a,a chet dan chu amak ka ti ang reng.
A hmeltha ti ila ka sawisual hauh hi ka ring lo,a sang a alo ber ah 5'10 Ft chu a nih ka ring,a la upat hmel em em loh bawk kan inrual vel awrh hian a nia ka rin ni,cher lam pang mahse cher chhe zawk zawk erawh a ti hoh lo,pian nalh tak mai a nei nghe nghe a,a sam dum phen a a mit meng mawlh kha a hmu tu tawh phawt chuan mawi an tihloh bik hi ka ring lo.
Chutia kalo thlir zui reng lai chuan rawn let leh in Enge i hming min rawn ti a.Y/n ka nia kalo tih chuan nang chauh hi ila ni ti a a han sawi chu a awmzia ka pawh chiah lo.Engtin maw i tih? ti in ka han zawtlet awrh a min chhang ta lem lo chuan a kalna ngai bawk lam chu min pansan leh ta a.
A tuk ah chuan a ni bawk kha ka hmu leh a.Ka bia ang nge be lovang tiin ka in ngaihtuah nasa mahse le ani chuan 'khawi ah nge i kal dawn a' dam leh fiah tha em em mai hian a rawn ti a.Khawi ah kal dawn love room a awm reng hi ka ning a,ka tei chhuak vel mai mai anih hi ka han tih chuan.Engtia rei nge damdawiin ah hian i awm tawh tiin min zawt leh hlawl a,'nimin atang khan ania'
Mate tunge i lo biak a? Ka nu in min rawn tih chuan ka bul a awm reng pa chuan min kalsan ta deih a.'A kal deih'
Eng maw mate tu maw kal deih? ka nu chuan min zawt chik tawh khawp mai.Ka hmelhriat pakhat ania ka han ti ta thlawr a.Engpawh chu ni se ti rawh lut tawh ang.I chau lutuk dawn mu hahdam rawh ka nu chuan a tih chhunzawm zat,eng dang sawi lo chuan ka zui ve mai bawk a.
Ka ngaihbel nge ni ka nu chuan mak min tih hmel riau hian a nia ka hriat ni.Room lam pan a kan kal lai te chuan ka nu chu a hawi let a hawi let mai a,a chang leh kei min rawn en leh thul.Awm nawm lohna eng emaw tak chu a nei ngei ani.
Ka mu fel chiah tih chuan ka nu chuan 'Nichin khan tu nen maw inlo inkawm a' a rawn ti leh ta.Nimin a ka hmuh ania damdawiin ah hian a awm ve anih ka ring, Doctor chu a nilo phawt ang damlo ve tho a nih ka ring.'Tunge a hming' ka nu zawhna chu chhan harsa ka ti khawp mai.A ni kha ka hming chu ka hrilh a mahse a hming erawh lo zawh nachang kha ka hre eihlo kha nia.'Ka hre miahlo ka hmuh leh veleh kalo zawt dawn ania' ka ti ta ringawt a.
A tuk ah chuan angai te ang bawk in pawn ah chuan ka chhuak leh a tun tum chu kha pa kha ka hmu tawh hauh lo.Khua a lum ka tih em avang in damdawiin compound vel ah chuan ka tei mai mai a.Ka kalna tur chin ka nu ka hrilh vek tho avang in Drip khai leh tur ka neih hma chu awm rih mah ila pawi tihna ka nei vaklo.
Chutia hahdam tak a thlifim ka dawn lai chuan damdawiin rooftop ah chuan mi tu emaw hian hnuailam hi a rawn melh reng tih ka han hmu thei,a awmdan chu.Nilo a tha dawnlo tawp mai khipa khian intihhlum a tum em ni? Nilo se chuan khitiang a hmawr ah tu nge ding ang?.
Rang tak in rooftop ka pan a,a tlan hian ka tlan hlawp hlawp a ni ber.Chupa pui reuh chu min tih hah hrep phah ringawt alawm.Rei lovah chupa awmna pawh chu ka han pawh ve vat mai bawk a.Hei tiang kha chuan ti suh tih chu ka thlen rual a ka sawi hmasak ber a ni nghe nghe.Phawk em em mai hian ani chuan min rawn en a.'Tiang kha chu ti suh,rilru hahna i nei anih chuan min hrilh thei ang mahse mahni nunna lak lampang kha chu ti lo hram rawh' te chu kan tithla ta ringawt a.
Ani chuan nui sen sen pah chuan in tihhlum ka tum tur ah i ngai em ni? tiin awki dam tak mai hian a ti a.Aw in tihhlum i tum lo em ni?I dinna kha a hmawr bawk si a,tla palh ta la i thih phah hial thei asin,in tihhlum i tumlo a nih pawh in i chesual palh thei alawm ka tih chuan a hmelthatna tizual tur in a biangsum mawi tak mai nen a min han nuih meuh chuan thinrim e tilo chu ka lai lek lek zawk ani.
Engpawh chu nise lo chhuk phawt teh helai hmun chu a ralmuang lo emai,lo chhuk la kan in be dawn ania ka tih chuan min hnialna nei lo chuan a awmna hmun atang chuan a rawn chhuk a.I hlau lo em ni? ka tih chuan min chhang lo chuan a nui leh ringawt a.Min ti hrilhhai lek lek zawk ani.Kan in hmu ve zeuh zeuh tawh a ka hming hi i la hre reng em? ti in ka zawt ta thlawr a.Y/n i ti ani lawm ni? Aw ni e anih enge nang i hming? Jeho Malsawmkima ka nia,i duh chuan Jeho min ti thei ang.
I hming chu a va nalh ve.Anih chuan damdawiin ah hian i thawh chu ka ring chiah lova enge i tih ve a?ka tih chuan damdawiin ah hian ka awm alawm.Thla 5 dawn chu ani tawh a tih chuan enge a chhan tih hriatchakna chuan min zem tulh tulh a.Engvang in nge i awm a ti in ka zawt leh ta nge nge.Motor Accident vang in ania a tih leh chuan ka lo khawngaih tawh lutuk.Dilchhut min ti ang tih ka hlauh deuh avang in ka zawt zui ta bik lem lova.
Lo kal rawh khu lam ah khuan chhuk ang,Ice cream ka leisak ang che tiin a hnuailam ah chuan ka chhukthlak pui ta a.Min hnial lem lo chuan min zui ve mai bawk.Khua alum e tilo chuan a kut chu a vawt thlur mai a pang ti lum na reng reng a neilo a ni ber zawk.Kan chhukthlak lam chuan kan in be pah zel bawk a.Ka ngaihbel nge ni mi kan tawh reng reng chuan mak ti em em hian min lo en zel ni mai hian ka hria.
Kan kalna tur kan thlen thlak hma chuan Jehoa chuan a zun chhuah thu sawi in lo nghak tur in min hrilh a.Ka lo nghah lai chuan damdawiin ka awm tirh a minlo be tu nutling bawk khan minlo hmu in ' Mami i dam tha tawh ami? I lo chhuak harh peih tawh a te chu a ti luam a.Aw hei vawiin chu ka tho nuam khawp mai,nang zawk khawnge i kal dawn a? ti in ka zawt let a.Ani chuan Mama pa alo kal a minlo thlak dawn anih hi,in ah ka va haw anga inthlak na tur te ka va la teh ang ka tia.
Ka kalsan phawt mai ang che aw ka hmanhmawh deuh a tiin min kalsan chu a rual a.Jehoa pawh chu ka rin ai tak chuan a rawn chhuak leh har deih hepa pui hian ka nghak reng ani tih te hi a theihnghilh amaw ni dawn chu le.
Rei ngial ka nghah hnu pawh chuan rawn chhuah tih reng a nei thei lo.Bathroom a han luh ve tawp chu a ni thei ngang in ka hre bawk silo.Minute 5 zet ka nghah leh hnu pawh a a rawn la chhuah loh avang in ka kal san ve ta tawp mai chu ania.Ka kal pah chuan ti awmlo leh lutuk mai minlo nghak rawh a tih chuan rawn let leh tur alawm tiin keimah chuan ka phun mual mual a.
