ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အပိုင်း ၇၀ ဒေါသထွက်နေသောအဇူရာတော်ဝင်ပြည်ထောင်ဘုရင်

အပိုင်း ၇၀ ဒေါသထွက်နေသောအဇူရာတော်ဝင်ပြည်ထောင်ဘုရင်

ခေါင်းစဥ်သည်ကြင်ယာတော်ရွေးချယ်ပွဲသို့ရောက်ရှိသွားရာ လူတိုင်း၏စိတ်ထဲတွင် မင်းသမီးလင်လုံအကြောင်းစဥ်းစားလိုက်ကြသည်။အထူးသဖြင့်သူမနောက်ဆုံးအကြိမ် ညစာစားပွဲတွင်ချူခွမ်းရန်၏တိုက်ခိုက်မှုကို လက်တစ်ဖက်တည်းဖြင့် တားဆီးခဲ့သည့်အချိန်ကိုဖြစ်သည်။

သူတို့တောင်မှ ချူခွမ်းရန်၏တိုက်ခိုက်မှုကိုလက်ဗလာဖြင့်မတားဆီးနိုင်သော်လည်း မင်းသမီးလင်လုံကလုပ်နိုင်ခဲ့သည်။ထို့အရာက သူမသည်ထိပ်တန်းကောင်းကင်သမီးပျိုဖြစ်ကြောင်းကိုပြသနေသည်။

'' ပြီးတော့မင်းသမီးလင်လုံက နတ်ဘုရားအနှစ်သာရကိုပိုင်ဆိုင်ထားတယ်၊ တကယ်လို့ငါသာ အဲ့တာကိုရယူနိုင်ခဲ့ရင် ချူခွမ်းရန်ကိုယှဥ်ပြိုင်ကောင်းယှဥ်ပြိုင်နိုင်လိမ့်မယ်...''

ထိုအချိန်တွင် ေကာင်းကင်သားတော်တစ်ယောက်က ရေရွတ်လိုက်၏။

ထိုစကားသည်အမှန်ဖြစ်သဖြင့် လူတိုင်း၏မျက်လုံးများကတောက်ပသွားကြသည်။သူတို့သည် တောက်ပသောလမင်းလျှို့ဝှက်နယ်မြေမှ လက်ဗလာဖြင့်ပြန်လာရသော်လည်း နတ်ဘုရားအနှစ်သည်လည်း သူတို့ရရှိနိုင်သေးသော အခွင့်အရေးတစ်ခုပင်ဖြစ်လေ၏။

'' လက်လျှော့လိုက်ပါ...ချူခွမ်းရန်ရှိနေမှတော့ ငါတို့မှာကြင်ယာတော်ရွေးချယ်ပွဲကို အနိုင်ရမယ့်အခွင့်အရေးရှိနေသေးမယ်လို့ထင်လား...''

ကောင်းကင်သားတော်တစ်ယောက်ကပြောလိုက်သည်။သူ၏စကားလုံးများသည် လူတိုင်း၏ရင်ထဲတွင်တောက်လောင်နေသော မီးတောက်ကို ရေခဲရေတစ်ခွက်ဖြင့်လောင်းချလိုက်သကဲ့သို့ပင်ဖြစ်သည်။

ခါးသီးနေသောယွမ်ဟောင်သည် အားတင်းပြုံးကာပြန်ပြောလိုက်သည်။

'' ချူခွမ်းရန်ရဲ့စွမ်းအားက ငါတို့ကိုင်တွယ်နိုင်တာထက်ပိုနေတယ်...၊ သူသာဝင်ရောက်ယှဥ်ပြိုင်မယ်ဆိုရင် ငါတို့အတွက်လုံးဝအခွင့်အရေးရှိမှာမဟုတ်ဘူး၊ ဒါ့အပြင်မင်းသမီးလင်လုံသူ့ကိုသဘောကျနေသေးတယ်...''