အဲ့ဒီ့စကားက အမိန့်ပဲ။ ကြမ်းပြင်ပေါ်မှာပဲ တောက်လျှောက် ရှိနေခဲ့တဲ့ အကြည့်ကို အပေါ်ကို ရွှေ့လိုက်တယ်။ နှာထိပ်ဖျားတွေ ထိနေကြတဲ့အတွက် အသက်ရှူနေကြတာကိုတောင် အချင်းချင်း ခံစားမိတယ်။
“...မင်း”
“အင်း။ တော်တယ် ဟေးလ်”
အဲ့ဒီ့နောက် အီဗန်က အဓိပ္ပါယ်ပါပါ ပြုံးလိုက်ပြီး ကျွန်တော့်ကို လွှတ်ပေးတယ်။ ထိန်းကိုင်ခံထားခဲ့ရတဲ့ခေါင်း(လည်ကုတ်)ကတော့ တောင့်တင်းလို့ပေါ့။
“ငါတကယ် ဟေးလ်ကို သဘောကျတယ်။ အကြိမ်တစ်ရာလောက် ပြောတာတောင် မလုံလောက်သေးဘူး”
“အင်း”
ချွေးစေးအေးအေးစက်စက်တွေက နောက်ကျောတစ်လျှောက် စီးဆင်းသွားတယ်။
“စကားမစပ်”
ချောက်နက်ထဲ နစ်မြုပ်သွားသလို ခံစားလိုက်ရရင်း အနိမ့်သံတစ်ခုကို ကြားလိုက်တယ်။ အီဗန်ရဲ့ အနည်းငယ် တုန်ယင်နေသလို အသံက ဝိုးတဝါးအနေအထားတစ်ခုကို ဖြစ်ပေါ်စေတယ်။
“အရင်တုန်းကတော့ ဟေးလ်က ငါ့လက်ကို ကိုင်ပြီး ငါ့ကို နမ်းတယ်၊ အဲ့တာကို အခုကျတော့ ဘာလို့ ငါနဲ့ မျက်လုံးချင်းတောင် မဆုံတော့တာလဲ?”
“အဲ့တာက...”
တကယ်ကို တောင့်မခံနိုင်စရာပဲ။ သူ့ကို ကြည့်နေရုံနဲ့တင် ကျွန်တော့်ရင်ဘတ်ထဲက နာလာတာလေ။ အဖြေမရှိတဲ့ ပုစ္ဆာတစ်ပုဒ်ကို ဖြေရှင်းရသလိုပဲ။ ကျွန်တော် တွန့်ဆုတ်နေတော့ အီဗန့်အမူအရာက ပိုပိုဆိုးလာတယ်။
“ဒါ့အပြင် ဟေးလ်က ငါ့ကိုကြည့်လိုက်တိုင်း ဟေးလ်မျက်နှာက ဖြူဖျော့လာပြီး တစ်ကိုယ်လုံး တုန်ယင်နေတော့တာလေ။”
“...တောင်းပန်ပါတယ်”
ကျွန်တော့်ခေါင်းထဲမှာ အတွေးပေါင်းစုံက ပျောက်သွားတယ်ကို မရှိဘူး။ သူကတကယ့် အီဗန်ပရီစတင်အစစ်လားတောင် ကျွန်တော် မသိဘူး။ အရှိန်အဟုန်နဲ့ တောက်လောင်နေတဲ့ မီးတစ်စလိုမျိုး ကျွန်တော်ပြောချင်နေတဲ့ စကားလုံးတွေက နှုတ်ခမ်းဖျားဆီ ရောက်လာနေပေမဲ့ ကျွန်တော့်နှုတ်ခမ်းတွေကို တင်းတင်းကိုက်ထားလိုက်ရင်း တားထားလိုက်တယ်။ ကျွန်တော်ပြောနိုင်တာဆိုလို့ တောင်းပန်ပါတယ်ဆိုတာပဲ ရှိတယ်။ ဘာပဲဖြစ်ဖြစ် ကျွန်တော် ဒီရက်တွေမှာ အီဗန်ကို ရှောင်နေခဲ့တယ်ဆိုတာတော့ အမှန်ပဲလေ။ အဲ့ဒီ့နောက် အီဗန့်မျက်လုံးတွေက စိုးရိမ်ကြောင့်ကြစွာနဲ့ တုန်လှုပ်သွားကြတယ်။
BẠN ĐANG ĐỌC
အဓိကဇာတ်ကောင်Shouအဖြစ်မှ ကြမ်းရမ်းတဲ့Gongဘဝသို့ : Myanmar Translation (Unicode)
Lãng mạnLanguage Korean Author(s) 벼르치 Associated Names 메인수가 집착광공이 되면 Status in COO 103 chapters (Complete) Licensed No Original Publisher BLYNUE 블리뉴 Description ကျွန်တော်က နာမည်ကြီး BLဝတ္ထုထဲက အထက်ပုဂ္ဂိုလ်ထဲ ကူးပြောင်းလိုက်ရပေမဲ့ အောက်ပုဂ္ဂိုလ်က ထူးဆန်းတယ်...
