مرحبا اعرفكم عن نفسي اني الكاتبه زينب أول قصه الي 🥺🤍
بارت 1
مرحبا اني اسمي ملاك عمري 17سنه عايشه ابغداد
اوصفلكم شكلي شعري أسود طويل لخصري يوصل وبشرتي حنطيه وعيوني مو كبار كولش
شفتي مليانه وجسمي لا سمينه ولا ضعيفه
صف سادس ادبي وحلمي اصير محاميه.
اعرفكم عن عائلتي :
علي اخويه عمره 29 سنه ضابط
مامه حنان عمرهه 50 سنه
وبابه حسن عمره 55
ملاحضه : ابويه الوحيد لهله وجدي وبيبيتي توفو
جانت عطله أخير السنه وجنت كولش متحمسه
لسادس وفاتحه الكتب ودا اقره لسادس وندك الباب
ودخل بابه شلون بتي المحاميه
ابتسمت ورديت عليه الحمدالله بابه طلع من جيبه
كلاده فضه وبيهه مداليه زركه تلمع تخبل ونازكه
حسن : ادري تأخرت ع هديه نجاحج من الخامس
وبتسم وكال ها عجبتج
ملاك : اجنن بابه راح البسهه وابد ما انزعهه وحضنته
باس راسي وطلع
رجعت ادرس وبعدين صارت ب 5 العصر تعبت
لملمت الكتب كمت سبحت ومشطت شعري
وتعطرت وحطيت حمره سحريه ونزلت جوه
حنان : هله ابتي شلونج بالدراسه
ملاك: الحمدالله ونشالله ارفع راسكم
حسن : فدوه لبتي الشاطره
بوستهم وكعدت اكل وياهم جاي وكيك
نزل علي وكال سلام عليكم
الكل رد السلام وكعدنه ناكل سويه جنت دا اكل
وضربني علي ، ملاك عضيته
علي اخ شنو جلب انتي
ملاك : انته البديت لتندك بيه
حسن : كافي بويه أنتو زغار ، سكتنه او واحد يباوع
على ثاني او واحد ومتحلف لثاني
ملاك : بابه ضايجه طلعنه اليوم ،
الاب حسن : حضرو نفسكم باليل نطلع علي تجي ويانه
علي : أي يابه اجي ، ملاك ياي حنطلع
صارت ب 8 باليل طلعنه وعلي ديسوق وجان كلبي
وجان كلبي مقبوض
رحنه المطعم وتعشينه ، علي لحساب وكال عشاكم
عليه هل مره
طلعنه لسياره نرجع للبيت صعدنه بسياره
