مينا : حمدلله علي السلامة يا رياسة
لينا بابتسامة: الله يسلمك يا مينا متشكرة جدا ليك
مينا : انا معملتش حاجة البركة في البشمهندس هو اللي خلص الدنيا كلها
يحيي اخد لينا و رجعوا عالفيلا
يحيي : لينا اطلعي خدي شاور هعمل مكالمة و اجيلك
لينا : ماشي
في فيلا السويفي
ابراهيم : انتي يا لارا انتي السبب في اللي بنتي عاشته ، انا مش عارف انتي جايبة الحقد و السواد دا منين عملتلك ايه لينا عشان تعملي فيها كدا يا شيخة دا انتو بنات زي بعض
فريدة : هي اكيد متقصدش يا ابراهيم
ابراهيم : تقصد ولا متقصدش اللي غلط لازم يتعاقب
فريدة : انت قصدك ايه يا ابراهيم
ابراهيم : انا بلغت البوليس
فريدة : انت كدا هتضيع مستقبلها يا ابراهيم كدا حرام
ابراهيم : و مش حرام اللي هي عملته في بنتي اللي ما صدقت لقيتها و بنتك مش هتبقي اعز أو اغلي من بنتي يا فريدة و الموضوع دا انتهي
البوليس كان وصل و اخد لارا
نرجع لفيلا يحيي و لينا
يحيي قعد معها بعد ما خلصت
يحيي : انتي كويسة
لينا و بدأت الدموع تتجمع في عينيها : انا مش كويسة خالص يا يحيي
يحيي : انا عايزك تنسي كل اللي فات انا عارف أنه صعب عليكي بس انا عارف انك بردو قوية
لينا : انا خايفة و كمان مش بعرف انام منظره و هو واقع علي الارض ، ياريتني مروحتش هناك ، انا .. هو مات بسببي حد كان عايز يأذيني فقتله انا السبب ، ياريتني ماخرجتوش مش السجن يا يحيي كان زمانه لسه عايش ..
يحيي : هششش ..مش عايزك تخافي ابدا و بعدين دا قضاء و قدر هو مكتوب ليه أنه يموت سواء روحتي أو لا انتي مش السبب في حاجة هو عمره كدا ، و مسح دموعها
يحيي : بصي انتي دلوقتي هتنامي و متفكريش في حاجة و أنا شوية و هصحيكي
بعد عدة ساعات
يحيي : لينا .. لينا قومي يلا
لينا : انا قومت اهو ايه اللي معاك دا
يحيي : يعني أنا مش بعرف اطبخ بس بعرف اعمل سندوتشات و بعدين انا عارف انك مأكلتيش كويس الفترة اللي فاتت
لينا : يعني كتر خيرك بردو و كل حاجة بس هما سندوتشين الجبنه اللي عملتهم و كوباية القهوة دي هما اللي هيعوضوني
يحيي : تصدقي انا غلطان كان زمانك بتاكلي عيش وحلاوة علي رأي أسر
لينا : تخيل انا لينا السويفي بقيت رد سجون يعني محدش هيرضي يتجوزني
يحيي : نعم ياختي و أنا مش مالي عينك يعني
لينا : اه صحيح طيب الحمدلله اتجوزت قبل ما اتسجن اوعي يا يحيي تطلقني غير لما اطلب منك ، هاا جاي تصحيني ليه
يحيي : ايه رأيك نخرج سوا
لينا : معلش يا يحيي مش عايزة اخرج
يحيي : طيب ، قومي البسي قدامك عشر دقايق لحد ما البس و لو ملبستيش هاخدك كدا زي ما انتي بالبيجامة الغريبة دي
لينا لبست و خرجت هي و يحيي
في المطعم
لينا : مكنتش فاكرة اني ممكن اخرج من هناك خالص و اجي اكل هنا
يحيي : انا مش عايزك تفتكري حاجة من الايام دي و كمان عايزك تنزلي الشغل
لينا : مش مستعدة يا يحيي أقابل الناس أو اني ادخل الشركة تانى
يحيي : انتي معملتيش حاجة عشان تتكسفي أو تخافي منها يا لينا
و حاول يغير الحوار
يحيي : اه كنت عايز اسألك بتحبي تسمعي مين
لينا : عصام صاصا
يحيي : ايه
لينا بضحك : مش حد معين بسمع الكل يعني يا يحيي بس لو اخدتني حفلة المفروض يبقي عصام صاصا
أنت تقرأ
أحبها و انتهي الأمر
Romantizmهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
