عيط لصاحبو معاذ قالو نتلقاو فقاعة الرياضة salle de sport
اومبعد كوبا و ركب طونوبيلتو بزعاف يجري يسابق الريح......... بعد مدة دخل معاذ للقاعة بشموخ عاجبو الحال لبنات ڨاع يخزرو فيه باعجاب كبير بزينو وجسمو الرياضي(معاذ و عماد رياضيين في الجامعةاو عندهم فريق في الجامعة) قاعد يدور في راسو في انحاء سال لعل يصيب صاحبو حتى صابو في جهة البوكس يضرب في كيس الملاكمة بكل قوة
راح عندو معاذ يخزر فيه ما حبش يحبسو بيسك علابالو زعاف صاحبو واعر او لوكان يحبسو يفرغوا فيه.... او مزال عماد يضرب في كيس الملاكمة حتى طاح تقطع
خزر فيه معاذ: خلاص!!
رد عليه عماد او هو يرجع في في النفس: ايه شوية
معاذ: واشبيك احكيلي؟؟
عماد: المشاكل كي العادة راك عارف
خزر فيه معاذ بقلة حيلة: واش نقولك هداك باباك
رد عليه عماد و عينيه حمر: هداك ماشي بابا كاين أب يخلي وليدو وحدو ملي زاد و زيد عليها العنف و الخيانة ليما!!!
سكت شوية اومبعد هدر معاذ او هو يحاول يبدل الموضوع: ايه حقا نسيت ما قتلكش!!!
عماد: وشنو؟؟
معاذ; لوكان تشوف كي دخلت لا سال ڨاع لبنات طاحو فيا 😍😏😏
عماد: ههههههههه هدا واش تخمم نتا
معاذ: هادي الحقيقة انا زل بزاف ❤️🔥😘
عماد: هههههه ايه خلاص هيا نروحو، غدوة ندخلو لجاميعة يدرا كيفاه
معاذ: باينة غدوة نطيح ڨاع بنات الجميعة فيا.... ايه حقا و نتا واش دير مع إكرام لي قاعدة لاصقة فيك
عماد: آاااه. ماتفكرنيش
معاذ: هههههه. هيا نروحو يفرجها ربي
من جهة منال
ناضت منال من رقدتها او هيا تشوف في شمس غربت راحت تجري لمت الكباش و المعيز(الخراف و الماعز) او هيا راجعة لدار تدعي ربي يسطرها من ذهبية شر ديالها. هيا جات داخلة حتى تلاقات بعمها و ولد عمها داخلين قالت في روحها مزية تجوز ليلة مليحة
منال: مساالخير عمي
سعيد: مسالخير بنتي
صهيب: وانا ماكنش مسالخير ولا كيفاه
منال: أه ه لالا مسالخير (هي علابلها صهيب يحبها لابيها ما تحبش تهدر معاه بزاف ولا تولي مليحة باش مايعلقش املا فيها)
صهيب: مسالخير ♥🌹🌹😍😍
دخلو لدار او جات ذهبية(ماشفتش راجلها و وليدها)
ذهبية: ياالكلبة وينراكي خليتيني انا نطيب و بطيتي يا بنت الك..(شافت سعيد) يا بنتي
ذهبية: آاااه. اممم سعيد جيت يا رجلي لعزيز (بتستييت) قولي واش ندير لراجلي لعزيز
سعيد: والو(بتشناف تاع فقتلك)
ذهبية: اوكي راجلي روح ارتاح نجيبلك تاكل
سعيد: لا ناكلوا ڨاع كيفكيف عندي واش نهدر او منال نتي لازم تكوني
منال:(بتوتر و خوف) علاه غير خير
سعيد: خير خير
هو راح دارت ذهيبة لمنال: واش يقولك؟؟
منال: ما علاباليش؟؟
ذهبية: ايه وعلاه بطيتي يا لالة؟!!!(او هي شادتها من شعر)
منال شدتها من يدها او رمتهلها: بلاكي تزيدي تحطي يدك عليا سمعتي سينو والله نعوجهالك نورمال
ذهبية: و.......(عيطلها سعيد) عندك زهر عيطلي سينو لابالك واش ندير
منال بعدما راحت ذهبية راحت لشمبرتها ولا نقولو زريبة حيوانات احسن استغفرت مولاها توضات صلات لي فاتها او قاعدة تخمم في احلامها في دخول الجامعة رغم نجاحها في البكالوريا بمعدل عالي بزاف و تحصل على منحة دراسية في المدينة وتفكرت نهار جابتو واحد مافرح من غير عمها وصهيب طاحتلها دمعة لوكان باباها و يماها كانو معاها راح تكون فرحة من نوع اخر
تنفضت من بلاصتها من فتيح الباب بقوة من طرف بشرى
بشرى: اهبطي تتعشاي راهو يعيطلك بابا
منال: ايه دوك
بشرى: لوكان ماشي بابا ما نعيطولكش تاكلي رهج في كلتا الحالتين 😈
منال: يرهجك نشاله
او هبطت ما سناتش بشرى تردلها او لوخرى تخزلت
هبطت صابتهم ڨاع ڨاعدين يسناوها باش يبدا يهدر هيا قعدت نطقت ذهبية
ذهبية: هي جات انطق!!!!
سعيد: كولو قبل اومبعد ساهل
بداو ياكلو او ذهبية راهي فوق الجمر هوما كملو جابو تاي قهوة يقعدو يهدرو
سعيد: بما انو رانا كامل هنا حبيت نهدر حاجة او مصيرية بالنسبة لمنال
ذهبية في قلبها:(درك يحاوز منال لخالتها و يهنينا منها اوف حمدالله)(منال عندها خالتها مي واحد ما علابالوا وين راهي او ذهبية كان في بالها صابها سعيد)
منال: انا!!!!
سعيد: ايه نتي..... قررت نبعتك (ذهبية.: امم حمدالله) نبعتك للمدينة باش تكملي قرايتك..
ذهبية:(خرجتلها القهوة من نيفها)
ذهبية. بشرى. سارة:: وشنوا؟؟؟!!!!!
سعيد: ايه نبعتها تكمل قرايتها
ذهبية: وشنو او باش راح تبعتها
سعيد: كنت نلم دراهم دورو دورو حتى لميت مبلغ مليح او زيد بالمنحة هاديك تقراي في الجامعة المليح
منال: يعطيك صحا عمي او باستلو راسو. مي عمي المنحة عندها عام ملي عطوهالي بلاك مايقبلوهاش؟؟
سعيد: يقبلوها ما راحش يضيعوا وحدة كيما نتي
ذهبية: وشنو تبعتها هيا وحنا نموتوا بشر ياك او بنتك تخليها هنا اوهيا تبعتها
سعيد: بنتك حمارة ما تحبش تقرا ما شي كيما منال
بشرى زعفت راحت تبكي لشمبرتها تبعتها سارة
ذهبية: هاك بكيتها دوك
سعيد: ما كذبتش!!
زادت تبعتهم ذهبية تواسي بنتها
سعيد: او دوك بنتي هيا روحي لمي قشك بسك غدوة نشاله تروحي
منال: كيفاه عمي بصح......
سعيد: ماتخفيش بنتي غدوة يحلها ربي هيا روحي وجدي روحك
منال: يعطيك صحا عمي قدما نقولك صحا ما نوفيلكش حقك صحا باستلوا راسو و راحت
صهيب حتى الان في حالة صدمة من الخبر ابتعاد حبو منو
صهيب: بابا علاه
س=سعيد ص=صهيب
س: وشنوا علاه
ص: علاه تبعتها
س: حلمها تكمل تقرا او زيد هادي طفلة عندها مستقبل بعيد
ص: ماخفتش عليها تتعوج او جبيلنا العار
س: لالا منال ماديرهاش هاديك بنتي او نثيق فيها.
صهيب زعف من صرامة قرار باباه لي ماراحش يبدلو او طلع لشمبرتو من هبوط الخبر عليه كالصاعقة
وفي نفس الوقت عند ابطالنا متشوقين لغدوة و ما يحملهُ من احداث
منال. عماد.: يادرا غدوة
او رقدو
اعطيوني رايكم اعزائي القراء وانا استقبل ارائكم وافكاركم بصدر رحب
أنت تقرأ
صدفة احببتك❤😍👍
Romantizmهدا اول كرونيك ليا لذلك نشالله يعجبكم او ينال اعجابكم باللهجة الجزائرية🇩🇿🇩🇿 ابطال القصة هما منال بنت شابة ورزينة تسكن في الريف او من عائلة قدها قد حالها🤔🤔🤔 والبطل تاع القصة هو عماد ساكن في المدينة من عائلة غنية بزاف ساكنين في العاصمة هل سيتق...
