" ညဘက်ထွက်တဲ့ ကြယ်တွေကိုသာ မရေတွက်နိုင်ဘူးထင်နေတာ ဆေးကျောင်းက စာမေးပွဲပေါင်းကလည်း မရေတွက်နိုင်ဘူးပဲ "
ရာရာက ဂျူတီကုတ်ကိုပင် မချွတ်နိုင်ဘဲ ခုတင်ပေါ် ခြေပစ်လက်ပစ်လှဲချရင်း ငြီးငြီးငြူငြူဆိုလာသည်။
ပထမနှစ်သာရှိသေးသော်လည်း စာမေးပွဲများက အတော်လေးများသည်တော့အမှန်။
လပတ်များသာမက ကြိုကြားကြိုကြားစစ်သည့် စာမေးပွဲလေးများကလည်း မှိုပေါက်နေသည့်အလား။
စာမေးပွဲများက သူ့ထက်ငါ အလုအယက်စောင့်ကြိုနေပုံများ တကယ့်ကိုနွေးနွေးထွေးထွေး။
ဆယ်တန်းပြီးရင် စာမကျက်ရဘူးဆိုသည့် ချင်း(ဂျင်း)များအား ပြန်တွေးမိတိုင်း လည်ချောင်းနင်လာ၏။
အင်း
အာစရိယတို့၏ ချင်း(ဂျင်း)တွေ ချင်း(ဂျင်း)တွေ
" ဘာလဲ ထွက်ပြေးချင်လာပြီလား"
ရေလဲပုဆိုးကို ခုတင်ခြေရင်းရှိတန်းမှာတင်ရင်း ရေချိုးပြီးပြန်လာပုံရသည့် မှန်သားက ရယ်ဟဟလေးဆို၏။
" နိုးပါ နိုးပါ မင်းရှိနေတာကို ကိုယ်ကပြေးစရာလား
အခုက ဒီအတိုင်းပဲ စာအုပ်တွေမြင်ပြီး ဖျားချင်ရုံသက်သက်ပဲ"
" ဒါဆိုရင်တော့ စိတ်မကောင်းစရာပဲ "
" ဟင် "
မှန်သားစကားကြောင့် ရာရာမျက်ခုံးများပင့်တက်သွားရသည်။
" ဒီနေ့ညနေ စီနီယာတွေနဲ့ ရွှေတိဂုံကိုသွားမလို့လေ အဆောင်မှူးဆရာကလည်း ခွင့်ပြုထားပေမဲ့ မင်းက ဖျားနေတယ်ဆိုတော့လည်း..."
" ဟမ် မဟုတ်ဘူး မဟုတ်ဘူးလေ ကိုယ်လည်းလိုက်မှာပေါ့"
" ဒါဖြင့် မြန်မြန်ထပြီးရေချိုးတော့ နာရီဝက်နေရင်သွားတော့မှာ "
ဒီအချိန်မှာတော့ ရာရာက စကားပြန်မရတော့ဘဲ ရေခွက်နှင့် ရေချိုးခန်းသုံးပစ္စည်းများသယ်ကာ ရေချိုးခန်းဆီပြေးပြီဖြစ်သည်။
ရေချိုးခန်းထဲ အပြေးအလွှားဝင်သွားသည့် ရာရာ့ကိုကြည့်ရင်း ခေါင်းတခါခါဖြင့် ပြုံးလျှက် ကျန်ခဲ့သူက မှန်သားပင်။
YOU ARE READING
Cupid's Compass (Completed )
RomanceCover- edited from Google Start Date - 22.2.22 End Date- 31.12.22 အချစ်ပါ... ဖို, မပဲဆိုငင်ပြီး ဖို, ဖိုချင်း မ,မချင်း တွန်းကန်ရအောင် သံလိုက်မဟုတ်ဘူး ရူပဗေဒ သဘောတရားတွေနဲ့ ကန့်သတ်နေရအောင် Loveက magnetမှမဟုတ်တာ အချစ်လား ရေလို ထည့်တဲ့ပုံစံခွက်အတိုင်း...
