كتابة و تأليف: زجل يلدز و دعاء بينيس (douae jenner)
⚜"من رحم الحرب ولدت قصة حب عظيمة"⚜
🕊 #عصافير_غرناطة🕊
ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
بلقيس حطات ليها البلاتو بين يديها و قالت : ايااه و مالك نتي راشمة يديك بالحناء؟
خدات من عندها عفاف الصينية بتردد و زادت مع الدروج طالعة ، بقات شحال كاتلوي فرجليها و تعطل ماحاملاش تمشي عندو ...دقائق عاد شافت وحدة من الخادمات قاصداها : للا سي صلاح الدين كايسول فيك بغاك تحضري دابا .
عفاف(خسرات ملامحها): و مالو حامية فيه البيضة، كنت جااية! (مدات ليها الصينية) هاكي شدي وتبعيني..
تأففات و طلعات عندو لقاتو واقف حاط رجلو على المكتب كايشوف بنظرة قوية فالعبيد لي مستفين قدامو و كايهضر بشخصية قيادية كاتجذب أي واحد، كان كايفرق فالمهام و كلها كايعطيه شغلو. عفاف قدات فولارها و دخلات بلا دقان ، قربات لعندو عااد قالت بنبرة خافتة و متزنة : السلام عليكوم .
صلاح الدين بدون مايشوف فيها جاوب بنبرة خافتة مايسمعوهاش العبيد و الخدم: و عليكم السلام، لي بغا يوقف على شغلو كايحضر بكري..
عفاف عمرها فحياتها تخايلات انه غاتسمع الهضور فدار باها لي براسو عمروو قلقها حتا بكلمة عابرة داير ليها العز و عاطيها الشاان : هادا موضع با و نحضر فيه الوقت لي يناسب مزاجي ا الشريف ..
صلاح الدين: ال جيتي تخدمي بالكانة و المزاج ، تعولي تخسري خيرات باك بيديك.. قال كلمتو الاخيرة و كيشوف لبعيد مكيركزش فيها الشوفة كيعتابرها امانة الراجل وهو جاي يخدم خدمتو ويمشي
عفاف بلعات الغصة فحلقها ومبيناتش عطات اشارة للخادم تحط ليه الفطور داكشي لي كان حطاتو ليه ونطقات عفاف : انا فطرت عاد بديت شغالي ونتا بينتي ليا الجوع اثر ليك على عقلك (كملات بنبرة مستفزة) ا سي البحار ضربات بجلايلاها فالهوى وخرجات مخلياه من وراها على وجهو علامات مبهمة.. كانت عارفة بلي هاد النعت لي نعتاتو بيه عارفو غير هو وقصدات تلوحليه هاد زوج كلمات وتخليه ضنا منها نقصات من قيمتو ولا رداتو لبلاصتو ولكن هو كان ليه رأي آخر حيت محركات فيه والو بكلامها وبقا على نفس الحال بل شهيتو تفتحات على الفطور لي حطو ليه
#تصبحون_على_دين_محمد
كانو هادو هوما اجزاء اليووم فنظركووم شنوو سر هاد الكلمة و علاقة عفاف بصلاح غادية تقاد و لا غير تكفس شنو تساؤولاتكوم و طبعا ارائكووم❤🕊👑
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
