هاحنااا جيينااا 🕊😍
🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 14
ملامح وجهو لي ماتبدلوش وراء هضرتها اللخرة و تصرفاتو الباردة خلاوها تفقد اخر أمالها فأنه يكون هو...
هبطات للصالون فين لقات مها و بعض نساء العائلة مجموعين على بريق دالقهوة و بعض الحلويات كايطرزو و يحكيو الخبار ، كلها جالسة بقفطانها د الحرير وحدة تنسيك فلاخرة الزين عندهوم سلالة من العمة للخالة..
جلسات حدا بلقيس و تركنات كاتسمع و ماكاتدويش من صغرها علمها باها ماتعمرش بزاف فالمجالس الخاويين و ماتكثرش من هضرة العيالات و النميمة حيت فيها غا الذنوب .
كانو يحكيو على احوال البلاد و يجبدو اخر خبار المست..عمر حتا وصلو خبار بعضياتهوم و دوات وحدة من النساء:
_ ايوى يا للالة بلقيس اش خبار شمس الضحى مسكينة ، مزال مابغا قلب سيدي عبد الله يحن و يرحم بنتو ، يغفر ليها و يستقبلها عاود فقاع دارو؟ سعدااتك ياختي صاابرة على فراق كبدتك، انا بعدا مانصبر شي ربي شااهد.
بلقيس تزيرات هاد الموضوع عندها نقطة حساسة ماكاتحملش لي يجبدو ليها و لا يذكرو بالسيف مقا تلة تنساه:
ايوى ا للا عائشة كولشي على مولانا لا رد لقدرو حنا راضيين و مأمنيين حتا يجيب التسير حساب ليك هان عليا فراقها، غيابها قرب يسطيني.
تعالات وشوشات النساء فحين عائشة كملات بتردد: هو الصراحة مادارت فيها شمس الضحى مايصلاح تبعات محت.ل كا.فر و طيحات براس عبد الله و لاكن هاداا هو حال بنات اليوم كاملات مااعندك مااديري، ربي يهديهوم و صافي ا ختي بلقيس.
بلقيس بحال إلى خويتي عليها سطل د الماء ماعرفات ماتقول بزز باش قدرات تطلع شبح ابتسامة على ملامحها حتا نقدها تدخل عفاف لي قالت بحدة:
للا عائشة راك فموضعنا ولا نسيتي؟ عرفي اش تقولي و تخرجي على فمك و فوتي أعراض الناس راك امرأة كبييرة و بعقلك! حشوومة تقطعي فالبنت فحضور مها و ختها.
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
