كتابة و تأليف: زجل يلدز و دعاء بينيس (douae jenner)
⚜"من رحم الحرب ولدت قصة حب عظيمة"⚜
🕊 #عصافير_غرناطة🕊
ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
كانو وصلو للقصر مع الليل تقريبا، الكمرة شقات طريقها بين النجوم فليلة دافية و جو فتان داير بيهوم، هبط صلاح الدين هو اللول و داز تسناها حتا هبطات مادققش فملامحها ولاكن من هدوءها فهم انها رااضية على الخرجة و عاجبها الحال.
دخلو و لقاو بلقيس بثوب محتشم جالسة مترأسة الطبلة د العشاء بلاصة عبد الله كاتسناهوم غير يدخلو بمجرد ماشافتها عفاف قرنات حواجبها و نطقات بغيرة طفلة فالخامسة: هاادييك بلاصة با و انا احق بيها
بلقيس تاهي جاراتها فهبالها: يااك؟ شكون مراتو و شريكتو انا و لا نتي و الله مابقيتوو تحشمو ياهاد الجيل .( شافت فيها هي و صلاح الدين مكملة ) جلسو تعشاو جلسو، جلس ا ولدي مرحبا بيك راك فموضعك.
صلاح ماكانش فيه الجوع و كان زربان يرجع لدارو و لاكن من باب الاحترام و الوقار مابغاش يردها فوجهها اما عفاف جاوباتها: غاتعشااو بصحتكوم، انا عيانة و ناوية نمشي نصلي و نركد .
مال ماكملاتش قرب صلاح فغفلة من الحضور لعندها و نطق بصوت هامس قرب ودنيها: عيب توقف مك مع الخدم و الجواري العشية كاملة توجد الطبلة على قبلك و تقولي ليها مابغيتوش.
عفاف خنزرات فيه و جاوبات بنفس النبرة: و نتا سووقك بيني و بين ماما اش دخلك؟ قلت ليك رااااني عياانة جفووني كايطيحو بالنعاس.
صلاح الدين هز فيها حواجبو و جاوبها: ايه و هاد العيا مابانش فاش كنتي تجري و تجاري فوق الخيل، (حول هضرتو لجدية) مانعاودووش الهضرة زيدي تعشاي ..
ماخلاش ليها الوقت فين ترد عليه حيت تقدم للطبلة و جر ليها كرسي و أشار ليها تجي تجلس فيه و عينو للارض احتراما لمها و ليها تاهي..
جر كرسي ليه تاهو و بداو عشاهوم فصمت...
#يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
