اسكريبتات روان أحمد ♥️

اسكريبت 8

ـ إيه الحاجه اللى بتنور من غير ماحد يجى جنبها ..؟
ـ إيه ..؟
ـ لا فكر ولو مش عارف قول غُلب حمارى .
ـ ماشى ... ثانيه ،اتنين ،ثلاثه سمعته وهو بيقول غُلب حمارى..
ـ ضحك وقولت :لمبه التلاجه ..
ـ فضل دقائق يجمع الفزوره من تانى وسمعته بيستغفر ربنا .
ـ اهدى كدا يا خالد عيله وغلطتت .
ـ عدى علينا دقيقتين من غير كلام قطعت حاجز الصمت وقولت هقولك فزوره كمان .
قطعنى بسرعه ابوس دماغك يشيخه بطلى فوازيرك دى .
ـ فوازير ذكيه صح مش فى مستوى تفكيرك .
ـ حسيته اخدنى على قد عقلى وقال اه عندك حق.
ـ بس على العموم قطعت برزقك كنت هجبلك شوكلاته من أم 10 جنيه بس خلاص بقا راحت عليك ...
ـ فعلا قطعت برزقى طب العرض لسه موجود ولا راح عليا .
ـ لسه موجود بس هتبقا بـ 5 جنيه مش عشره .
ـ ابتسم وقال :يا يُمنى كل اللى يجى منك حلو .
ـ طب جاهز يا ابو غمازه قمر انت .
ـ ضحك على الدلع اللى دايما بقوله له واتكلم بحماس: جاهز يا يُمنتى.
ـ إتكلمت بسرعه :بيت ومسجد جنب بعض والاتنين فيهم حريقه والاسعاف موجوده هيطفوا انهو الاول ..؟
ـ بابتسامه انتصار دى الاسعاف مش مطافى بتطفى ،مبروك عليا الشوكلاته ..
ـ لا ذكى من يومك يا خلوده لو مكونتش جاوبت دى كنت هعيد تفكير فالموضوع تانى .
ـ تعيدى تفكير فى موضوع إيه يا هبله وانتى بايته عند حماتى علشان اختك اللى لسه جايه من السفر ،انا بقول اجى اخدك ونعيد تفكير فى البيت سوا من تانى .
ـ دا انا بهزر يا خالود انت مش بتهزر بقولك ايه انا هقوم اكل احسن ابنك عمال يخبط فى بطنى .
ـ قومى يحببتى ربنا يهديكى .
ـ يعنى قصدك انى مجنونه ماهو الحق عليا انى رنيت وقولت اونسك واضحك معاك شويه انا غلطانه انى ضيعت رصيد ووقت ما اكلتش فيه .
ـ بهمس :هرمونات الحمل اشتغلت ،اتكلم والله يحببتى ما اقصد وبعدين هو احنا بنتكلم برصيد مين قولى كدا .
ـ احم....ابنك بيسلم عليك وبيقولى اقفلى علشان رصيد بابا ما يخلصش .
ـ تمام روحى كلى انتى وانا هنام .
ـ بدلع :خلودتى .
ـ يا قلب خلودتك..
ـ هقولك فزوره ولو عرفتها نقفل تمام .
ـ بنرفزه :هيا ليله مش معديه قولى وخلصينا .
ـ إيه اللى بنشد بيه المياه ...؟
ـ باستسلام :غُلب حمارى .
ـ بسرعه كدا بس هقولك : مَساحْة المياه..
=...............
ـ خالد يا خالد سكتت ليه .
ـ خالد اتشل يا روحى ..

لـ روان احمد.
رأيكم.....🧡