اسكريبتات روان أحمد ♥️

اسكريبت 11

#اسكريبت .

- مش تحاسب يا أستاااذ انت ولا هى حم*ير ماشيه على الارض .
"لقيته باصصلى والإبتسامة على وشه من الودن دى للودن دى ولا اكنى كنت بديله شوكلت من شويه مش بشتمه المهزء دا " .
-وبعدين إيه اللى حصل .
لولا انى متاخره على ميعاد الشغل ما كونتش رحمته المهزء دا .
-معلشى يا بيبو ركزى فى شغلك للمدير يجى ينفخنا .
- خوافه انتى يا رنا .
-يا بيبو دا مش خوف دا حفاظ على المرتب مش اكتر .
-على رايك الواحد مش ناقص خصومات منه .
"""""""""""""""""""""""""""""
خلصت وركبت عربيتى وروحت قعدت على الكورنيش اشم شويه هوا يضيعوا تعب اليوم و ينسونى الشخص المستفز اللى قابلته دا، اكلت حمص الشام ولما حسيت انى ارتحت روحت البيت "أمى اتوفت بعد بابا واختى متجوزه من سنتين وعايشه لوحدى "
غيرت ونمت تانى يوم صحيت على صوت تليفونى بيرن واول لما فتحت بعدت التليفون من على ودنى لانى هسمع مرشح آيات بنت اختى ام 3 سنين و2 ونص متر طوله لسان كالعاده ...
بقى يا هبه يا وحسه يا عفنه انتى مش تيجى عندنا ليه
ضحكت على كلامها وانا برد :اسفين يا فندم بس والله الشغل وسنينه بقى يا يويو اعمل ايه .
قال يعنى انتى فالحه فى حاجه يا زفته هبه .
-شكرا يا اختى الفاضله يعنى بدل ما تعلمى بنتك بتعملى زيها ،بس خلاص انا عارفه انى مش هخلص منك ولا منها هجيلك النهارده تمام .
آيات خطفت من امها التليفون :هبه ابقى اتى معاكى شوكلاته كتيير وعصير بقا .
جايه ارد لقيت كلبه البحر قفلت فى وشى ،طب وحيات امك ما جايبه حاجه .
قومت لبست وروحت الشركه متاخر سيكا دخلت مكتبى لقيت رنا وجنى وتسنيم مستنينى روحت عليهم خير يا وش الخير منك ليها قاعدين كدا ليه ومش كل واحده فى شغلها ليه و
قاطعتنى جنى :اسكتى يا بيبو اصلك ما تعرفيش إيه اللى حصل فى الشركه الشويه اللى اتاخرتى فيهم .
-إيه اترفدت ولا إيه ولا المدير يكون مات ولا .
قاطعتنى تسنيم :إيه راديو اتفتح عليا اهدى واسمعى كدا .
جايه اتكلم لقيت رنا حطت إيديها على خدها واتكلمت بهيام :اصل فى حتت مز إنما إيه مستورد يا بيبو مش صنع بلادنا دا .
اتكلمت بنرفزه : بتتكلموا بالالغاز ليه انطقى يا زفته منك ليها مين دا .
تسنيم بجديه : مدير الشركه عين قريبه يستى مدير العلاقات العامه .
صرخت بصوت عالى : إيييييييه دا انا اللى المفروض اترقى واكون مديره العلاقات العامه دا انا بقالى 4 سنين فى ام المخروبه دى وفى الاخر قريبه يجى ياخد المنصب على الجاهز كدا ،وقسما عظما لاطربقها على دماغهم دلوقتى .
جنى بتهدأه :إهدى بس كدا يا هبه الزعيق مش هيفيد بحاجه انتى روحى اتكلمى معاه بشكل ودى احسن ويا دار ما دخلت شر .
تسنيم ورنا مؤيدين لجنى :فعلا دا اللى لازم تعمليه .
هديت وقعدت جنبهم :طب قولولى اعمل إيه ما انا اكيد مش ساكته على الوضع دا .
كلهم بصوا لبعض وسكتوا ، روحت قومت مره واحده بما انكوا ما عندكوش حل انا هروح احلها لوحدى ...
سبتهم وروحت سالت رشا ان المدير موجود ولا لا .
قالتلى انه موجود روحت خبطت ودخلت ،
اتكلمت بهدوء نسبى: لو سمحت يا فندم ممكن اعرف ازاى قريب حضرتك ياخد المنصب اللى المفروض ان انا اولى بيه منه .
المدير : آنسه هبه مش حكايه أنه قريبى وكدا بس هو شاب ليه وضعه وهيبته وهو جدير بالمنصب دا مش ممكن لما يدخل شركه عمه يبقى حته موظف وهو معاه الامكانيات اللى تخليه مدير العلاقات العامة .
هبه بانفعال: فهمت انك عمه على عينى وعلى راسى وهو معاه الامكانيات اللى تخليه فى منصب زى دا تمام جدا بس مين اللى شغال مع حضرتك بقاله 4 سنين وحضرتك كنت واعدنى انى اللى همسك المنصب دا لانك بذات نفسك قولت ان مفيش حد يستاهل المنصب دا غير آنسه هبه مضبوط كلامى ولا انا كنت بتخيله .
نهيت كلامى ولقيت هو المهزء اقصد حرامى المنصب بتاعى موجود اه لو اطول زماره رقبتك ..هخنقك خنق كدا ..
المدير بحزم : آنسه هبه احب اعرفك للمدير العلاقات الجديد محمود غنيم .
لقيته اتصدم لما شافنى وقعد وفضل مركز معايا .
كزيت على سنانى وقولت بغيظ : تشرفنا، ووجهت كلامى للمدير : يعنى مفيش اى حل انا كدا مجهودى وتعبى راحوا هدر واظن لو بنت حضرتك مش هترضى عليها كدا صح .
المدير :سيبينى يومين وانا هشوفلك حل ودلوقتى تقدرى تتفضلى على مكتبك .
- تمام ،وانسحبت بهدوء .
لقيت اللى بينادى عليا لفيت لقيته بنفس ابتسامته اللى تخليك توصل لاعلى ليفل فى الاستفزاز .
-افندم بتنادينى انا .
-هو فى حد فى الممر اسمه هبه غيرك دلوقتى .
اه ابتدينا لماضه من الاول : بقولك إيه ولا غيرى ولا مش غيرى عايز إيه .
-ببرود : انا عرفت انك شايله منى اوى علشان اخدت منك المنصب .
-ولا شايله ولا بتنجان وبعدين ولا انت ولا المنصب تفرقوا معايا ،بعد اذنك .
دخلت مكتبى وانا لو طاوعت نفسى هروح اكسر الشركه كلها على دماغ المستفز دا .
استحملت لما وقت الشغل عدى ولانى كنت واعده يويو انى هروحلها فهعدى عليهم .
اول لما دخلت عندهم لقيت ام لسان ونص جايه تجرى تحضنى حضنتها وسلمت على اختااه ولقيت يويو بتبص ورا ضهرى بصه انا فهمتها كويس ..
-ريحى نفسك ما جبتش حاجه .
لا انا كدا ازعل يا خاتووو .
انا قدام كلمه خالتو دى بتثبت على طول :ياروح خاتوو انتى الحاجه قدام الباب اجرى هاتيها .
اختى حست انى متضايقه ولاننا مش بنخبى حاجه على بعض حكيتلها اللى حصل .
فضلت تهدى فيا وضحكنا سوا واتعشينا وروحت .
بكرا الحمد لله اجازه نتخمد بقى بلا شغل بلا هم .
""""""""""""""""""""""
روحت الشغل لقيت المدير طلبنى روحتله .
خبطت ودخلت ،افندم حضرتك طلبتنى خير .
-خير ان شاء الله فى قدامنا صفقه وبما انك مساعده مدير العلاقات العامه فلازم تكونى موجوده مع مديرك فى الصفقه دى هتم فى مطروح فاجهزى ياله علشان مسافرين بالليل .
-تمام هروح انا علشان الحق اجهز .
خرجت من عنده فرحانه انى هغير جو ومتضايقه انى هكون مع المستفز المز دا ...إيه اللى بقوله دا .
سافرنا ... ونزلت قعدت على الشط شويه لقيته قعد جنبى.
-امممم افندم .
إيه اممم افندم دى وانا اللى كنت جاى افتح صفحه جديده معاكى .
-لا فيك الخير والله .
طب انا عايز افهم انتى مضايقه منى ليه .
-اولا انك اخدت منى المنصب اللى من اول لما دخلت الشركه وانا بجتهد علشان اكون فى المنصب دا وبعد ما خلاص جيت انت وهوب كوشت على كل حاجه بسهوله كدا .
-انا اسف والله مكونتش اقصد بس عمى اللى اصر انى اشتغل معاه بعد ما بابا توفى .
صعب عليا لانى مجربه الشعور ان اقرب حد ليك يموت :طبطبت على كتفه وقولتله البقاء لله .
لقيته ابتسم ابتسامه اللى يسرق اى قلب بيها وسرق قلبى معاه :ونعمه بالله .
حاولت افك الحو :بما اننا فتحنا صفحه فله شمعه منوره .
ضحك على كلامى وكمل :هههههه وهنعمل إيه .
- يعم انا هخليك تنول شرف صداقتى مبروك عليك يا عم .
ضحك بصوت عالى لفت نظر الناس لينا .
الناس لما بصت شاورتلهم انه بمعنى اهبل .
يخربيتك اسكت الناس بصتلنا ،وبعدين بتضحك على إيه يا اهبل انت .
-بقى واحد زيى يتقاله اهبل اومال انتى ايه لاسعه .
هه هه هه خفه ياله ،اقولك انسى انك تبقى صديقى انا طالعه انام .
-خودى هنا بس يستى انا اسف ماتزعليش .
ابتسمت بنصر ومديت ايدى:خلاص ،اصدقاء .
تبت فى ايدى :احلى اصدقاء والله .
-سحبت ايدى من ايده .
وجيه على بالى اساله :محمود هو ليه لما هزءتك اول مره كنت مبتسم اوى كدا دا انت شككتنى انى اديتك شوكلت .
ابتسم وقالى :مش يمكن معجب .
-جك عجب فى نفوخك ،وسيبته وطلعت اوضتى .
__________________
مضينا الصفقه ورجعنا تانى ،وبقينا نخرج سوا ونشتغل سوا وكانت نظراته كفيله انه يخلينى ادوب فيه مش احبه بس .
وهو كان عايز انه يتنازل عن المنصب ويدهولى بس انا رفضت "بينى وبينكوا انا استجدعته اوى لا وكمان حبيته يلهوووى عليا "

تانى يوم لقيت على مكتبى بوكيه ورد وفيه جواب فتحت الجواب ولقيت فيه '

"سكنت أكثر مكان كنت أخشى أن شخصآ ما يسكنه ولكنه ليس بيدى كى اطردك منه لأنك قد امتلكته إلى الأبد،حتى ان تنازلت عنه انت، فسيكون مهجورا للأبد وأغلقه من باب حديد حتى لا يسكنه غيرك "
توقيع :. M

استغربت الكلام جدا لانى عمرى ما حد بعتلى حاجه زى كدا اصلا لا وكمان وفيه كلام مؤثر كدا ومين M دا يكون محمود لا لا مش هو اكيد .

قبل لما اشيل الجواب لقيت فرقه الاقتحام داخلين عليا .
تسنيم خدت منى الجواب بسرعه : الله الله الله الست بيبو بقى يجيلها جوابات .
جنى :اقرى بصوت عالى .
استسلمت وروحت قعدت جنب العاقله رنا .
تسنيم قرته ولقيت العاقله عاقله إيه بقى بتصفر وتسقف بصوت عالى ولا اكننا فى مسرحيه .
طردهم كلهم برا بعد اللى حصل دا ما انا مش ناقصه هبلهم والله .

لقيت محمود داخل المكتب قلبى دق جاامد وخبيت البوكيه بسرعه قبل ما يشوفه بس للاسف شافه وشى احمر لما سألنى بحده :مين اللى باعت الورد دا .
حاولت ابين الامبالاه وهزيت كتفى بمعنى ما اعرفش .
لقيته قعد على الكرسى بابتسامه اللى هتجيب اجلى قريب دى وقال :بس انا عارف .
بصيتله واستنيته يجاوب بس كان مبتسم وباصصلى .
اكدت لوهله انه هو بس استبعدت الفكره من دماغى علشان هو اه كان بيلمح بس ماقالهاش صريحه .
قطع حبل افكارى وهو بيقول بابتسامه :إيه هتسكنى قلبى ولا ناويه تهجريه .
تنحت جااامد وهو ضحك على شكلى .
فوقت من صدمتى على تعابير الحزن اللى فى وشه، فهم إيه دا يخربيتك دا هموت عليك يا اخى .
حمحمت وانا بقول : تؤتؤتؤ مش هسكنه .
لقيته قام ولسه هيمشى روحت واقفه بسررعه ومسكت إيده .
- أنا مش ناويه اسكنه انا ناويه امتلكه زى ما انت امتلكت قلبى ❤️
تعابير الفرحه اترسمت على وشه وشالنى ولف بيا وبيقول بصوت عالى بحبكككككك .
يخربيتك هنتفضح نزلنى .
نزلنى وانا لسه فى حضنه لقيت فرقه الاقتحام داخله واول لما شافونا سوا سمعت حته زغروطه خلت الشركه كلها تبقى فى مكتبى .....

"مالقتش ونس للعمر احسن منک"

-روان أحمد ♥️🦋.
رايكم يا لُطاف...♥️