منقي؟ كفي كفي اووووففففف قفلت الخط ورجعت دخلت جوا أمي قالت لي فوز مالك قلت ليها ياخ خطيبي قال شنو قال امو زهجانه من موضوع انو يخطب من بره متا هو ما بعرف كيف يصون القلب قالت لي اه واحد متا انت ما تشتغل بيهو كتير قلت ليها هو ما فارق معاي اصلا قالت لي ايوه انت بتي ولا تخليه يأثر عليك (بتتكلم بي المذكر) فاهم قلت ليها فاهمه ومشيت الغرفه دقيت ليهو تاني قلت ليهو انت متا قايل حتفرق معاي يعني انا المعاريس واقفين في الباب منتظرين إشارة مني يا متا قال لي فوز دي المره الالف تنبزيني بي الرطانه حقتك دي قلت ليه والله لو عاوز بنبزك عادي قال لي متا شنو قلت ليه عووووووووير وما فارق معاي والله قال لي وحبنا؟ قلت ليه وامك؟ قال لي م عارف قلت ليه يا ولد الناس انا ما داير معاك اي علاقه تربطني بيك وامك خليها تشوف احسن مني وقفلت الخط رقدت اتمددت وبقيت اتكلم مع نفسي كجيكول قايل حفرق معاي تلفوني دق الوو... منقي. ااا ما سامع انا قالت لي زحي من المكيف يبت قلت ليها طيب قمت قالت لي بكره ماشين المكتبه تمشي؟ قلت ليها لو فيها كمبيوتر لزم قالت لي طيب انا عاوزه اقري روايه قلت ليها خير ان شاء الله قالت لي صوتك مالو حبيبه قلت ليها اه مف شي بس مودي خربان قالت لي فوز انا بعرفك من صوتك فشنو قلت ليه ياخ ام رشيد عاوزه لي بت جبرانهم ولا بت خالتو ما عارفه ودق قال امو غضبان عليهو ف فسخت الخطوبه قالت لي انتي الحمد لله ما اتعلقت في قلت ليها اه ده متا وانا م بهمني قالت لي فوز انا قلت ليك م ترطني حاوووولي ما ترطني انا ماااا فاهمه قلت ليها سكدي في جابو قالت لي فووووز قلت ليها بحاول اتكلم بي المؤنث عشان خاطرك قالت لي هسي داك ككداد رلا سكدد ولا د شنو قلت ليها يعني سجم خشمي بقت تضحك قالت لي عليك الله غيري لغت المذكر د بحسك كيف كيف حبشيه انتي ولا دنقلاويه اصلو ضحكت ضحك قلت ليها اسكتي خلاص قالت لي سكت عايني حنوم انا قلت ليها طيب تصبحي ع خير وقفلت غيرت بي بجامه والمكيف والنور المقفول ونمت صحيت الظهر شلت فرشتي وبقيت احوم مشيت لي امي شميت ريحه ملاح كركوج بشبه النعيميه يلا انا م بحبو م بحبو م بحبو عشرة مرات قلت ليها ييممممهههه دا شنووو ياخ قاالت لي اوددب امبل من هنا يلااا وفرشتك ف خشمك قرف انت قرف قلت ليها يمممه خلاص ماشه بس م تعملي لينا د يااااخ يععع جريت بره الشارع لقيت ولدين عاينو لي بخلعه قلت ليه اقول ركز في تلفونك احسن مشيت الحمام تميت سواكي واتوضيت صليت ولميت شعري وحده قعدت ف التلفون بحضر من فلم لي فلم لمن العصر إذن صليت ومشيت انظف بعد سمعت فارغه من أمي
طبعا م تستغربو نحن اغلب كلامنا رطانه وانا اتعلمت قرريب اتكلم عديل لأنو مباريه شله كرهوني كل شوية م فاهمين ما فاهمين... عندنا المؤنث مذكر ف انا اتأقلمت شوي أخير من أمي وابوي مبالغه...لمن نظفت تعبت رقدت جاني تلفون من ريري قالت لي فوز أمرقي انا بره قلت ليها طيب لبست لبسه ظريفه خططت حواجبي لمن شفت انها بتتصل صمت التلفون واصلت لمن خلصت شوي عطر وروج ومرقت قالت لي اصلا د حركتك قلت ليها ارجع؟ قالت لي اذا ممكن ارجعي قلت ليها اه قدي جايه اشتغل بيك انا؟ وركبت شغلت غنيه قالت لي كدي سلمي قلت ليها اوك سلمت قلت ليها شوق دفين قالت لي احب البتكلم زينا قلت ليها مالي قال ليك جنوبيه🐸؟ قالت لي ههاي ارح ارح وبقينا نرقص ع غنيه وتجيني تلاقيني لسه بخيري لمن وصلنا المكتبة نزلنا بجد فتحت نفسي بي كلووو دخلنا جوا هي مشت ع صاله القراءه الصامته وانا المشاهده واتفقنا نتلاقي بعد ساعتين بقيت اشوف ف الاسطوانات حبيت فلم الابطال الخارقين شلتو وقعدت بقيت احاول اشغل الكمبيوتر م قدرت صريت وعاينت كده لقيت شاب واقف وبوصف لزول ف الكتب قلت خلاص د مدير المكتبة قلت ليه لو سمحت وقبلت اجبب الاسطوانه رفعت راسي لقيتو جا قال لي ايوه ندهتي على انا عاينت فيه اتخلعت الشاب عندو برص في وشو واااااااي خفت خوف بقيت اعاين ليهو بطريقه لمن اتحسس هو قلت ليه بعد مسافه ااا عاوزه ااا اشغل فلم وابا ابتسم وقعد جنبي قال لي لي اتخلعتي لمن شفتيني ما حصل شفتي زول عندو برص؟ قلت ليه بسرعه لااا انا اسفه لوو فهمت كده بس بخاف قال لي م حنك البنات خوافات طبعا د وهو بشغل ف الكمبيوتر قلت ليه خوافات اي قال لي الله د الفلم العاوز احضرو ممكن احضر معاك؟ قلت ليه صح انت مدير المكتبة قال لي وعرفتي كيف اشرت ع البطاقه قال لي اي قلت ليه طيب احضر بقينا نحضر وانا متحسسه شديد وف نفس الوقت متوتره انا بخاف والله بقيت مركزه في يدو الشمال برضو شعر جسمي قام تقريبا دمعت اللحظه دي شكلو انتبه لي قال لي يا اخت فشنو؟ قلت ليه اسفه لو كسرتك بنظراتي قال لي انتي اصلا بكايه كدة هسي انا سألتك؟ قلت ليه انت ليه بتتعامل معاي كده وانا جرحتك قال لي حصل خير قلت ليه اهي اهي اعفي لي قال لي العفو م تبكي قلت ليه طيب ركزت ف الفلم ساعتين تمو وكل شويه بعاين ف وشو للإنسان د جميل بدون علامات جمال جميل او انا شايفه جمييل ما عارفه كان كاسر خاطري ف البرص د والله لمن خلصت الفلم قلت ليه تسلم قبل يرد مشيت بره ريري جات قلت ليها يلا نغشي مطعم جعانه قالت لي مش لمن دقيت ليك قلتي امي طبخت؟ قلت ليها عملت ملاح م بحبو قالت لي فوز الا نشوف مطعم فيهو بطاقه قلت ليها انا عندي كاش قالت لي طيب يلا مشينا مطعم وقعدنا طلبنا قالت لي وشك مالو مخطوف قلت ليه انت عارف... قالت لي انتي عارفه #قلت ليها بري انتي شوكه فحلقي ما قادره عليك قالت لي الحاجة البتغيظني بوريك ليها اها وريني قلت ليها حبيبي وربي المهم حكيت ليها موقف الشاب قالت لي حسوووووون؟ قلت ليها حسون دي منو قالت لي يا بت الولد اسمو حسون ود صاحب ود عمه امي وبعلييي عملتي ليه شنووووو قلت ليها هي الدنيا اصلا ضيقه كده قالت لي م ضيقه بس انا عارفه ان دي مكتبتو قلت ليها د دلعو؟ قالت لي لا اسمو حسون قلت ليها ااا طيب قالت لي فوز م جادة اول مره تشوفي زول كده قلت ليها ياخ خلعني ماذنبي قالت لي لا ذنبك ونص قلت ليها اعتذرت ع فكرة قالت لي واي منك بتبالغي هسى بكون زعل من كتره ما زعلت من كلامها لمن م قدرت اكل عديل قالالي بنان اصلا حيعذرك بس برضو بتبالغي قلت ليها ريري حسستيني بالذنب خلاص قالت لي واي غظتيني عاينت ليها بطرف عيني وكملت عصيري.....
في يوم حبيت اشوفو تاني ف مشيت المكتبه علي اساس عاوزه احضر هناك لمن قعدت قلت فقلبي يارب يجي يارب يارب تلفوني دق كانت ريري رديت قالت لي وينك قلت ليها المكتبه قالت لي م كلمتينيي انا كمان ماشه اشيل لوحه ف القسم التاني قلت ليها تعالي نحصر الفلم سوا ونمشي نشتري لوحه قالت لي طيب خمسة دقايق اكون عندك قبلت لقيت داك واقف حسيت اني عاوزه اتكلم معاها استغفر الله ما عارفه ليه بس كنت عاوزه اتكلم معاهو مشيت بقيت اشوف في اسطوانه تاني وبتكلم مع ريري زي اني ما منتبه قالت لي فوز مالك؟ قلت ليها مالي؟ قالت لي من قبيل بتقري لي لحظة خليك قلت ليها يازوله خلاص يلا وقفلت قبلت لقيت اسمو منو هو بعاين لي عملت رايحه وشلت اسطوانه ومشيت قعدت بعد مسافه وانا بدعي انو يجي بس خاب ظني وما جا زعلت بالجد ونا عارفه الزعلني شنو جات ريري قالت لي فوفو حبيبي قلت ليها قلبي تعالى سلمت عليها شديد قالت لي فوفو كويسه؟ قلت ليها ما عندي غيرك والله كويسه الحمد لله قالت لي ااا اشك قلت ليها لا م تشكي بجد ماف شي قالت لي طيب يلا نحضر جبتي شنو قلت ليها رعب قالت لي وع ياخ ما حلو دقيقه اختار ومشت شلت تلفوني ودخلت الاستيت كتبت اللهم لا تسقط قلبي في نفق مضلم لا اعلم كيف اخرج منه واستيت تاني فيهو صورتي لابسه الكمامه والنظاره اكيد كتبت خاطره غريبه حتي انا م عارفه كتبتها كيف«سحاب يُمطر أم قلبٌ نَبَض ام فرحاً تجدد»
رفعت راسي لمن لقيت داك وريري جو جمبي قمت وبقيت اعاين ليهو بدون احس عاينت في خدو وااااشري واااشري💔استغفر الله العظيم دمعتي قربت تنزل بس مسكتها ريري قالت لي فوز ده صاحب ود عمه امي قلت ليه ا أهلين قالت دي فوز فوز ده حسون عاينت ليها ابتسمت مد لي يدو كنت خايفه حد الخوف وبس بعاين في يدو سلمت بسرعه قبل يحس وانا شعر جسمي قام بلعت ريقي عاينت ليهو بتوتر ابتسم اتحيرت شديد وقال لي اتشرفنا قلت ليه عظيم الشرف قعدت او بالاصح ريري قعدتو معانا هم بحضرو وانا بالي بعيد جدن ما عارفه وين بس بعيد سرحانه في ولا شي مره مره بتذكر يدو واي بس يا الله ريري لكزتني قالت لي كويسه؟ قلت ليها اا ايوه كويسه قالت لي بتكلم معاك بعدين لاحظت لي حسون ماف قلت ليها مشا بتين؟ قالت لي د حضر حبه ومشا طوالي لو ما عصرتو ما كان قعد قلت ليها خير ان شاء الله وقمت قلت ليها يلا نرجع قالت لي فوز انتي ملاحظه انك اتغيرتي قلت ليها تعب بس يقلبي نعست عيونا قلت ليها يلاااا قمنا طلعنا ف العربية ريري قالت لي فوفو مالك قلت ليها متحسسه من موضوع حسون وحاسه اني عاوزة اتعرف عليهو قالت لي عشان تكسري الحاجز؟ سكت مسافه قلت ليها ايوه قالت لي طيب حسهل ليك الطريق حسون د زول كويس والله ف بحاول اقربكم قلت ليها طيب حبيبي يلا حنزل انا ودعتها ودخلت لقيت هتان دخلت الغرفة قلعت وجيتو قلت ليه اخي العزيز قال لي سستر المتا لمن بهناك قلت ليه عويره حبوبتك ي اهبل انا غلطانه بجي اغير ليك جو ضحك قال لي تطورات شايف انا(صعب ف النطق) قلت ليه تطورات شنو قال لي كلامك بقا زي ده صحباتك قلت ليه اي والله قال لي عقبالي انا قلت ليه كلامهم حلو بس نحن بنتكلم بي المذكر فهمت قال لي فهمت هسي انا صحابي ف شغل بحالو يوروني قلت ليه تصبح على خير ومشيت استغرب جدن ف الاختصار د بس م قدر يقول حاجه دخلت ورقدت بقيت افكر انا لي ما اتكلمت كتير معقول فتحت التلفون وبحضر ف افلام شوي دخلت الواتس لقيت كميه..
*نتلاقي 👋*
