بعد ماوصلو الديره
وهم متعبين من ملكة عزام وطريق السفر
دخلو مطلق وسلطان المحلق ع اساس يرتاحون
لاكن سمعو صوت ابوهم يناديهم وهو معصب
: ملللطق سللللطان
نقزو من الخوف لأنهم عارفين ابوهم اذا عصب عصب صدق
راحو له
مطلق وسلطان : نعم يبه
ابو سلطان : نعامه ترفسك انت واخوك تكلمو مثل الخلق
وبعدين مين قالكم روحو نامو وانتم وراكم شغل أشر ع مطلق : انت روح افتح المحل
وسلطان يروح عند الحلال وخلي اخوك يجي البيت ابيه بموضوع مهم
سلطان : ابشر يبه
طلعو من البيت وكل واحد راح ل شغله
سلطان الي كان مشتاق ل شوفتها
وصل سلطان مكان الحلال وشاف اخوه زياد يشب بالنار ويزهب القهوه
سلطان : السلام عليكم
زياد : وعليكم السلام
قام ضمه : شخبار ابوي وامي
وانت شخبارك
سلطان : الحمدلله كلهم بخير
زياد : ثلاث ايام وانا أكرف انت واخوك مرتاحين
سلطان : لاتخاف بننكرف دبل الكرف الي كرفته
وترا ابوي يقولك تعال البيت بيك بموضوع مهم
قالها وهو يدور عليها بعيونه
زياد وهو يضحك ع سلطان : ترها وراه العزبه
وراح زياد
و خلا سلطان في المكان الي يرتاح فيه
راح وراه العزبه عشان يشبع شوقه
لقاها تشرب ماء راح لها وضمها : والله اني مشتاق لك ي جذابه
كان عند سلطان ناقه اسمها جذابه يحبها مرره غاليه ع قلبه ومن كثر حبه له طلع لها ابيات شعريه :
لو تعرف صوتي وتشم ثوبي
الهوى ماهو ينقص من غلاها
وان كان حبي للطويله من ذنوبي
راح سلطان في هواها
عند مطلق كان جالس لحاله عند باب المحل
يفكر بالي صار في ملكة عزام
يفكر بالملاك الي شافه الي ماغابت عن باله ابدا
قَدْ كَانَت جميلة جمالا لم تقع العين على شبيهٍ له في أي مكان و لم تروي القصص و الأساطير عن مثيل له .
معتدلة القوام لا نقص فيها و لا زيادة قدّها كأنه غصن البان .
أَنفها دقيق صغير كأنّها من الأميرات .
كَان شَعْرُهَا مثل ُسلُوك الذّهبْ يَنْسَدلُ فوق كتفيها .
خَفيفَةٌ رشيقةٌ كَأَنَهَا فَرَاَشةٌ تَمْرَحُ في حَديقٌة .
عَينَاها لوزيَّتَانِ بِهِمَا الون العسلي الجذاب .
كان صوتها عذبا شذيًّا كتغريد البلابل أو زقزقة العصافير وقت الربيع .
نرجع للماضي شوي :
كان مطلق برا قاعة الرجال
يكلم في الجوال
فجأه سمع قريب من قسم الحريم
تتبع الصوت كان ل بنت محبوسه في الخزن
راح يساعدها
: ساعدوني وهي تبكي
حاول يفتح في الباب لقاه معلق
قالها : ابعدي عن الباب بحاول اني اكسره
البنت تعرفت ع الصوت : تكفى ي مطلق ساعدني
انصدم مطلق من البنت الي دخال لانها تعرفه بس تجاهل لان كان همه الوحيد انه يساعدها
دف الباب اول مره مافتح وثاني مره مافتح
المره الثالته دفه أقوى عن المرات الي راحت
انكسر الباب و صرخت مع صوت كسر الباب
تجمد مطلق منها
كانت لابسه احمر وجميله جمال مريح للعين
ملامحها ملامح طفل بريئ
قطع جمود مطلق صوت قريب من عندهم
بحركه غير اراديه راح يضمها ع اساس محد يشوفها صارت تحس بانفاسه الحاره تخبط بجوها غرق مطلق بجمال عيونها العسليه و رموشها الكثيفه
نزلت وجها با احراج : مطلق ابعد عني لو سمحت
استوعب مطلق الوضع الي فيه لف وجه للجها الثانيه جت بتطلع وقفها صوته : خليك بطلع اشوف في احد برا
طلع مطلق برا المخزن ماشاف احد برا وهو صاد مده لها شماغه : اطلعي مافي احد
غطت نفسها بشماغه وطلعت
تأكد انها دخلت قسم الحريم
وهو رجع قسم الرجال وهو هيمان في الملاك الي شافه
نرجع للواقع :
قاطع تفكيره صوت ابوه
ابو سلطان : يولد وش فيك جالس عند الباب كانك محتاج
ضحك مطلق : حسيت اني مخنوق شوي عشان كذا طلعت عند الباب شوي
ابو سلطان : اييه طيب ادخل خلنا نشوف دفتر الحسابات لهذا الشهر
يتبع...
نجمه ، تعليق ، نشر
حسابي في الإنستا :
ii.126xe
تتوقعو مين البنت الي شافها مطلق ؟؟؟
تتوقعو ابو صيته بغير كلامه بخصوص زواج سلطان وصيته ؟؟؟
تتوقعو وش يصير في البارت الجاي ؟؟؟
