ابو سلطان : اييه طيب ادخل خلنا نشوف دفتر الحسابات لهذا الشهر
دخلو المحل
ابو سلطان محله كان مشهور في الديره وعنده أملاك أخرى
ومحل ذهب مشترك وبينه وين ابو نجد
جلس ابو سلطان ورا المكتب
و مطلق قدامه
ابو سلطان جالس يقرأ دفتر الحسابات
و مطلق رجع سرح بالملاك الي سحر قلبه والي يتمنى يشوفه مره ثانيه
ابو سلطان : مطلق انت ليش مو مسجل في الدفتر أرباح هذا الشهر
مافي رد من مطلق لانه غارق في ملاكه
ابو سلطان : مطلق
مافي رد
عصب ابو سلطان وضرب الطاوله بيده بقوه : مطلق وصمخ
نقز مطلق : هه هلا يبه
ابو سلطان : لي ساعه اكلمك ماترد تفكر بوش
مطلق : ما فكر ولا شي
ابو سلطان : اييه والله انت مو طبيعي من ملكة ولد عمتك شكلك شايفلك شوفه
مطلق بتوتر : اي شوفه ي الغالي بس انت تعرف طريق السفر كان طويل
تنهد ابو سلطان : يولدي خلك ثقيل ترا الثقل زينه
لاتخل قلبك يكون رهيف
في مكان آخر في الرياض
تحديد غرفه البطله نجد
كانت منسدحه ع السرير تذكر المواقف الي اجمعتها بينها وبين سلطان وشعور الغريب الي مو راضي يروح منها
تنهد : اهه لا كون حبيته
لا ي نجد صحصحي هو يعتبرك مثل اخته
نجد ماتعرف قصة سلطان وصيته وانها راح تكون طرف ثالت
قامت من عن السرير وراحت تلهي نفسها باي شي عشان ما تفكر في الشعور الغريب
نرجع للديره
تحديدا في بيت البطله صيته
صيته مارحت ع الملكه جلست في البيت هي وامها
ف متدري وش صار هناك
في الحوش تنشر الملابس
دخل ابو صيته البيت شافها تنشر الملابس راح عندها : يعطيك العافيه ي ينور بيتي
صيته : الله يعافيك ي تاج راسي
راحت باست راسه
صيته : كيف حالك عساك بخير ي الغالي
ابو صيته : بشوفتك صرت بخير
صيته : جعله دوم
ابو صيته : القهوه جاهزه ؟
صيته : ثواني وهي عندك
ابو صيته : خلص انا جالس في المجلس جيبي القهوه ونادي امك ابيكم في موضوع ضروري
راحت صيته تجهز القهوه بالها مشغول في ابوها
نادت امها و راحو المجلس
صبت القهوه لابوها و امها
ام صيته : وشهو الموضوع الي تبينا فيه
نزل فنجاله وعاين في صيته
: يوم الخميس بجون ناس يخطبون صيته
حست بكتمه و قشعر جسمها من الي سمعته
رفعت راسها بقوه وعيونها شوي و بتطلع من الصدمه
دقات قلبها تسارعت حست نفسها بتموت
ام صيته : مين الي خاطبها
ابو صيته و مازال نظره ع بنته صيته : سلطان بن ابو سلطان
اخذت اكسجين هدت دقات قلبها
حست ان قلبها وقف بعدين رجع نبض والابتسامة شقت وجها
ام صيته : ع البركه وسلطان رجال طيب وصيته تستاهله
ابو صيته : هها شرايك ي صيته
صيته بخجل : الشور شورك انت وامي و انتم بتختارون لي الأحسن
وقامت طلعت لغرفتها
قفلت الباب وجلست تبكي من الفرح لان سلطان اوفا بوعده و بيخطبها
انسدحت ع السرير وهي تذكر ايام طفولتها مع حبيبها سلطان
تسريع للاحدث
رجع ابو نجد للديره بعد ماخلص شغله
يوم الخميس
قام سلطان من النوم قبل الكل
شب النار وجهز القهوه
قام ابو سلطان وأم سلطان ع ريحة النار
طلعو للحوش يشفون من شب النار
ام سلطان : وش مصحيك ياسلطان بذا الوقت
قام باس راس امه وابوه
: احس فيني نشاط وطاقه ايجابيه
ابو سلطان : امحق ايجابيه
في المغرب
في بيت ابو سلطان المحيوس
الي يدور عقاله والي يتروش والي واقف قدام المرايه يتكشخ
مطلق : سلطان شفت عقالي
سلطان : لا ماشفته ، أسأل زياد يمكن يعرف مكانه
مطلق : اخوك راقد في الحمام كأنه هو العريس
سلطان : ههههههههههههههههههههه وانت الصادق
طلع مطلق يدور سلمى
: سلمى شفتي عقالي
سلمى : شفته في المجلس عند المساند
يتبع ...
نجمه ، تعليق ، نشر
حسابي الإنستا :
ii.126xe
● توقعاتكم مطلق من بشوف في المجلس
● توقعاتكم مين الشخص المجهول الي بخرب ع سلطان
● اعذروني عن التأخر في تنزيل البارت
