أسهم قاتلي

البارات السادس

     .............. البارات السادس .............
  
                      روايه : أسهم قاتلي

                   بقلمي . ايمان البياتي

                         قرائه ممتعة

              🤍🤍🤍🤍🤍🤍🤍🤍🤍

             الاشد من الحزن التظاهر بعدمه اي بالفرح

                 لا أملك مواساة للتخلص من الألم

                    سوى الصبر والكثير من الصبر

             .................................................

هشام : وصلت صفيت السيارة  نزلت الاكل وتوجهت  للكوخ  لكيت الباب مفتوح عصرني كلبي دخلت اركض  للغرفه جمان ماكو باوعت بكل مكان ماكو  هاي وين راحت عقل ما ضل براسي معقوله احد اجه ولكاها وراحت ويا ؟ افتر مثل المخبل  بالبستان وين راحت منو الهه وهيه شتندل حتى تطلع  لمحت خيالها عند شجرة  ركضت عليها مثل المخبل سحبتها من ايدها  انتي شسوين هنا مو كتلج  لا طلعين  برى الكوخ شلون طلعتي  تدرين شصار بيه الف فكره اجت بالي عبالي صار عليج شي او كلت طلعت لمكان وما تندل ليش هيج  سويتي   ليش طلعتي  ما نتضرتيني حيلي نهد احس رجلي بعد ما شيلني كعدت بالكاع وستندت على شجره  خليت ايدي على راسي احس راسي حينفجر لو رايحه من ايدي اني شلون اعيشج بدونج

جمان :  هشام شبيك طلعت اكل ليمون ما رحت المكان
شفت من شباك  شجره ليمون ما تحملت  جنت مشتهيته  تحمست وجيت بسرعه للشجرة اسفه

هشام : بعصبيه لج تعرفين من الخوف احس كبرت عشر سنين  وصرت مثل المخبل ادور عليج وانتي بكل برود تكولين جيت اكل ليمون نتضري اجي واني اجيبلج

جمان :   واني امسح دموعي من خدي والله مو قصدي اسفه بعد ما اعيدها

هشام :  اوووف ربي لا تبجين لج لا تبجين ما اتحمل دموعج   امشي يله نرجع  لزمتها  من ايدها توجهنا للكوخ متقصد اعصر ع ايدها  وهيه تحاول تسحب ايدها من كف ايدي  ..
جمان كل ما تحاولين تسحبين ايدج من ايدي راح  اضغط عليها أكثر

جمان : اووي كاعد توجعني عوف ايدي

هشام : صيري حبابه وامشي ايدج ما أعوفها وكلمه اوي لا تعيديها

جمان  : مشيت بصمت
وصلنه للكوخ وهشام جايب اكل  أشكال وأنواع طلعهن من جيس وخلاهم على ميز الطعام  وكعد ياكل بشراهه واني اباوع علي بطني صوفر من الجوع بس  استحي اكل  

هشام :   بضحكه اعرف بروحي حلو  اكلي لا تصفنين بوجهي

جمان : خرب فشلني

هشام :  اعرف خجلانه تاكل وياي هاي اول مره نكعد اني وياهه على سفره وحده حقها تستحي حبيت الطف جو كتلها اكلي لا صفنين بوجهي  شو هاي صارات طماطه من خجل  خلصت اكل بساع وكمت لان اذا ابقه كاعد مستحيل تاكل  كتلها اني شبعت راح اروح انام نعست  عفتها ومشيت تمددت على القنفه وغطيت بنوم عميق من بارحه ما نايم زين