قاعدة تسيي تجبد روحها مقدرتش اما هو عينيه رجعو حمورا من واش دارت ...... الصوت لي جا موراه خلاه يطرطق عينيه و يدور عند مول الصوت
رضا : سس ... سيف
هي لي دورت راسها فرحانة و اخيرا جا واحد ؛ غير شافتو عرفتو راحت و تخبات موراه ؛ دور راسو لقاها موراه تترعد
سيف : واش كاين هنا
رضا : حاجة متخصكش .... بيني و بينهاحط يدو على تريكو تاعو و جبدو
سيف : مراحش تحبس **** تاعك ..... هادي la dernière fois لي نلقاك تتبلى طفلة هنا فهمت
رضا : هاد البلاصة تاعي راك فاهم
سيف : ملك باباك وقيلا .... شوف نقولك زوج كلمات بلاك تخلط فيا ..... نخرجك بيك بصحابك منا غير متسييش تلعب معايا ..... و نتي امشيتبعتو و هي دور راسها مرة مرة لرضا لي كان ياكل فروحو خزر فيها و هي دارتلو شح بحواجبها
سيف : امشي قدامي
ملك وقت سمعت صوتو بلعت ريقها سبقتو و هو موراها
سيف : واش جابك منا
ملك : ..... جيت من جهة الجنينة ، مكانش علبالي
سيف : مالا ديريها فراسك متزيديش جي منادارتلو براسها ايه و لحقو قدام الدار هي دخلت لدار سعاد و هو دخل لدارهم
...........
ملك لي راحت للدوش تغسل و تتفكر فلي دارو رضا
ملك : ميحشمش قريب ما حبس قلبي من الخوف
جات تصويرة سيف بين عينيها و لي دارو مقبيل بدات تتبسم
ملك : عندو واحد الكاريزما تقتل
عقدت حواجبها و خبطت روحها كف بلعقل
ملك : نتي هبلتي وقيلا قالو كاريزما ..... بصح الريحة لي دايرها تهبل .... ايه باينة هوما يحطو الغالي حسبتلك نتي ..... ملك هبلتي صح
دورت عينيها و كملت تغسل فوجهها
........
دخل سيف للكوزينة وين كانت قاعدة حبيبة تخلط فالقدرة وقت حست بيه دخل دارت
حبيبة : راهو جا الغالي
راح سلملها على راسها و قعدو
حبيبة : كيفاش راك
سيف : راني مليح يما
حبيبة : كنت تبانلي مقلق هاد اليامات ياك خير
سيف : خير يما مكاين والوحطت يدها على يدو و تنهدت
حبيبة : ليلى ياك .... سمعت بلي راحت يا وليدي هكا خير ليك و ليها نتا وياها متتوالموش
سيف : يما كنا هدرنا فهاد السوجي منقبل منحبش تزيدي تفتحيه معايا
حبيبة : ايه كيما تحب
سيف : كنت حاب نشاورك فحاجة
حبيبة : ايه
سيف : قلتيلي مرة بلي خالتي تحب بزاف الخياطة و بكري كانت تخيط للناس
حبيبة : ايه
سيف : قلت وعلاش منشريلهاش الماشينات و الماتريال لي تسحقو و دير بروجي تاعها و هكا دخل مصروفها بيدها ..... يعني انا معنديش بروبلام نصرف عليها و راح نقعد هكا بصح هي وقت نمدلها دراهم تحشم بزاف و مرات متشدهمش مام انا و رجعت نحشم نمدلها كي نلقاها دير هكاك
حبيبة : خير ما درت عجبتني بزاف l'idée راني سوور بلي راح تفرح
سيف : ان شاء الله ، كاين واحد من معارف مروان راح يجي كي يكمل خدمتو فلخارج وصيتو يجيبلي الماتريال تاع لخياطة معاه يعني خالتي تستاهل كل خير فعايلها تشهد عليها
حبيبة : مام نتا تستاهل كل خير يا عمري ؛ ربي يفتحها عليك كيما راك فاتحها على اليتامى و يرزقك بمراة الله الله و الذرية الصالحة ان شاء الله
سيف : هااا رجعنا للزواج انا نوض خير
حبيبة : خلاص منزيدش نهدر ؛ حقا و العيد هذا منين نشريو الكباش
سيف : كي يقرب يلحق نوصي واحد يجيبلي زوج
حبيبة : مليحدخلت الما و قالتلهم
الما : حبيبة واش درتيلنا للعشاء
حبيبة : العدس
الما : فهاد السخانة ماما
حبيبة : الناس ملقاوش واش ياكلو و نتوما تشرطو عليا
الما : انا نقلي بطاطا مالا
حبيبة : البطاطا راهي غالية ديجا غير كيف قليتو حبيتي تاكلي العدس كولي سينون رقدي بشر
الما : ماماضحك سيف و قاللها
سيف : انا نروح نرقد شوية كي ياذن المغرب نوضوني
حبيبة : ايه........
قاعدين فالقاراج تاعهم كيما العادة و رضا كان باين عليه مقلق شوية و دخل سفيان سلم عليهم و قعد
سفيان : واش عبدو كاش جديد
عبدو : كاين غير القديم
سفيان : وشبيه رضا مقلب وجهو علينا
عبدو : ههه خوك فسدها عليه .... راح تبلى وحدة و سيف وقفلو في وجهو
سفيان : اهاهه و شكون هادي
رضا : معلباليش جامي شفتها هنا ؛ كانت لابسة روبة زرقا و شعرها طويل
سفيان : روبة زرقا !! وقيلا ملك بارسكو شفتها كي ركبت صباح فتاكسي
رضا : تعرفها
سفيان : اممم جات ضيفة عند خالتي
رضا : مالا قول لخوك يبعد من طريقي خيرلو ؛ ياك خواتاتو ( على اسراء و الما ) رانا مبعدين عليهم ميدخلش روحو فحاجات خاطيينو خير ما يجيبها فروحو
عبدو : بصح يا خو قعد بعيد على بنات الحومة واش داك ليهمناض سفيان و هو مخنزر فيه
سفيان : رضا مدابيك تعرف كيفاش تهدر على خويا و اذا عندك حاجة تقولهالو قولهالو ليه ماشي ليا
رضا : هههه ترجلت يااه ؛ ماشي هذا سيف خوك لي يكرهك ولا نسيتسفيان لي زير على يدو و قالو
سفيان : راك قلتها خويا و يقعد خويا
خرج سفيان و رضا دور راسو مقلق
رضا : يجي نهار و يخلص فيه الجديد و القديم ولا منتسماش رضا
عبدو : خطينا من المشاكل رضا لي فينا يكفيناهادو هوما حلقات اليوم ان شاء الله يكونوا عجبوكم خليولي ارائكم فالتعليقات و اقترحاتكم و الى الملتقى ان شاء الله في بارت اخر 💚
أنت تقرأ
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك