مساء الخير
بعد معاناه طويله رجعلي شغف الكتابه واخيرا
واني سعيده برجوعي لهذا العالم..
مبدائياً كلشي راح يتغير الاسم مو ثابت الغلاف مو ثابت ان شاء الله ارتبهن
ومكدرت انتضرهن يكملن يلا انشر بس حبيت اثبت الروايه..استمتعو بهالمشهد واتخيلو مثل ما اني داتخيله وابتسم ☺️
موعد النشر 1/10
...
: انت تعرف شنو يعني فمنست توكع بحبك؟
:ههههههههاي شنو يعني الفمنست متميل للرجال؟
ضربته ع كتفه : اتأدب مو هيج قصدي بس عادتاً الفمنست يكرهن الرجال لان كل الضلم يجي منكم..
لزم معصم ايدي : واني اتشرف بهذا الحب
رفعت طرف حاجبي وجريت ايدي : بس؟
تقرب خطوتين تجاهي : ماكو داعي اكلج شكد احبج لان تدرين بيه شلون غركان..
ابتسمت وكتفت اديه : عموماً انت الان اكثر رجال محضوض بالدنيا..
نفخ ببتسامه ورفع حواجبه الاثنين
:بطلتي الوكاحه كلنه الله هداهه هسه شيبطل الغرور هذا؟
: اني كلش هادئه بس مجنت متقبلتك
:وهسه
بلعت ريكي :هسه مداكدر اتقبل غيرك
ومداكدر اباوع الغيرك احس ماكو بالكوكب غيرك واشوف كل الرجال بيك انت
: واني اشوف كل الجمال بيج انت
: متاكد
:شوكعني غير جمالج وعيونج المكحله
رمشت مرتين وكلت بدلع : تحب الكحله بعيوني
كال بذوبان : احب عيونج لان هي الي محليه الكحله ومسويهه الهه قيمه
: اوي معرفتك رومنسي
ابتسم وواكتافه اهتزت بهدوئ : لعد شعرفتي
كلت بلئم : خبيث حقير وطيب شويه لان ساعدتني..
قاطعني وهو يتقرب مني ويحاول يلزم خصري ركضت وصرخت : ومشاغببب هوايييييه
صار بوجهي عمي وجهه محتقن بغضب
..
مشهد ٢
بجيت وخليت اديه ع وجهي : وخر عني ارجوك وخر
: بس انطيني فرصه احجي وياج واعرف شبيج
:وكفت على حيلي وانتفضت :داكول وخر عنيي وخررررر صحت( بصوت عالي) يمةةةةةةةة ولج يمةةةةةةةة
حط ايده على شفايفه : اش اش فضحتينه
صرخت واني املخ بنفسي : لك عوفني راح اموت وخر عني عوفنيييييييي
تقرب اكثر وحاول يلزمني دفعته بقوه ووركضت اريد اشرد من كدامه ماريد اشوفه خفت ونعاد موقف الطفوله اريد اتقيء كد ما لعبانه نفسي
حسيت بخطر مو طبيعي شجابني هنا اني شلون ورطت روحي؟ صار كدامي الشط بدون اي تفكير
ركضت بتجاها ووالنيه تربعت براسي وهو يصيح اوكفيييي اسمعينيي والله ما اتقربلج بس اهدي
ذبيت روحي جفت هيج بدون مقدمات ووحسيت بالمي يدخل خشمي ووحلكي وجانت اول مره اغرق بيهه... يتبع
