_ أنا مش بعرف أطبخ...لا لا أستني بعرف أعمل أندومي أييه هتاكل صوابعك وراه.
= ياراجلل!
_ لأ! أنا مش راجل.
= لا صح صح، ياستت!
_ أيوة كده.
= وأيه كمان!
_ صح فكرتني، مبصحاش بدري نهائي.
= ولا أنا، اللي بعده.
_ أممممم، لو هنخلف ف أنا عليا الولادة والترضيع وأنت عليك التغير والتشطيف ولما يكبروا تذاكر لهم وتسهر أنتَ بقي.
= مش هنخلف، اللي بعده.
_ أحسن برضوا الولاد دول صداع.
= عندك حق.
_ واه كمان، أنا مش بعرف أكوي.
= عادي نودي الهدوم لمكوكي.
_ ومش بعرف أغسل.
= عادي نودي الهدوم لماما او مامتك.
_ طب طب بص أنا مش بحب أقعد لوحدي وأنت هتسبني وتقعدّ مع صحابك علي القهوة.
= هجيب القهوة وصحابي ونيجي البيت.
_أمممم، good idea برضوا.
= عندك حاجة تاني في الموضوع الخطير ده!
_ لا خلاص لو أفتكرت حاجة هقول لك.
= يلا يلا يابت برا يلا.
#من_نبع_خيالي"فاصل_ونواصل" .
#ملك_محمود.
