روايه هو و هي

(الحلقه الاولى ) (القـــاء الأحبــه ) ❤ ❤

(الحلقه الاولى ) (القـــاء الأحبــه ) ❤ ❤
أبطال المسلسل (أحمــد ومريم )
مع المذيد من اصحاب أحمد وصحبات مريم اللى هنقابلهم ف المسلسل
أحمد ف اخر سنه من كليه تجاره جامعه القاهره
ومريم ف نفس الكليه بس لسا سنه أولى
والمسلسل حلقاته مش طويله .... عشان الناس ماتزهقش
وبتبدأ احداث المسلسل ف اول يوم ف السنه الجديده وهى كالتالى :👇
........................ ( الحلقه الاولى ) ❤
أحمد : حمد الله على السلامه ياض انت وهو احكولى عملتوا ايه ف الاجازه
مجدى : اسكت ياعم انا خربتها !!
أحمد : خربتها ايه والنبى اتلهى على عينك . انا كل ما اجى اكلمك امك تقولى نايم
مجدى : طيب مانا كنت بخربها اهو . كدبتش انا ؟ ولا كدبتش يعنى
مصطفى : انا طلعت الساحل قعدت 10 ايام هناك مع الواد محمود وعلاء
ماجيتش معانا ليه منا اتصلت عليك ياعم ....
أحمد : معلش انتوا عارفين انى ابويا كان تعبان وكنت بجرى بيه من هنا ل هنا ... لغايه ما ربنا تولاه ورحمه من العذاب اللى كان فيه ..
مجدى : ربنا يرحمه ...
مصطفى : ربنا يرحمه يا ابو حميد . شد حيلك انت راجل
عمرو : حبيبى يا احمد ربنا يصبرك يا سيد الناس
علاء : ايه يا جدعان انتوا هتقلبوها نكد ليه الله يخربيوتكوا , انا جعان
أحمــد : يا اخى انت ايه بطنك مخرومه . انت بتيجى يابنى الجامعه تحسين صحه وعشان نصرف على امثالك ... اتنيل هز طولك روح هاتلنا تشكيله ساندويتشات وهاتلى بطاطس من غير لا مايونيز ولا طحينه ولا اى حاجه من الحركات دى وشوف الشباب
علاء : هات ياعم هات .......
(بعدها ب 10 دقايق رجع علاء ومعاه الساندويتشات )
علاء : ايه ده يا جماعه ده .. شوفتوا بنات الدفعه الجديده !!!
أحمد ومجدى ومصطفى : مالهم يالا فيهم ايه ؟
علاء : مالهم ايه ياعم دول كلهم مزز
أحمد : ياراجل ... فين ؟؟
علاء : عند الكافتيريا . ونازلين بوس واحضان ف بعض لما الواحد الشاى كان هيقع على وشه
أحمــد : ههههههههههههههه طول عمرك مدهول وحالتك حاله .. عشان كده مافيش واحده معبراك .. يا كلب البحر انت
مجدى : ايوه اتعلم من عمك ياض .. اتعلم يا ده فلانتينو الجامعه اللى قدامك ده ....
علاء : اسكتوا والنبى انا من ساعتها مش متلايم على نفسي ... دول حاجه كده خيال .. كلهم مزز والمصحف وفيهم واحده بسم الله ماشاء الله .. انا اول ما شوفتها قولت ماشاء الله وبس هههههههههههههه
أحمــــد : يا عم انت بوء .. وف الاخر هتطلع شبه عمك الله يحرقك
علاء : استنوا استنوا اهم جايين هناك اهم علينا .. اعمل ايه ؟ اعمل ايه يا احمد اظبط شعرى ولا اعمل ايه ؟
أحمــد : لا هو متظبط متظبط ماتقلقش 😂😂
( بتعدى مريم وصحباتها التلاته من قدام الشله .. وبيلمحها أحمـــد لأول مره )
مجدى : إلحق ... ايه يابنى ده هو فيه كده ؟
مصطفى : يا نهار اسود ومنيل .. دى باينها سنه سعيده علينا كلنا
علاء : انت مالك متنح كده ليه يا عم أحمد .يا حمووووووو ..
أحمـــد : ........................
مجدى : ههههههههههههههه إنت مالك يابنى تنحت كده ليـــه ؟
مصطفى : لا بس البت اللى لابسه بلوزه حمرا دى أحلى واحده ف الجامعه كلها
أحمـــد : مالكش دعوه بيها يا تلح انت ...
مجدى : ايه يا جدعان انتوا هتتخانقوا ؟ مالك يا عم انت تعرفها ؟
أحمــد : لا
مجدى : أمال ايه الحمقه اللى انت فيها دى ؟
أحمــد : هو كده . مالكوش دعوه بيها
واللى هعرف انه بس بصلها عليا الحلال من دينى هتبقى مشكلته معايا انا ..
مصطفى : ايه ياعم هو فيه ايه ؟ هى دى اول ولا اخر واحده تشوفها وتعجب بيها ؟
أحمد : أه اخر واحده ... .. فيه حاجه ؟
مجدى : ههههههههههههههه ماتقلقوش يا جماعه هو بيحب يهزر كده على طول .. ايه يابنى انت اتجننت ولا ايه ؟ دانت معتقتش
أحمــد : دنا كنت أغبى خلق الله ...
مجدى وعلاء ومصطفى وعمرو ف نفس واحد : ايه ؟ انت وقعت ولا ايه ؟
أحمد : باينه كده يا مجدى ... وقعت ولا حدش سمى ع اللى خلفونى
مجدى : طب هتعمل ايه دلوقتى ؟؟!!!!
............................
((يتبع ))
وإلى اللقاء ف الحلقه القادمه .