روايه بنت الاكابر

(الحلقه الثالثه ) ( لمه البنات )

................
(في الحلقات السابقه )
عماد : الو ! منى ... كلمى الاستاذ احمد ... الملف هتلاقيه عندك وفيه رقم تليفونه ... وبلغيه ييجى بكره الساعه 8 يستلم وظيفته
منى : ( ف سرها ) ايوه بقي هههههههههههههههههههههه
عماد : الو ! انتى يابنتى سامعانى ولا ايه ؟
منى : ايوه حضرتك معلش
عماد : مين اللى بيضحك عندك ؟
منى : لا مافيش حاجه دا عميل ومشى خلاص
عماد : تمام .. كلميه دلوقتى ؟
منى : اوكى يا مستر
..............
منى : الو ! ايوه يا لمض ازيك ؟
....................(الحلقه الثالثه ) <3
احمد : لمض مين ياللى تنشكى ف لسانك ... انتى مين يابت ؟
منى : ههههههههههههه الله الله .. ايه ده ياعم انا منى
احمد : منى مين ان شاء الله ؟ ما المونيهات كتير
منى : هههههههههههههه يخرب عقلك .. انا منى اللى كنت عاوز تعزمنى على عشوايه لو اتقبلت ف الوظيفه بتاعتنا
احمد : لا بتهزرى ؟ قبلونى بجد ؟
منى : اه والله ... وكمان تيجيى الساعه 8 الصبح بالثانيه عشان تستلم شغلك
احمد : هههههههههههههه من عينى يا قمر . لا شكلك وشك حلو اهو
منى : يعنى لسا عند عزومتك ولا ايه ؟
احمد : ياسلام . احلى عزومه ... مابرجعش ف كلامى على فكره ... وشوفى امتى وفين ونخرج نتعشى
منى : هههههههههههههه خلاص اوكى ... تعالى بس بكره واهو هنكون زمايل ياعم ونبقى نشوف هنتعشى فين وامتى ؟
احمد : اشطا .... اشوفك بكره
منى : اوووك . سلام
احمد : سلام
........................
على : اوباااااااااااااا شكل الموضوع لبس يا عمناااااااااااااااااااا
احمد : هههههههههههههه قروا بقا ع اللى خلفونا ... من النهارده ماعرفكوش يا حوش هههههههههههههه
مصطفى : اصيل يا واطى ههههههههههه ع العموم انا مش محتاجك انا بردو شغال وعندى شغل وسايبه عشان اجى مع حضرتك النهارده
احمد : تسلملى يا صاصا انت الحب يا شقيق ... مراتك عامله ايه ياض ؟
مصطفى : كويسه بتسلم على اهلك . كل شويه تقولى هات سالى وندى يقعدوا معايا ..
على : المهم ياعم عاوزينك اخر شياكه بكره ..
احمد : منا طول عمرى شيك ... بقولكوا ايه . ما تيجى نسهر النهارده ... رنوا ع الواد زياد ونخرج نروح اى حته
مصطفى : ياريت والله .. بس مراتى مش هتخرجنى
احمد : يا حنين ! سيبهالى يا خيبه انا هكلمها ..
مصطفى : ههههههههههههههههه ماشى يا حيله ..المهم ابوس ايدك امسك ف ام الشغلانه دى مش زى كل مره بقا ....
احمد : الله .... وانا اعمل ايه يا مولانا ماهما اللى مش بيقدروا المواهب بتاعتى
على : هههههههههههههههه اه على يدى .. بقا يا تحفه تشتم المدير بتاعك المره اللى فاتت وتقوله يا خرونج
احمد : كان شايف نفسه عليا ... وعمل هوليله وبوليكه عشان شافنى واقف مع السكرتيره بهزر معاها ... اتحرق من جواه ان ازاى واحد شغال تحت ايده والبنات بتبصيله ومطنشاه هو ... يا اخى الناس الاغنيا دول فيهم حته كده بحس ان عندهم نقص .. بحس انهم عاوزين كل حاجه ليهم لوحدهم
مصطفى : بس مش كلهم يا صاحبى .. فيهم ولاد حلال وروحهم حلوه . وبعدين هو احنا معدومين ولا ايه ههههههههههههههههه ماهو الحمد لله ابوك وابويا سايبنلنا قرشين حلوين قبل ما ربنا يفتكرهم ومسنودين عليهم .. ومبسوطين
احمد : انا بتكلم عن الناس اللى فوق اوى اوى يا درش.... واكيد طبعا فيهم ولاد ناس وروحهم خفيفه .. عندك الواد زياد اهو ... اللى يشوفه يقول دا متشرد وهو معاه فلوس اد مخه هههههههههههههه هو فين صحيح بقالى يوم ماشوفتوش ..
مصطفى : شويه وجاي .... المهم انت مابتحنش لحبك القديم ؟
احمد : حب قديم مين ياعم ؟ ماحبتش انا قبل كده . ال حب ال ههههههههههه
مصطفى : على بابا ؟ هههههههههههههههه طب وسلمى ؟ زميلتنا ف الجامعه بنت الناس الاكابر اللى كانت دايبه فيك وانت ولا انت هنا ؟
احمد : يااااااااه . كنت عارف ؟
مصطفى : عيب . داحنا شقايق ... وكنت انا الوحيد اللى فاهم انك بتحبها انا والواد القرد اللى اسمه على .. وحسن الله يرحمه كان معانا بردو
على : اه والله كنت عارف انك بتحبها مع انك عمرك ما قولت حاجه عنها لاى حد
احمد : طب وانت ايش عرفكوا انى حبيتها
مصطفى : ههههههههههههههههه بقولك احنا شقايق . ومين هيفهمك غيرنا يعنى ؟
احمد : يابنى سلمى دى البنى ادمه الوحيده اللى حلمت اكون معاها والوحيده اللى ماينفعش اكون معاها
مصطفى : طب ليه يا احمد البت كانت شارياك وباين انها كانت بتحبك ,, بس انت اللى معقد بسبب فلوسها وفلوس ابوها
احمد : مش معقد والله .. بس كنت عاوز اعرف هى بتحبنى انا ولا مجرد حاله غريبه كانت عايشاها ,,, عارف انت الناس الاغنيا دول بتطلع بنتهم متمرده وتقولك انا بحب ابن الجناينى وفيلم رد قلبى ده عارفه ههههههههههههههه
على : هههههههههههههههههه اه عارفينه بس هى كانت بتحبك بجد
احمد : ما علينا . اهو كل واحد راح لحاله بحلوه ومره بقا . اه على فكره صاحبه الشركه اللى مقدم فيها اسمها سلمى تقريبا ..... سمعت الراجل بيقول هنبلغ استاذه سلمى هههههههههههههههه
مصطفى : دى علامات بقا ... ههههههههههههه دور عليها يا تلح
احمد : ادور على مين يابنى انت اهبل ؟ دى زمانها متجوزه راجل اعمال من طرف السيد الوالد وعايشه دلوقتى .. ربنا يسعدها ياعم .. فكرتونى بالذى مضى الله يحرقكوا ....
على : طب ايه عاوزين نحتفل بشغلك النهارده ف اى خون كده من بتوعنا هههههههههه
احمد : اه انا عاوز اسهر للصبح عشان اروحلهم بكره نايم يرفدونى وارجعلكوا تانى يا غجر هههههههههههههه
مصطفى : ايووووووووه بقي ... ما تجيب حضن ياض
احمد : حبيبى يا ابو الصاصات ... تعالى ف حضن اخوك يا فواز هههههههههه
على : طب وانا وانا . حبونى معاكو هههههههههههههه
احمد : عارفين ! انتوا الحاجه الصح اللى طلعت بيها م الدنيا دى موت حسن ده كل ما افتكره اتفض وابقى خايف افقد حد تانى منكو .. حبايبى واخواتى
مصطفى : ياحب انت اللى مجمعنا دايما .... والكبير بتاعنا اللى بنرجعله ف اى حاجه
احمد : كبير مين يا حنين ... ! داحنا سنه واحده وجيره واحده وحاجه منيله بنيله ههههههههههه
على : طب بقولكوا ايه ؟ روحوا بقا اتغدوا وشوفوا وراكوا ايه ونتقابل بعد العشا .. اشطا ؟
احمد : اوووووووووكشن ... هرن عليكو اظبط معاكو .. اروح اطمن امى واخواتى . سلام يا مزز
مصطفى : سلام يا سيد المزز هههههههههههه
على : سلام يا غجر
.........................
( ف البيت )
احمد : اممممممممه ! مافيش مبروك طيب ؟
ام احمد : مبروك يا قلبي . انت ما ساعه ما كلمتنى ف التليفون وانا فرحانالك ..
ندى : مبروك يا حموكشه عاوزه شنطه وجزمه بقا بمناسبه الشغل هههههههههههههه
سالى : وانا وانا عاوزه انزل اشترى فستان احضربه فرح صاحبتى الشهر الجاى ههههههههه
احمد : خدى بناتك وادخلوا ناموا يامه انا عندى الضغط بيعلى بسرعه ..ههههههههه
هو انتوا محرومين من حاجه يا بقره انتى وهى .. وبعدين يا شحطه انتى ياللى عاوزه فستان . دانتى كل يوم بتروحى الجامعه بطقم شكل .. وانتى يا قرده يا صغيره انتى ... عاوزه شنطه جديده ليه انتى اساسا مابتخرجيش غير للدروس وكل ما اقولك تعالى اخرجك تقولى لا بذاكر عشان اطلع دكتوره ههههههههههههههه خلى الثانويه العايمه تنفعك
ندى : ليش دعوه عاوزه شنطه وجزمه بردك
سالى : وانا بردك مش هتنازل عن فستان ..
احمد : نيله تاخدكوا ... استنوا اخر الاسبوع هبقى انزل معاكوا . اشطا ؟
سالى : اشطا ... هات حضن بقا
احمد : تعالى ... كبرتى وبقيتى مزه اهو وبكره يجيلى واحد يقولى انا عاوز اخطب اختك .. ودينى لاشرده ف الشوارع واعمل فيه زى ما عادل امام عمل ف عريس من جهه امنيه
سالى : هههههههههههههههههه انا مش هتجوز الا واحد شبهك كده وف حنيتك وخوفك علينا
ندى : وانا كمان
سالى : واحد يخاف يجرحنى او حتى مجرد انه مايحافظش عليا
ندى : وانا كمان
سالى : واحد مزموز كده وحليوه ومجنن بنات الحته .. دا كل بنات الجيران والمنطقه كلها مصاحبينا على حسك وياسلام لما عرفوا انك رجعت م السعوديه .. ياساتر يارب ... ههههههههههههههه داحنا عايشين على حسك احلى عيشه يا جدع هههههههههههههه
احمد : طب انا جعان
ندى : وانا كمان
سالى : ههههههههههههههههههه
احمد : ههههههههههههههههههههههه اه يا اوزعه .. انا جعان والله م الصبح ماكلتش حاجه
ام احمد : قومى ياسالى يلا سخنى الاكل انتى واختك وهاتى نتغدى كلنا
سالى : هواااااا يلا يا ندى ...
ندى : انا ورايا مذاكره قومى انتى
احمد : خلاص خلاص يا سالى روحى انتى .. ومش مهم بقا حوار الشنطه والجزمه بتوعها ده
ندى : عاوز الفراخ متحمره ولا لا
احمد : ههههههههههههههههه لا متحمره ياقلب اخوك
ام احمد : ربنا يخليك لينا يا قلبى ولا يحرمنا من دخلتك علينا
احمد : ويخليكى ليا يا تاج راسى .. ادعيلى ربنا يكرمنى ف الشركه دى ويقدرونى كويس ومايطلعليش خازوق فيها زى كل الشركات التانيه
ام احمد : بدعيلك يا حبيبى .. وقلبى حاسس ان الشركه دى قدمها خير عليك وعلينا
احمد : ان شااء الله
................................
(تانى يوم )
(احمد واصل الشركه مع اصحابه وسلمى داخله باركن الشركه بعربيتها )
منى : اهلاااااااااااااا . ازيك ياعم ؟ ايه النشاط ده كله ؟
احمد : لا انا مواعيدى مظبوطه يا ماما ....
منى : لا بس بشره خير انى اقابلك اول يوم شغل ليك على باب الشركه كده عشان اوصلك وماتتوهش ف اول يوم
احمد : اتنيلى ! دنا اتوه بلد
منى : بقي بزمتك فيه واحد جنتل كده يقول لواحده زميلته زى القمر زى حالاتى اتنيلى
احمد : هو مش انا قولتهالك ؟
منى : اه
احمد : يبقى فيه
منى : تعرف .. انا عمر ما حد كان يستجرى يكلمنى بالطريقه دى .. بس حاساك مختلف كده .. طاقق ف نفسك
احمد : اهو انا مش عارف اى حد يشوفنى بيقولى البؤين دول ليه ؟ مع انى على طبيعتى والله . بتعامل بطبيعتى جدا
منى : ايوه يا احمد ماهو احلى حاجه فيك انك بتتعامل بطبيعتك .. كل الناس اللى بتشوفهم ف الشارع او ف الشغل بيجملوا او بيزوقوا الكلام . انما انت هابه منك ع الاخر
احمد : الحمد لله انك عرفتينى . اتعودى على كده بقي
منى : ايوه اتعودت من امبارح . دنا كل ما افتكرك وانت بتطلعلى لسانك هموت م الضحك ... يخرب عقلك
احمد : طب ايه هنفضل قاعدين نرغى كده كتير .. ما يلا يا هانم هيرفدونا انا وانتى ؟
منى : انا خدت رقمك م الملف بتاعك على فكره .. استنى ارن عليك عشان تسيف نمرتى عندك بقي
احمد : ليه خير ؟
منى : تصدق انك رخم . امشى مش عاوزه حاجه
احمد : ههههههههههههههه مش انا قولتلك امبارح بكره تيجى تطلبى رقمى واقولك لا
منى : طب امشى .. والله رخم ومش هكلمك
احمد : ههههههههههههه انا بهزر ياعم . اتفضلى رنى عليا
منى : لا مش رانه
احمد : رنى يابت اخلصى هنتأخر
منى : ابو شكل رخامتك .... استنى هرن اهو
................
(سلمى بتنزل م العربيه بتلاقى احمد واقف مع منى وبتدخل تانى للعربيه )
سلمى ف سرها : وحشتنى اوى يا ابو عيون زايغه
اعمل فيك ايه دلوقتى ؟
انا اللى جبته لنفسي .
طب انزل اضربك دلوقتى واضربها ولا اعمل فيك ايه ؟
ماشى صبرك بس اسبوع ولا اسبوعين لما تحب الشركه وهعرفك بنفسي وغصب عن عين اهلك اللى وحشونى دول لافقعلك عينك لو فكرت تبص هنا ولا هنا تانى ..
ما تتنيلوا تطلعوا بقا هتفضلوا مذنبينى كده كتير الله يخربيوتكوا ...
ماشى يا منى ان ماوريتك انتى كمان ؟
.....................
منى : بقولك ايه ؟ تعالى نطلع بقي لان صاحبه الشركه وصلت وممكن تدينا كلمتين ف جنابنا لو شافتنا واقفين كده
احمد : اتكلمى على نفسك
منى : يابنى يلا بلاش لماضه . دا اول يوم ليك (بتشده من كتفه وبيطلعوا )
(جوه المكتب )
احمد : صباح الخير
وليد : اهلا اهلا يا احمد اتفضل .. ملفك جالنا امبارح ... انا مستر وليد مدير الحسابات
تعالى معايا اوريك مكتبك وزمايلك
احمد : اتفضل يا فندم
...........
وليد : صباح الخير يا حضرات ... زميلكوا الجديد احمد . دا متوصى عليه من فوق
احمد : متوصى عليا من مين مش واخد بالى ؟ هههههههههه دنا مقدم سي في وعامل مقابله شخصيه
وليد : ايه ؟ ههههههههههه لا دى كلمه بقولها لكل واحد بييجى يشتغل جديد . هزار
علاء : نورت يا ابو حميد .. انا اخوك علاء . وعلى فكره انا لسا شغال هنا بقالى 5 شهور بس يعنى يعتبر دفعه واحده
محمد : نورت يا ابو حميد انا محمد ... اتفضل على مكتبك يا ريس ...
احمد : ايه النور ده يا جماعه ... ربنا يجعلها معرفه خير ان شااء الله . ونبقى اكتر من زمايل
علاء : ان شاء الله ..
وليد : طيب يا رجاله .. اللى هيدرب احمد هو علاء .. قدامكوا اسبوع تكون شربته الشغل كله ... اه وماتنسوش اللى وصيتكوا عليه ... هوووووووووس
احمد : هووووس ايه . انا مش فاهم حاجه ؟
وليد : هههههههههههه يابنى هزار يابنى ماتاخدش ف بالك
احمد : ماشى يا مستر ... ربنا يقدم اللى فيه الخير
وليد : يلا يا شباب مع نفسكوا بقا .... اه صحيح نسيت اعرفك على زميلك التالت عمرو . بس هو ف اجازه يومين وراجع
احمد : ييجى بالسلامه ان شااء الله
.......................
(مكتب سلمى )
سلمى : الو ! علا تعاليلى من فضلك
علا : حاضر يا ميس سلمى
...........
سلمى : بقولك ايه هى منى صاحبتك اللى شغاله ف ال H R صاحبتك من امتى ؟
علا : خير يا استاذه سلمى هى عملت حاجه ؟
سلمى : هههههههههههه مالك اتخضيتى كده ليه يا بنتى .. انا بسأل عليها عادى .
علا : اه هى صاحبتى من زمان من فتره كبيره . بس بنت ف حالها يعنى ومش بتاعه مشاكل
سلمى : يا حبيبتى عارفه . انا بتطمن بس .. هى مرتبطه او مخطوبه او حاجه ؟
علا : لا هى لسا مش بتفكر ف الموضوع ده ...بس هى كلمتنى على انه لسا فيه بدايه اعجاب كده بينها وبين شخص تانى لسا عارفاه ؟
سلمى : نعم ياختى ؟
علا : افندم ؟
سلمى : قصدى ان الشخص ده من الشركه هنا ولا من بره ؟
علا : مش عارفه والله ماسألتهاش
سلمى : طب اتفضلى على شغلك
علا : عن اذن حضرتك
...............
سلمى : الو ! ايوه ياساره .. انا يحرقك يا بعيده انتى لو قدامى دلوقتى هولع فيك
ساره : ههههههههههههههه فيه ايه يا حاجه ما تهدى عمل ايه ؟
سلمى : الباشا لسا مستلم شغله وفيه واحده من هنا معجبه بيه .. اعمل فيكى ايه دلوقتى ؟
ساره : ههههههههههههههههههههههههههه همووووووووووت والمصحف .. .. المهم هو معجب بيها ولا لا
سلمى : معرفش بقا . انا شوفتهم واقفين الصبح على باب الشركه دمى كان بيغلى . كنت هنزل اضربهم هما الاتنين بس مسكت اعصابى على اخر لحظه ... الله يخربيتك انتى وهو انا مش عارفه اشتغل ولا انام من امبارح
ساره : طيب يا حبيبتى انا جايالك الشركه دلوقتى .. فطرتى ولا لسا ؟
سلمى : مش عاوزه اتزفت اخلصى .. قدامك ربع ساعه الاقيكى قدامى بدل ما اصورلك قتيل هنا
ساره : طيب انا جايه
...........................
(بعد ساعه )
ساره : فيه ايه بقي ؟ الجميل بتاعنا قاعد مكشر ليه كده ؟
سلمى : اسكتى بقي انا مش طايقه الهدوم اللى لابساها
ساره : هو فيه ايه يابت انتى .. اسكتى مش وانا جايالك ايدى لقيتها عاوزه تفتح باب الحسابات وادخل اشوفه هههههههههههه
سلمى : انتى جايه ترفعيلى ضغطى ياساره صح ؟ .. مش ناقصاكى انتى كمان
ساره : الله !! بهزر معاك يا نيله انتى .. انا ماكنتش اعرف انك لسا بتحبيه اوى كده
سلمى : اه وعرفتى ياختى ؟ بقولك ايه انا هروح اشوفه واقوله
ساره : استنى يا مجنونه كده هتخسريه .... بقولك ايه عاوزه تشوفيه من غير ما يعرف ؟ وطول الوقت يكون تحت عينك بس الموضوع هيكلف شويه
سلمى : ياريت .. اخلصى
ساره : ركبى كاميرات ف اوضه الحسابات .. وعشان الموضوع مايبقاش مفقوس ركبى كاميرات هناك وف خزينه الشركه اللى فيها الاوراق المهمه او الفلوس
سلمى : يابنت الجنيه !
ساره : اه بس وصيتك بقا تتفاهمى مع الفنيين اللى هييجو يركبوا الكاميرات انهم يصدروا الكاميرا على المكتب بتاعه
سلمى : طيب ماهو انا معرفش هو قاعد ف انهى مكتب ... الاوضه بتاعتهم فيها اربع مكاتب .. بس اه استنى انا عرفت هو قاعد فين . اكيد ف المكتب الفاضى .... ماشى هكلم عماد يركبهم النهارده ههههههههههههههههه هاتى بوسه
ساره : انتى من غيرى تحتاسي والله يابنتى
...............................
(بعد العصر )
وليد : بعد اذنكوا يا شباب خمسه كده بره المكتب لغايه الفنيين ما يركبوا الكاميرات دى
احمد : كاميرات ايه ؟ من اولها ؟ انتوا جايبينى هنا تراقبونى ولا ايه
وليد : ههههههههههههههههه لا دى للشركه كلها
احمد : اه . اذا كان كده ماشى ... دى بدايه مش مبشره بالمره
محمد : تعالى ياعم ننزل نشرب حاجه ف كافيه الشركه لغايه ما يخلصوا .. قدامك اد ايه يا هندسه وتخلصوا
فنى الكاميرا : يعنى بتاع ساعه ان شااء الله بالكتير
وليد : اتفضلوا انتوا يا اساتذه
............
وليد : بقولك ايه يا ريس .. هو ده المكتب اللى هتصدر الكاميرا ناجيته بس هاتها بصياعه كده من غير ما يعرف . ماشى .. وركب المايك قريب من مكتبه شويه ..
فنى الكاميرا : حاضر يا فندم
.................................
(احمد نازل مع زمايله ف الاسانسير للكافيه وساره واقفه مستنيه الاسانسير وبيتفتح الاسانسير بيلاقي ساره ف وشه وبيبصلها)
.................................
((يتبع ))
والى اللقاء ف الحلقه القادمه