“ရေးဆွဲခြင်းနှင့် သိုင်းပညာလား…”
ဇူယွမ်ရဲ့မျက်လုံးတွေက ပြန်ပွင့်လာခဲ့ပြီး သူ့ရဲ့မျက်လုံးထဲမှာ အလင်းရောင်တစ်ချို့ဖြတ်ပြေးသွားခဲ့သည်။ ကန်းယွမ်က ကောင်းကင်ယွမ်စုတ်တံဟာ မူလလက်နက်တစ်ခုအပြင် မူလမှော်စာလုံးစုတ်တံတစ်ချောင်းအဖြစ်လည်း နှစ်မျိုးစလုံးအသုံးပြုလို့ရတယ်ဆိုပြီး ဘာကြောင့်ပြောခဲ့တယ်ဆိုတာကို နောက်ဆုံးမှာသူနားလည်ခဲ့ရသည်။
ကောင်းကင်ယွမ်စုတ်တံရဲ့ မတူညီတဲ့ပုံစံနှစ်မျိုးကြောင့် ဒီမှော်စာလုံးကို “ရေးဆွဲခြင်းနှင့်သိုင်းပညာ”ဆိုပြီး နာမည်ပေးထားတာဖြစ်ပေလိမ့်မည်။
“သိုင်းပညာပုံစံ!”
စုတ်တံကိုလက်ထဲမှာဆုပ်ကိုင်ထားလျက်မှ ဇူယွမ့်စိတ်ထဲကနေ အတွေးတစ်ခုဖြတ်ခနဲထွက်ပေါ်လာခဲ့သည်။
ဝှစ်!
အလွန်အမင်းတောက်ပနေတဲ့ အလင်းရောင်တွေက ကောင်းကင်ယွမ်စုတ်တံထံမှ ပေါက်ကွဲထွက်ပေါ်လာခဲ့သည်။ ဇူယွမ်က သူ့လက်ထဲတွင်ရှိသည့် တစ်ပေခန့်ရှည်တဲ့စုတ်တံက ရုတ်တရက်စတင်ပြီးကြီးမားလာတာကိုကြည့်နေရင်းမှ သူ့မျက်လုံးတွေထဲမှာ အံ့အားသင့်မှုတွေနဲ့ ပြည့်နှက်နေရပေသည်။
အသက်ရှူချိန်အနည်းငယ်ကြာပြီးတဲ့နောက်မှာ ဇူယွမ့်လက်ထဲက အနက်ရောင်စုတ်တံက ငါးပေခန့်အထိရှည်လျားသွားခဲ့သည်။ ဒီအနက်ရောင်စုတ်တံက ဇူယွမ်အရပ်နီးနီးလောက်ကိုရှည်လျားလာခဲ့ပြီး ၎င်းရဲ့အရောင်တွေစွန်းထင်းနေတဲ့ကိုယ်ထည်သည်လည်း ရုတ်ချည်းတောက်ပြောင်ချောမွတ်သွားခဲ့သည်။
မူလကစုတ်တံရဲ့ထိပ်ပိုင်းမှာရှိတဲ့ နူးညံ့ပြီးနှင်းကဲ့သို့ဖြူဖွေးနေတဲ့ အမွှေးတွေကလည်း အခုအချိန်မှာ အတူတကွချည်နှောင်ပေါင်းစည်းသွားခဲ့ပြီး အေးစက်စက်အလင်းရောင်တွေ တဖျပ်ဖျပ်ထွက်ပေါ်နေလျက်ရှိသည်။ မျက်စိတစ်မှိတ်အတွင်းမှာ ၎င်းကလှံတံတစ်ခုအလား ထက်မြသွားသည်ကို တွေ့ရသည်။
“ဒါက တော်တော်ကိုလေးတာပဲ!”
ဇူယွမ်သူ့လက်ထဲက ကြီးမားတဲ့အနက်ရောင်စုတ်တံကို စိုက်ကြည့်လိုက်မိသည်။ ၎င်းကပေါ့ပါးခြင်းမရှိဘဲ သူ့ရဲ့လက်မောင်းတွေကိုတောင်မှ အနည်းငယ်ကွေးညွှတ်သွားစေခဲ့သည်။
YOU ARE READING
နဂါးမင်းသား၏ကံကြမ္မာ
Fantasyနဂါးမင်းသား၏ကံကြမ္မာpageမှာ စာစဥ်လာရောက်ဝယ်ယူနိုင်ပါတယ်။
