[ Unicode ]
ဖုန်းဖန်သားပြင်ထက်က အဆုံးသတ်ပြီးဖြစ်သည့် ဖုန်းခေါ်ဆိုမှုကို ကြည့်ရင်း Minhyung တစ်ယောက် စိတ်ညစ်စွာ သက်ပြင်းချမိသည်။
အမှန်တကယ်တော့ဖြင့် စိတ်ညစ်စရာ ထွေထွေထူးထူးကိစ္စရယ်လို့လည်း မဟုတ်ပြန်။
မိဘဖြစ်သူတို့မှာ သူ့အား လာကြိုရန် မေ့လျော့သွားခြင်းကြောင့် မြေအောက်ရထားကိုသာ စီးနှင်းနေရခြင်းပဲလေ။
တစ်ဖက်ကကြည့်ပြန်တော့လည်း မိခင်မှာ အရက်ဖြတ်အသင်းသို့ သွားရောက်နေရပြီး ဖခင်ဖြစ်သူမှာတော့ ကွာရှင်းရန်ကိစ္စနှင့် လုံးပန်းနေခြင်းကြောင့် Minhyungကို မေ့လျော့နေကြခြင်းပင်။
Minhyung၏ တက္ကသိုလ် နောက်ဆုံးစာမေးပွဲ ၊ တစ်နည်းအားဖြင့် တက္ကသိုလ်ကျောင်းသား ဆိုသည့် ခေါင်းစဥ်အောက်က ထွက်ခွာလာရသည့်
သည်နေ့တွင် ညစာအတူစားကြရန် လွန်ခဲ့သည့် လပိုင်းကတည်းက စီစဥ်ပြီးသား။လအနည်းငယ်လေးအတွင်းမှာပင် ဖြစ်ပျက်ခဲ့သည်များဟာ သိပ်ကိုမြန်ဆန်လွန်းခဲ့သည်ပဲ။
အိမ်ထောင်ရေးတစ်ခု ပြိုကွဲရန် သည်လောက်ပင် လွယ်ကူလွန်းသည်တဲ့လား။
ပလာစတာကပ်ထားသည့် လက်ညှိုးထိပ်နေရာကို ခပ်နာနာဖိကြည့်တော့ နာကျင်မှုဟာ စူးခနဲနှင့်။
သည်ဒဏ်ရာဟာ မနေ့ညက အမူးလွန်နေသော မိခင်ဖြစ်သူနှင့် ဖခင်တို့ စကားများ ငြင်းခုံကြပြီး ရိုက်ခွဲထားကြသော ဖန်ကွဲစများကို ကောက်ယူသိမ်းဆည်းပေးရင်း ရရှိထားသော အမှတ်အသား။
သည်အတိုင်းဆို ကွာရှင်းပြတ်စဲကြဖို့ဟာ ရာခိုင်နှုန်းသိပ်များလွန်းနေသည်။
" အန်တီ .. လာ ဒီမှာထိုင်လိုက်ပါ "
ခပ်ပါးပါးနှင့် နူးညံ့သည့် အသံလွင်လွင်တစ်ခု နားစည်ထဲ တိုးဝှေ့ရင်း ဝင်ရောက်လာမှ Minhyung ၏ အသိစိတ်ဟာ ပစ္စုပ္ပန်ဆီ ပြန်လည်ရောက်ရှိလာသည်။
ဂစ်တာကြိုးတို့မှ ထုတ်လွှတ်သော သံစဥ်တို့လို
သာယာနာပျော်ဖွယ်ကောင်းသည့်အသံတစ်ခု၊ ဂစ်တာကြိုးတို့၏ အသံတို့နှင့် တူညီနေသည်တော့လည်းမဟုတ်ပြန်။
YOU ARE READING
When I First Saw You, (One Shot)
Fanfictionထိုအမျိုးသားငယ်နှင့် စတင်တွေ့ဆုံမှုတွင် ဖြစ်ပေါ်လာခဲ့သည့် ခံစားချက်တို့ဟာ Minhyungဖို့သိပ်တော့လည်း ထွေထူးပြီး ဆန်းပြားလွန်းနေခဲ့ခြင်း မဟုတ်ပါ။ ထိုအမ်ိဳးသားငယ္ႏွင့္ စတင္ေတြ႕ဆုံမႈတြင္ ျဖစ္ေပၚလာခဲ့သည့္ ခံစားခ်က္တို႔ဟာ Minhyungဖို႔သိပ္ေတာ့လည္း ေထြထ...