روايه هو و هي

(الحلقه الثالثه) __( إنت بتدور على ايه ؟! ) ❤

ف الحلقه السابقه :____
مريم : سلام بقا انتى وهى اتأخرت . على ميعادنا . واللى تخلص الاول تستنانا ف نفس المكان ...
نور : مريم !! خلى بالك من نفسك . اوعى حد يخطفك وانتى حلوه وزى القمر كده
مريم : بايباى ياحبى ماتخافيش عليا ...
.(وف سرها بتقول ) انا شكلى اتخطفت خلاص يا نور
نور : بايباي يا قلبى هتروحى كليتك منين ؟!
مريم : هروح من هنا من طريق الجامع عشان الحق ...........
........................ ( الحلقه الثالثه ) ❤
(مشيت مريم على الكليه من الطريق المؤدى على الجامع ... وف نفس الوقت كان أحمـــد متجه للجامع .. ولكن لسوء الحظ هو دخل قبل ما هى تيجى )
((وبعد خمس دقايق مجدى بيتصل على أحمــد ))
مجدى : ايه يابنى انت فين ؟ المحاضره هتبدا .. احنا ف المدرج اهو والدكتور على وصول .. انجز بقا
أحمــد : ماشى ياعم انا خلاص خلصت ودقيقتين ابقى عندك
علاء : هاتلى معاك حاجه حلوه ياسطا انا جوعت تانى ..
أحمــد : يابنى غور بقا انت بجد يالا بطنك مخرومه ولا ايه ؟
(وبعد دقيقتين وصل أحمد وقعد جنب الشله )
مجدى : ها ؟ !
أحمـــد : ها ايه ؟
مجدى : مالقيتش البت بتاعتك بردو لسا ؟
أحمـــد : لسا والله دى زى ما تكون تلجايه وساحت ... ربنا ينتقم منكوا ياولاد الجزم انتوا السبب
علاء : الله .. مش انت اللى اتخانقت معانا وعملتلى فيها سبع رجاله ف بعض .. كده تبيعنا يا ابو الشباب
أحمـــد : دنا ممكن ابيعكوا بربع جنيه مخروم وانا الكسبان واجيب ناس تبيعكوا كمان
مجدى : هههههههههههههه واطى يا مان .. بس بجد لو ليك خير فيها ربنا هيعترك فيها
أحمـــد : يارب ...
علاء : هشس بقا الدكتور دخل ,, مش عاوزين نطلع بره ياعم فالنتينو زى مانت معودنا .. عاوزين ننتظم ببقا ونبقى طلبه كويسين ههههههههههههههه ولو انى اشك
أحمـــد : بزمتك انت تعرف عنى كده ؟
علاء : لا طبعا .. هو فيه حد مضيعنا غيرك .. لا ولسا هنضيع اكتر .. دانت ناقص كمان تقولنا دوروا عليها معايا
أحمـــد : نعم ياروووح امك ؟ امال مين اللى هيدور معايا عليها غيركوا
علاء : ياساتر يارب .. ياساتر يااااااارب . انت بتعاملنا كده ليه يا اخى
أحمـــد : ركز ف المحاضره بدل ما اسيحلك للدكتور واخليه يطردك بره طرده الكلاب
علاء : تلاةىىيالبةيبيتنبوسىوبةيزوةبهمثبىةو
أحمـــد : انت بتبرطم بتقول ايه يالا
علاء : ماتكلمتش .... بدعيلكوا انتوا كلكوا دفعه واحده دعوه جماعيه
مجدى : ههههههههههههههههه اصيل يا كلب البحر اصيل
(بعد ساعه ونص خرجوا )
مجدى : ها يا جدعان هنعمل ايه ؟
علاء : نتغدى بقا
مصطفى : ايوه نتغدى الواد علاء ده جوعنى ابن الفقريه
مجدى : ماشى مين هيروح يجيب
أحمـــد : معلش يا شباب .. اخلفونى انا .. ورايا مشوار
علاء : اه .. تلاقيه رايح يدور على السيكو سيكو
أحمـــد : اه طبعا هدور . وانتوا كمان مش هوصيكوا ... اللى يشوفها ييجى يبلغنى او يتصل عليا .. طب اقولكوا حاجه تانيه ... عليا النعمه من نعم ربى منا حاضر محاضرات ولا داخل امتحانات الا لما اشوفها تانى
مجدى : ياعم اهدى بقي ابو شكلك انت كمان ... انت ايه يابنى ؟ قطر
أحمـــد : هو كده .. يالا سلام ... اشوفكوا بعدين
( 3 اسابيع .. أحمـــد بييجى الجامعه بس. يدور ف وشوش البنى ادمين بيدور على مريم )
(مجدى بيتصل عليه )
مجدى : الو يابنى انت فين ؟
أحمـــد : اهو متنيل موجود .. قاعد جنب الكافتيريا لما الشمس قورت نافوخى
مجدى : هههههههههههههههههههه يخربيت فقرك .. ليه ؟
أحمـــد : ياعم يمكن تظهر ولا واحده من صحباتها اللى كانوا معاها يظهروا
مجدى : طب اثبت عندك احنا جاينلك
...................
مجدى : ايه يابنى بقالى كم يوم ماشوفتكش ,, لا محاضرات ولا بترد على اللى خلفونا ولا حتى بتخرج معانا , امبارح راجعين وش الفجر ..
أحمـــد : معلش .. ازيك يا مصطفى ؟ ازيك يا عمور .... فين الطفس التانى
مجدى : كان واقف مع واحد صاحبنا وجاى اهو ...
(علااااء من بعيييييييييد بينادى على أحمـــد )
علاء : أحمممممممممممممممممممممممممممد ... يا واد يا احممممممممممممممممممممد ... يا فالنتينووووووووووووووو .. يا شاااااويش ,, يا بوليييييييييييييس
أحمـــد : فيه ايه يابن المهبوشه . فضحت أهلى
علاء : لقيتها .. والمصحف لقيتها
أحمـــد : لقيت مين ؟ اوعا تقولى .......؟
علاء : اه ياعم والله هى ... وماسيبتهمش غير لما دخلوا المحاضرات وعرفت هما ف انهى كليه وف سنه كم ؟
(أحمـــد بيبوس علاء وبيحضنه بافترا )
علاء : جرا ايه يا دسوقى يا أخى عيب الناس تقول علينا ايه هههههههههههههههه
أحمـــد : ها انجز ؟ فين وف كليه ايه وف سنه كم ؟؟ اخلص يا شيلحف
علاء : علاء بيه يا كلب
أحمـــد : علاء زفت علي دماغك ودماغ اللى خلفوك .. انطق يابن الدايخه هشرب من دمك
علاء : طلعوا من كليه تجاره انجليش يا عم .. وف سنه اولى لسا ..
أحمـــد : بقا انا بدور عليها ف كل الكليات .. وهى تطلع قدام منى ومش شايفها
بينا على جدول المحاضرات نجيب جدولها ..
علاء : وهى دى تفوتنى ,, جبتهولك وصورتهولك ع الموبايل .. هبعتهولك ع الواتس اهو
أحمـــد : امممممممم استنوا استنوا ... دى المفروض وراها محاضره كمان 10 دقايق ... انا رايح .. حد جاى ؟
مجدى : ياعم هتروح فين بقا ,, استناها لما تخرج
علاء : انا مش عاوز اتحبس ياعم
مصطفى : معاك يا ابو حميد
أحمـــد : ولا اقولكوا ... خليكوا انتوا انا رايح لوحدى عشان محدش يحس بحاجه
(احمد دخل الكليه وسأل .. مش دى محاضره سنه أولى .. قالولوا أه )
(((10 دقايق بيبص ف وشوش البنات .. ماسابش صف الا لما بص ناحيته
بس لغايه دلوقتى مش لاقي ))))))))
.......................................
ساره : ايه ده اسكتوا يا بنات .. مش ده الواد إياه اللى هناك عمال يبصبص ف البنات ويبص عليهم ؟
نور : واد مين ؟ قصدك ... ؟ اه والنبى ده هو وماله مش على بعضه ليه كده ,, شكله بيدور على حد ولا على مزه كده تعجبه .. شكله بتاع بنات
شوفى يا مريم مش هو ده ؟
مريم : هه ؟ هو فين ؟
نور : اللى واقف هنااااااااك ده ؟ الحمد لله مش شايفنا , والا كان جه لزقلنا
ساره : هو ايه اللى بيعمله ده عيب والله يبص على البنات كده عيب ,,, لو ماحترمش نفسه كده وخلاه ف حاله .. والنعمه لاروح اقوله انا بحبك هههههههههههههههه
نور : مجنونه بنت مجانين وتعمليها .. هو حد مجرسنا هنا غيرك ...
مريم : بس بقا انتى وهى ؟ الدكتوره دخلت
..........................
(أحمد قعد فاقد الامل انه يلاقيها ... ومريم مانزلتش عينيها من عليه من بعيد )

نور : ماتركزى يابت معانا وف المحاضره ابو شكلك انتى كمان
مريم : امال انا بعمل ايه دلوقتى جاتك داهيه
نور : بلاش اسيحلك بقا انتى رقبتك اتلوحت , بتبصيله على ايه وهو حاطط ايده على خده زى الولايا كده .. ههههههههههههههههه طب والله صعبان عليا , شكله بجد بيدور عليكى يابنت المحظوظه
مريم : عليا انا ؟؟ طب وانا مالى
نور : هنشوووف ... طب على الاقل وريله نفسك من بعيد كده ولو بيدور عليكى انتى هنعرف وهييجى يكلمك
مريم : امممممممممممم بس يا خايبه انتى بتقولى ايه ؟
(خلصت المحاضره .ولسا صاحبنا قاعد حاطط ايده على خده ومش طايق نفسه . )
مريم : اسبقونى انتوا انا هسال الدكتوره على حاجه
(بتغمز لنور انها تاخدهم ويطلعوا بره ))
(جت من وراه وقعدت جنبه من غير ما يحس وقالت 🙂
مريم : إنت بتدور على ايه ؟!!
أحمـــد :
.....................
((يتبع))
والى اللقاء ف الحلقه القادمه