(رأيتها صدفة)
بارت11
جعفر/فاطمة دزتلي بصمة اويلي اخ قلبي الصغير لايتحمل الفرحه كمت رحت للغرفة اكيد هذا صوتهه اكيد هي ودتبجي لان تركت عمار ودزتلي صوتهه اووف دخلت ع الماسنجر وفتحت الصوت
عمار:لاسلامتك بس منين جبت البطل البارحه
جعفر:من واحد بالمنطقة يمنه
الكاتب/داخل البصمة أكو كلام جعفر وعمار بالكوفي
جعفر/ارتبكت كلش من سمعت الكلام هذا صوتي وصوت عمار هذا منو مسجلني شسوي؟لا يالله شنو اسوي هسه وهي فاطمة دزتلي البصمه اكيد هي سامعته وعرفت كلشي جنت مخطط أله اكيد عرفت اني وره كل هل شي وهو اكيد هذا عمار النذل اليوم من ضل يسئلني هواي اسئله هو مسجل الصوت واني الغبي ضليت احجي كلشي كدامه حطيت ايدي ع راسي وحسيت جسمي كله كام يرجف وبعد ماعندي رجلين يشيلني من الرجفه اول مرة ارجف من القلق اتصل عمار
عمار/الحمدلله طلعت اني بريئ من كل هل شي وكلش ندمان لان تعرفت ع جعفر وعرفته ع حبيبتي وجنت معتبرة صديق وسند وأخ بس طلع مو كد هل ثقه ولا كد الصداقه اشكر ربي عرفت الحقيقه قبل فوات الاوان وقبل ماتكبر المشكله اني اعلمك جعفر لك تندك بيه اني والله لراويك نجوم الضهر بسيطة تريد تاخذ مرتي ولك لكرهك عيشتك انتضرني..فاطمة دزت البصمه لجعفر وضلينه نتتضر لحد ما جعفر شاف الرساله دزتلي رساله فاطمة
فاطمة:جعفر فتح الرساله
عمار:تمام دقيقتين واتصل بي اشوف ردت فعله واتصل عليج مجموعه حته تسمعين الكلام
عمار/مرت ثلاث دقايق واتصلت ع فاطمة نوب رجعت اتصلت ع جعفر
عمار:اهلا ضلع شلونك
جعفر:شرايد؟
عمار:رايد اجي اشرب جان عندكم عادي؟
عمار/جعفر جان كلش مرتبك وصوته بي رجفه وخوف
جعفر:لا موعادي
عمار/رفض الاتصال اني اعلمك
عمار:يله حبيبتي انزلي من الاتصال واني خلي اروح لبيت اهل جعفر اخرب كلشي
فاطمة:اوك
عمار:رجعت راسلتني فاطمة
فاطمة:لتسوي شي حباب خطية عوفه لتشوة سمعته بالشارع
عمار:لتخافين كلشي ما اسوي مجرد كلام بيني وبين اهله واسمعهم البصمه خلي اشوف شنو يسوي
عمار/كملت كلام ويه فاطمة وبدلت طلعت للصالة لكيت ابوي كاعد وفرح دتسوي ريوك
عمار:صباح الخير
ابو عدي:صباح النور ها ع خير!
عمار:لا بس لبيت اهل جعفر شوي وأجي
عمار/اخذت السويج وشغلت السيارة رحت لبيت جعفر وصلت تقريبا صارت ب 11نزلت من السيارة دكيت الجرص فتحه جواد اخو جعفر سلمت ودخلت للصالة طلع جعفر من غرفته
جعفر/اتصل عمار واني مرتبك وخايف يا الله شسويت بنفسي اكيد هذا مراح يخليني بحالي واكيد حيفضحني بين العالم بحجه اني اكول اشرب كل يومية لا ياالله كاعد بالغرفة وافكر شنو اسوي شوي واندك الجرص اكيد هو اجه طفرت فتحت باب الغرفه لكيته بالصالة يباوعلي بحقد وبودة يكوم ياكلني ااخ منك جعفر شسويت بحالك لك هذا صديقك ليش هيجي تسوي بي ليش طيحت روحك بالنار صدك ابو المثل يكول من حفر حفرة لأخيه وقعه فيها لك اني ردتك تخرب علاقتك بفاطمة مو اخرب علاقتي بيك ااخ منك جعفر الغبي
