(رأيتها صدفة)
بارت12
عمار:يي تفضلي
عمار/فتحت الباب ودِخلت للغرفه
فرح:عمار صديقك بالباب
عمار:منو هو
فرح:جعفر
عمار:كوليلة عمار ميريد يشوف خلقتك
عمار/دارت وجهه وطلعت من الغرفة جعفر أجه من بعد شهر لباب بيتي ولك عمار الحك يامطي مثل ماحط عينه ع مرتك يكدر يحط عينه ع زوجة اخوك عفت الملابس بسرعه وطلعت من الغرفه لكيت فرح لسا ماواصله للباب
عمار:اوكفي اني طالع ارجعي انتي
عمار/فتحت باب البيت لكيت جعفر كدامي وجه تعبان وهو جان شعرة ناعم وطويل شوي و رموش طوال يخبلن وعنده شوي لحية بس هسه من أجه لابس شفقه ورموش ماعنده وحواجب هم ماكو
جعفر/من نكشفت كدام عمار واهلي ابوي عاقبني ممنوع اطلع من البيت ومبايل ماكو كعدت بالبيت افتر من غرفه لغرفه ضايج ورة يومين احس كلياتي كام يوجعني ضليت أشرب ماي تكول امي يمكن غازات وأبد ماكو فائدة لحد ماطكت روحي من الوجع رحت لدكتور بالاعظمية اني وأبوي وهم ابوية ع أعصابة راح لان متعارك وياي وبوده يشمرني بالشارع ويخلص مني ع سوايتي السويتهه ويه عمار وصلت للدكتور كال بيك مرض(الخبيث)عافاكم الله بالكلية ولازم بسرعه كيمياوي وعمليات تكلف مليونين المهم وره يومين بين ماجهزت حالي وجهزت فلوس العمليات داينت من عمامي وكملت المبلغ كله نقهرت ع حالتي وجع العلاجات مينحمل واحس مثل التيزاب ع الجسم وماعندي مبايل اتصل ع عمار وفاطمة واطلب منهم يسامحوني لان الاعمار بيد الله ومندري بأيوم راح نموت وقبل لا اموت اريد اتصالح وياهم صحيح مراح يسامحوني ولا نرجع مثل قبل بس عسى ولعل اكدر ارتاح من يسامحوني صار أسبوعين ع الكيمياوي حلقت شعر راسي لان كام يوكع وحواجبي ورموشي كلش نقهرت من شفتهن يوكعن لان رموشي كلش حلوات وكلش احبهن وراحن ليش ياربي هيج اتعاقب ليش بس حظي هيجي خسرت صديقي وحبيبتي وهسه حياتي مليت من كعده البيت والعلاج الي من اخذه اموت الف موته من الوجع بس شسوي اريد اخذه حته اصير زين واعيش ولو هي صعبه العيشه بعد...مر شهر ولبست شفقه وطلعت من البيت محد يدري رحت لبيت عمار
عمار:خير
جعفر:اريد اطلب منك تسامحني عمار اني راح اموت وأتمنه تسامحني انت وفاطمة
عمار:شبيك شدتحجي؟
عمار/نزع الشفقه وكانت الصدمه بحياتي ماشفته هيج أصلع ع الاخر ولاشعرايه وجعفر جان كل حياته شعرة ممنوع احد يلمسه وهسه مزين صفر هذا شبي شصاير وياة
عمار:هاي شنو شصاير؟
جعفر:بيه الخبيث
عمار:شنوو شدتحجي
عمار/رغم السواة جعفر بية وبحبيبتي ونكطعت كل حبال الرجعه أله وحلفت بأمي ما اسامحه بعد بس من شفته هيج لهاي الحالة كلبي نكسر علية لان حتلو شفت انسان غريب علية وبي هيجي شي مراح اتركه لان كلبي مينطيني اعوفه بهاي الحالة تقدمت عليه وحظنته
