روايه هو و هي

(الحلقه الرابعه) __( يا عينى ع الولا ) ❤

ف الحلقه السابقه :____
نور : ماتركزى يابت معانا وف المحاضره ابو شكلك انتى كمان
مريم : امال انا بعمل ايه دلوقتى جاتك داهيه
نور : بلاش اسيحلك بقا انتى رقبتك اتلوحت , بتبصيله على ايه وهو حاطط ايده على خده زى الولايا كده .. ههههههههههههههههه طب والله صعبان عليا , شكله بجد بيدور عليكى يابنت المحظوظه
مريم : عليا انا ؟؟ طب وانا مالى
نور : هنشوووف ... طب على الاقل وريله نفسك من بعيد كده ولو بيدور عليكى انتى هنعرف وهييجى يكلمك
مريم : امممممممممممم بس يا خايبه انتى بتقولى ايه ؟
(خلصت المحاضره ... ولسا صاحبنا قاعد حاطط ايده على خده ومش طايق نفسه . ومريم قالت لصحباتها ,اسبقونى انتوا انا هسال الدكتوره على حاجه وغمزت لنور انها تاخدهم ويطلعوا بره ))
(جت من وراه وقعدت جنبه من غير ما يحس وقالت 🙂
مريم : إنت بتدور على ايه ؟!!
................................... ( الحلقه الرابعه ) ❤
( لحظه صمت وسكون وخوف مرت على احمد ... خايف يكون اللى ف باله صح ))
مريم : هييييى ياللى هنا .. انت سامعنى ؟
بتدور على مين ؟
أحمـــد : هه ! مين ؟
مريم : هههههههههه انت انت بتدور على حد ؟
أحمـــد : أنا ؟ اصل ...اصل ... انا كنت بره ف قولت ادخل اشوف اللى جوه
مريم : لااااااااا دانت حالتك صعبه .. ركز يابنى ؟ قولى يمكن اقدر اساعدك .. بتدور على حد معانا هنا ؟
أحمـــد : اه كنت بدور ولقيته الحمد لله
مريم : طب الحمد لله ... اصل لقيتك تايه كده من ساعه ما دخلت المدرج وعمال تبص على وشوش البنات قولت يمكن واحده سرقت منك حاجه ولا حاجه
أحمـــد : هه ! اه ...من ناحيه ان فيه واحده سرقت منى حاجه ف هو فيه ...
مريم : هههههههههههههههه ركز يابنى انت مش مجمع ليه ؟
أحمـــد : ثوانى يا انسه معلش
مريم : اتفضل
(( احمد بيكلم نفسه : يعنى انت اتخرست دلوقتى يابن الهبله ومش مجمع ومش عارف تنطق كلمتين على جنب ... انطق يخربيت اللى جابوك ))
أحمـــد : الا قوليلى صحيح .. انتى معانا هنا ف الكليه ؟
مريم : ههههههههههههههههههه
أحمـــد : فيه ايه بتضحكى على ايه ؟
مريم : انا بضحك عليك انت ,,, والله انا ف كليتى وف مدرجى وف محاضرتى
انت اللى هنا بتعمل ايه ؟
أحمـــد : هه !!! 😳
مريم : إنت اللى هنا بتعممممل ايه ؟
أحمـــد : مش عارف انا لقيت نفسي جاى على هنا
مريم : صحيح قولى .. مش انت كنت مع الشباب اللى كانت بتعاكسنا اول يوم دراسه
بصراحه ده اللى خلانى اجى اكلمك واعرف ايه سبب الخناقه اللى كانت ما بينكوا لما بدأتوا تعاكسونا ...
أحمـــد : لا ابدا مافيش حاجه ... خناقه ما بينهم على حاجه كده
مريم : ايوه بس انت اللى كنت بتتخانق
أحمـــد : هه !!
مريم : انت هتفضل تقول هه كتير كده ؟
أحمـــد : ايوه انا كنت بتخانق عشان ...... عشان ..... يعنى عشان انتى عارفه بقا ان الواحد اول يوم دراسه ف السنه الجديده لازم يحس انه بيتخانق
مريم : والله العظيم انا ما فاهمه منك ولا كلمه
أحمـــد : وحياه ربنا ولا انا فاهم انا بقول ايه ؟
قوليلى انتى محاضراتك امتى وامتى ؟
مريم : انا طول الاسبوع ما عدا الخميس ... وانت ؟
أحمـــد : هه !!
مريم : ههههههههههههههه لااااااا دانت حالتك صعبه .. بقولك انت محاضراتك امتى ؟
أحمـــد : والنعمه دى ما اعرف .. لانى محضرتش غير محاضره واحده اول يوم
مريم : ليه كده ؟
أحمـــد : مافيش كان فيه موضوع شاغل بالى كده بقالى 3 اسابيع وماكنتش مركز ف اى حاجه غير لما الاقيه .. بس الحمد لله لقيته النهارده
مريم : اممممممممم طب الحمد لله انك لقيته .
أحمـــد : ممكن اسالك سؤال ...؟
مريم : مريم ... اسمى مريم .. وانت ؟
أحمـــد : هه !!
مريم : ههههههههههههههه
أحمـــد : احمد .. على ما افتكر كده اسمى احمد ... تعرفى ان ضحكتك حلوه
مريم : اممممممممم انت هتعاكس بقي يا استاذ انت ولا ايه ؟
أحمـــد : لا انا عمرى ما عاكست ف حياتى دى ابدا على فكره
مريم : ههههههههههههههههههههههههههههههههههههه
أحمـــد : فيه ايه تانى بتضحكى على ايه ؟
مريم : اصل مش مصدقه بصراحه ... اصل سمعت بالصدفه كده انك . قصدى شلتك يعنى كلها بتاعه بنات
أحمـــد : دا مين السافل المنحط قليل الادب اللى قالك الكلام ده ؟
مريم : اهو سمعت بقا وخلاص , وزى ما قولتلك بالصدفه يعنى
أحمـــد : إنتى محاضرتك الجايه الساعه كام ؟
مريم : كمان ساعه ونص كده ...
أحمـــد : طب وهتعملى حاجه ف الوقت ده ولا فاضيه
مريم : لا فاضيه هروح اتغدى مع البنات
أحمـــد : سبحان الله انا كمان فاضى
مريم : شوف ازاى .. سبحان الله فعلا ... انا اتشرفت بمعرفتك يا استاذ احمد
أحمـــد : انا أشرف !! قصدى يعنى انا اسعد !! قصدى ان الشرف ليا انا يا انسه مريم والله
وأتمنى اننا نكون اصحاب
مريم : طبعا ده اكيد انت زى اخويا بالظبط
أحمـــد : نعم ياختى
مريم : إيه
أحمـــد : قصدى اقول يعنى نعم يا أنسه .. يعنى دى حاجه تشرفنى اننا نكون اصحاب و .. و ... .. طبعا يعنى كده
مريم : طب بقولك ايه !! ما تيجى تتغدى معانا . اهو يبقى عيش وملح ونضيفك ل شلتنا يا عم وأعرفك عليهم ..
أحمـــد : طبعاا ... يلا ... مريم !!
مريم : نعم ؟!
أحمـــد : هو ممكن يعنى اخد منك ال .. ال ..
مريم : ال ايه يابنى مش فاهمه !!
أحمـــد : يعنى اصل الجامعه كبيره .. وانتى بتقولى بقينا اصحاب ومعرفش ايه زى ما بتقولى دلوقتى . لما احب اشوفك تانى بقا هاجى ادور عليك ف الجامعه كلها ولا ايه ؟
مريم : طب ما تقول انك عاوز تاخد الرقم ..
أحمـــد : ايووووووووه هو ده
مريم : هات تليفونك ..... اممممممممم تمام كده انا رنيت عليا من عندك اهو . سجل اسمى بقا ....أحمد
أحمـــد : (( ف سره بيقول يا قلب احمد وروح احمد ونن عين احمد ))
: ايوه يا مريم
مريم : على فكره دى اول واخر مره اكلم حد معرفوش وكمان اديله رقمى ,, وعلى فكره مش هتتكرر تانى وتلاقينى واقفه مع شخص غريب عنى
أحمـــد : غريب عنك ايه بقا .. مانتى خلتينى اخوكى اهو
مريم : هههههههههههههههههههههههههههه هههههههههههههههههه
أحمـــد : اضحكى اضحكى
مريم : طب يلا انا جوعت وزمان البنات طلبولى الاكل وخلصوه بعيد عنك طفسين
أحمـــد : اتفضلى ....
.................................
مريم : رحبوا معايا يا بنات بأحمد .. واد مجدع كده وعمله نادره ويشرفنى انه يبقى صديق لينا
أحمـــد : اه .. وأخوكوا
مريم : ههههههههههههههههههههههه هههههههههههههههههههههههههههه
ساره : اهلا اهلا يا استاذ أحمد منورنا يا باشا
بتضحكى على ايه يا مريم
أحمـــد : تسلمى ربنا يكرمك ... طلبتلونا اكل بقا ولا مش عاملين حسابى
مريم : لا بضحك افتكرت موضوع كده
نور : منورنا يا احمد وسنه سعيده عليك وعلينا .ايوه يا باشا اتفضل نطلبلك احلى أكل
أحمـــد : مانتحرمش ,, لا خليكى انا قايم اطلب انا .. ثوانى وجاى
.................
نور : اححكيلنا بسرعه يابت اتكلمتوا ف ايه وقولتوا ايه .؟ كل كلمه وكل نفس وكل حركه قولتوها لبعض ,
ساره : بالتفصيل الممل وحياه امك لاحسن افضحكوا هنا ,, ماتسيبيش فتفوته
أسماء : يا خرابى يا بنات ده الواد يتاكل أكل
مريم : اتلمى يابت انتى .. احكيلكوا ايه يخربيوتكوا دلوقتى مش وقته .. لما نكون لوحدنا
ساره : (بتعلى صوتها ) لا بقى والله لاعرف كل حاجه دلوقتى .. انا مش هصبر
نور : انطقى يا مريم .. انطقى لانعملك جرسه وفضيحه هنا , انا مش على بعضى انا كمان
وايه موضوع هبقى اخوكوا ده ؟ انتى رخمتى ع الواد وطلعتى عينه ولا ايه ؟
مريم : هههههههههههههههههههههه اسكتى والنبى ماتفكرنيش انا من ساعتها مش قادره امسك نفسي م الضحك
نور : كمان !!! لا بقا انا هقوم اقوله اننا ماشيين وتقعدى تحكيلنا كل حاجه حصلت
مريم : عيب بقا كلها عشر دقايق وهنمشى .. هشش اسكتوا خالص ده جاى
أحمـــد : انا عاوز اعرف فيه ايه بيحصل من ورايا بالظبط ؟؟
انا من بعيد شايفكوا عمالين تشدوا ف مريم وتخبطوها .. ناقص تجيبوها من شعرها
ساره : قريب اوى وحياتك .. داحنا متغاظين منها غيظ
الهانم مش راضيه تقول إن .......
مريم : احم ههههههههههههه انتى على طول تهزرى كده يا ساره مش معقوله
نور : مش راضيه تقولنا الدكتوره قالتلها ايه بخصوص الملغى وكده
أحمـــد : أها , وبعدين احنا فين والملغى فين لسا بدرى ,, وبعدين انا ف سنه رابعه وبقولك ان كل ده بيتلخص ف الاخر .. وبنذاكر م المذكرات
مريم : أحمد!!
أحمـــد : نعم ........
......................
((يتبع ))