ဘုရားစူး!ငါကဗီလိန်ပါဟ ဇာတ်လိုက်မ မဟုတ်ဘူးလို့ [Normal]

Side story ; Unconditionally

ရှုချင်းနန်၊ အသက်၁၆နှစ်မှာ ချစ်ရသူရဲ့လက်ချက်ကြောင့်အသက်သေဆုံးခဲ့ရတယ်။သူ့ကိုယ်သူသေပြီလို့ထင်မှတ်ခဲ့တယ်။သူမသေခင်မှာကျိန်ဆိုခဲ့တယ် အဲ့ဒီ့အရာဟာ 'နောက်ဘ၀ကြရင် ကိုယ်ချစ်ရသောအချစ်နှင့်ထပ်တူကျအောင် ချစ်ပေးနိုင်မည့်သူနှင့် ဆုံစည်းရပါစေ...' ဆိုပြီး။ ဘုရားသခင်ဟာ သူ့ကိုဒုတိယအကြိမ်အခွင့်အရေးပေးခဲ့တယ်ထင်ပါရဲ့။ သူ့မျက်လုံးတွေကိုပြန်ဖွင့်လိုက်တဲ့အချိန်မှာ သူဟာ စာသင်ခန်းထဲမှာ ပြန်လည်နိုးထလာလေရဲ့။

ပြီးတော့ သူ့ကိုခြွင်းချက်မဲ့စွာ မြတ်မြတ်နိုးနိုးချစ်ပေးရှာတဲ့အမျိုးသမီးလေးကိုလဲရှာတွေ့ခဲ့လေရဲ့။
______

  "မှတ်ထားရမဲ့အချက်က ဒီပုံသေနည်းဟာ စာမေးပွဲမှာ ပါနိုင်ချေအရမ်းများတယ်၊ ဒါ့ကြောင့် ဒီပုံသေနည်းကို သေချာမှတ်ထားဖို့လိုတယ်။"

ခပ်လျော့လျော့လေသံတစ်ခုကြောင့် ချင်းနန်မျက်လုံးတို့ပွင့်လာခဲ့သည်။မျက်လုံးဖွင့်ဖွင့်ချင်းမြင်လိုက်ရသည်က စားပွဲထက်တွင်ရှုပ်ပွနေသောစာအုပ်များပင်ဖြစ်သည်။သူ၏လက်ထဲတွင်တော့ ဘောပင်တစ်ချောင်းကိုခပ်လျော့လျော့ကိုင်ထားကာ Noteများလိုက်မှတ်နေပုံပင်။

   "ချင်းနန်..၊ ဒီပုစ္ဆာကိုတွက်ပြပါဦး"

နားထဲတိုးဝင်လာသောအသံကြောင့် ခေါင်းထောင်ကြည့်လိုက်ရာ သူမြင်လိုက်ရသည်က Stateထက်တွင် မတ်တပ်ရပ်ရင်း သူရှိရာဆီလှမ်းကြည့်နေပါသော ဆရာမ။

  "ဆရာမရယ်၊ စာသင်ချိန်တစ်ချိန်လုံးအိပ်ငိုက်နေတဲ့ကောင်က ဘာများတွက်တတ်မှာမို့လို့လဲ၊"

ခပ်စူးစူးအသံကြောင့် သူ့ခေါင်းက အသံထွက်ပေါ်လာရာ အတန်းအလယ်ရှိ ခုံကိုကြည့်လိုက်မိသည်။သူ့မျက်စိထဲသို့ ကျောင်းယူနီဖောင်းကို ကပိုကရိုဝတ်ထားကာ ထိုင်ခုံထက်တွင်ပျင်းရိပျင်းတွဲထိုင်နေသော မိန်းကလေးတစ်ဦးကတိုးဝင်လာသည်။သူ သူမကို မှတ်မိသည်။သူမက

   "ဂျောင်ဒါအွန်း..၊ ဒီတစ်ခါရန်ထပ်ဖြစ်ရင်တော့ ဆရာမနားနေခန်းကိုခေါ်တာလောက်နဲ့မပြီးသွားဘူးနော်၊"