كنان (للكاتبه ساره ابراهيم)

البارت الرابع الجزء الثاني

لسه هيخرج بس هي فتحت الباب ودخلت
يوسف بعصبيه . كونتي فين
ميرا ببرود . كونت في داهيه انت مالك
راقيه . ميرا أهدى يوسف كان قلقان عليكي عشان كدا متعصب
ميرا وهي تنظر ليه بتحدى . لا ماتقلقش من النهارده هعمل الي أنا عايزه
يوسف صوت جهوري . وده من امتا الكلام ده الي تسهر برا بيتها لوحدها لنص الليل دى تبقا واح
قطع كلامو صوت جهوري يأتى من الخلف . يووووووسف

الكل اتفزع من صوت كنان الي نازل السلم بغضب ومتجه نحو يوسف
يوسف أدرك معني كلامه وحس أنه خرب الدنيا كلها
كنان وهو يقترب منه ويقول بهدوء عكس ما بداخله ... خير اي الي حصل عشان تكلم مراتك بطريقه دى وتقول الكلام الزباله ده وكمان بعلو صوتك كله قدامنا
يوسف بضيق وهو يشاور علي ميرا ...الهانم راجعه البيت دلوقتي الساعه 12بليل
كنان ..سألتها كانت فين
يوسف ..لا
كنان ...مش يمكن كانت فيها حاجه واتأخرت مش ممكن تكون تعبت ولا كانت في مستشفى ولا حصل اى ظرف معاها واتأخرت بسببو
يوسف لسه هيتكلم بس كنان شارو ليه بمعني اسكت
كنان وهو يخبط علي كتفه بقوه ...لما مراتك تتأخر برا الاول اسؤل اتأخرت ليه لقيت مافيش سبب يبقا ساعتها تحسبها بس بأدب مش تقف تهينها قدامنا كلنا وتتهمها بحاجات زاى الي انت قلتها
يوسف عارف أنه غلطان بس بيعند ...طيب كنتي فين ياميرا
ميرا بثبات ...كونت بشم هواء
يوسف بص لكنان بسخرية وهو يقول ...أعتقد أن السبب تافه ولا انت شايف حاجه تاني
كنان اقترب من ميرا ليقول بهدوء ...طيب لي قاعدتي كل الوقت ده برا لوحدك من غير ما يوسف يكون معاكي
ميرا بضيق ...أنا خارجه عشان ابعد عنه اكيد مش هاخده معايا
كنان فهم أن في مشكله تاني غير التأخير بتاعها ليتجه نحو الحديقه وهو يقولهم ...تعالو انتو الاتنين ورايا
ذهبوا ورا و الباقيه واقفين مش فاهمين حاجه أما فرح كانت واقفه في الدور الثاني من القصر شايفه وسامعه كل حاجه حسه بذنب أنها السبب في مشاكلهم صحيح متعرفش سبب المشكله ولكن مافيش مشكله بتحصل بين ميرا ويوسف غير و بتكون بسببها اه هي بتحب يوسف وبتغير عليه من ميرا وبتتخانق كتير مع ميرا بسبب يوسف بس برضو ميرا وقفت جنبها انها تتجوز حب عمرها وحده غير ميرا كانت قتلتها لو قربت من جوزها
فاقت من شرودها علي صوت مي
مي ..اي يابنتي بقالي ساعه بكلمك
فرح بأرتباك ...ابدا حسه بس انى تعبانه شويه كونتي بتقولي اى
مى بحزن ...بقولك شوفتي عمر نزل من العصر و مرجعش قولت يمكن جه ومدخلش الاوضه
فرح ...أنا لسه صاحيه من شويه و منزلتش تحت شوفيه يمكن في المطبخ ولا في الجنينه وبعدين وهو خارج كان مضايق ومرضيش يقول حاجه
مى وهي تذهب .. خايفه يكون ساب البيت كان زعلان منى
مي ..متخافيش تلاقيه زهقان وانشاء الله شويه ويجي
مي ..يارب
نزلت شافت ملك ونورا و راقيه لتقول ...حد شاف عمر
نورا وهي تضرب كف بكف ...لا حول الله يارب هو اي الحكايه
مي بأستغراب ...حكايه اي بس ياماما
نورا بصتلها وسكتت وراقيه قالت وهي بتضحك ...اصل من شويه يوسف سؤل نفس السؤال وبعد كدا جت ميرا واتخنقو سوا
مي بأستغراب ...واي الي حصل
نورا...كنان معاهم في الجنينه تقريبا بيصالحهم
ملك ... انتي قلقانه علي عمر لي ده راجل فيها أي لو اتأخر
راقيه بسخرية وهي تنظر لمي بغيظ ...اصل الظاهر في خناقه حصلت بينهم عمر كان خارج وباين أنه مضايق
مي بضيق ...طيب و بتبصيلي كدا لي
راقيه بغيظ....عشان اكيد أنتى الي غلطانه لما يخرج
زعلان كدا وكمان انتى جايا بتسؤلي رجع ولا لسه يبقا الغلط منك انما لو هو الي غلطان عمرك ما كونتي سألتى عليه ده انتي بنتي وانا حفظاكي
مى بضيق ...يووووو ايوه انا الي غلطانه وهو برئ
سابتهم وطلعت حولت تتصل بيه كذا مره بس الموبيل مقفول