حكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
فرفشلو شعرو و حبيبة تبسمت ... هوما خرجو و حبيبة خبطت سيف ليدو و قالتلو
حبيبة : مسكينة شفتها كيفاش خافت عليا سيف : واش ندير يما .... كانت رايحة تخدم و باش نحبسها قلتلك قوليلها بلي راكي مريضة حبيبة : اهاهه منين خرجت هاد الخدمة محكاتليش سيف : مقالت لحتى واحد اصلا حبيبة : و منين عرفت شكون حكالك سيف : يما عرفت وخلاص حبيبة : بصح واش تبدل ياك كنت تعاونها وعلاش ديسيدات تخدم سيف : معلباليش واش قالتلها اسراء المهم هي شغل حشمت و حست بلي متحملتش مسؤولية ولادها حبيبة : و دوكا كيفاش سيف : ساهل ساهل ... غدوة نبعتلها ماتريال تاع الخياطة و راح نعاونها بلي قدرت عليه حبيبة : ان شاء الله .... و شكون لي قالك
دور عينيه يعرفها متطلقش الحاجة حتى تعرفها
حبيبة : اسراء متقولكش مدام هي لي قالتلها ... مالا ريان حكالك ..... ولا ملك سيف : يماا راني طالع نرقد
راح و هي عوجت فمها منبعد حبس و دار عندها
سيف : حقا وليدك وين راه حبيبة : مزال ما دخل
دارلها براسو ايه و طلع
.........
صباح جديد :
ملك لي ناضت صباح لبست و خرجت .... قلت نولي نحطلكم واش تلبس باش تعرفو شوية ستيل تاعها واش رايكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
........
حبست تاكسي قدام الدار ، خلصتو و هبطت ... كيما كان الحال دخلت و بعتوها لشمبرة جاد و اول حاجة كان لازم ديرها هي انو تنوضو .... كانت الساعة سبعة وقت لحقت .... فتحت الباب و دخلت
ملك : يا عمري على الزين الله يبارك
راحت قعدت قدامو وين كان راقد
ملك : كيفاش يقدرو ينوضوك دوكا ... مسكيين تقول راهو فلارمي
بدات تبوس فيه بلعقل و جوز فيدها على شعرو
ملك : جاد يا عمري ... هيا نوض
بدا شوية بشوية يحل فعينيه ... هو غير شافها سوطا و دنا بعيد عليها .... حط يديه على عينيه راح يبكي
جاد : ثكون نثيي ( شكون نتي )
مدتلو يدها و هي تتبسم
ملك : انا ملك ... و انا هي لي راح نولي نقعد معاك نعاونك نلبسلك ندوشك و واشنو تاني .... ايه نلعب معاك و كامل واش راك حاب جاد : بثح مانيث حاب ( بصح مرانيش حاب ) ملك : و وعلاش مراكش حاب جاد : باثكوو انا كبييل ( بارسكو انا كبير ) ملك : ياو انا كبيرة عليك و نحوس شكون يلتهى بيا .... صحااا معليش نوليو اصدقاء ياك نورمال مام الكبار عندهم اصدقاء
