(رأيتها صدفة)
بارت16
جعفر/ليش لهل درجه تكرهني عمار اااخ منك مو اني صديقك وسندك جنت صيحلي يعني غلطت مرة وحده خربت الدنيا خلص لايقبل يصالحني ولا يسامحني ولا عزمني بعرسه بس يدلل راح اسويله احلى مفاجاة بزواجه واخلي طول حياتة مينساهه..ولك عمار انت عندك كلية وعندك فاطمة وحتزوجون وترتاحون واني هنا كاعد مكابل اهلي والمبايل لا عندي اصدقاء مقربين ولاعندي ناس مثل البشر..بس اني اعلمك شلون لعد غير اني صديقك ولازم انطيك هدية ثمينه يدلل عموري ماقصر وياة..طلعت من غرفتي للصالة لكيت اهلي كاعدين وجواد شاف منشور عدي
جواد:عرس عمار بعد أسبوع
جعفر:يي كالوا الولد من اليوم أجو الله يهنيهم
جواد:يي خطية شاب حباب يستاهل
ام جعفر:يي خطية خلي يفرح من ماتت امه لليوم مامرتاح
جعفر:هههف ضوجه خلي اطلع كازينة
جواد:خلي اطلع وياك
جعفر:انجب واكعد
جواد:شبيك كلما اكلك اطلع وياك تنجلب عليه
جعفر:لان عندك دراسه اكعد اقرا لضل ملطلط من مكان لمكان
جواد:هو كيمياء وخلصت
جعفر:شبسرعه خلصت ولا مبين عليك طالب ثالث والله يا الله انجب واكعد يله امشي ولي
جعفر/اخذت السويج وطلعت افتر بالسيارة مخنوك من البيت بس مادري وين اروح جنت كل مرة اطلع اروح لبيت عمار بس بعد خلص عمار ماهوة واني صفيت وحدي وين اروح؟
جفر:هاا خلي اجيب الهدية مالت عمار مدام طالع
جعفر/اتصلت ع ابن عمتي ضابط بالشرطة
جعفر:هلو حمودي شلونك
حامد:هلو حبيبي شلونك شلون صرت
جعفر:والله بخير شوي احسن هل ايام خلصت الكيمياوي وصرت زين
حامد:عندك العافية
جعفر:الله يعافيك اكلك انت وين؟
حامد:بالبيت
جعفر:خوش اكلك محتاج اسلاحك؟
حامد:ياستار ياربي المن تريد تكتل؟
جعفر:ههههه لا عمي ويني وين الكتل عرس عمار صديقي لابُد تعرفه بعد أسبوع تقريبا واريد ارمي بالعرس اني وعدته اضرب بعرسه طلق بس ماعندي سلاح
حامد:يي عادي ماعندي شي اني انطيك سلاحي بس خاف متعرف تستخدمه وتسويلنه كارثه
جعفر:لا يمعودة هو بس اسحب وارمي للسما ماأذي احد
حامد:تمام عادي هو بالبيت شوكت متريد تعال أخذه خاف اني طالع
جعفر:اكدر هسه اجي اخذه
حامد:تمام تعال هلا بيك
جعفر/تدلل حبيبي عمار أله احرك العرس بالطلق ولايهمك لعد غير انت صديقي وحزامي صح انت تكرهني بس اني ماكدر اكرهك ولا اكدر احقد عليك لان اني كلبي طيب ماأذي احد..فريت السيارة ورحت لبيت عمتي دكيت الباب
حامد:منو
جعفر:اني جعفر
جعفر/فتح الباب
جعفر:هلا شلونكم
حامد:هلو بيك جعفوري تفضل تفضل
جعفر:لا والله مستعجل اريد اروح اشتري ملابس للعرس بسرعه يله حضرته؟
حامد:يي موجود يله هسه اجيبة
جعفر/راح حامد دخل للبيت وجابلي المسدس هلا هلا واخيرا أجه
حامد:هاك تفضل بس دير بالك علية جعفر أخييك لتورطني بي
جعفر:تدلل حبيبي راح ادير بالي علية بس ها لتكول لعمتي اني اخذته لان ماريد اهلي يدرون اخذته منك
حامد:لعد ليش..اهلك ميدرون؟
جعفر:يي ميدرون لان ابوية ميقبل اخذ اسلاح واروح يكول خاف تسويلنه سالفة فاجيت الك..حمودي لتكول لأحد حباب
حامد:تدلل حبيبي ان شاء الله بس دير بالك مو تفشلني ويه ابوك ونوب يجي يلومني ليش انطيتك
جعفر:لالا تدلل ماسوي شي
