رأيتها صدفه
بارت ١٧
عمار/وصلنه للمستشفى نزلنه بسرعه كله تباوع علينه لان بنية بدلة بيضه تدخل مستشفى وابو فاطمة واخوهه ورانه بالسيارة دخلنه للطوارئ بسرعه وحولونه للعمليات حته يفتحون مكان الجرح ويطلعون الرصاصه
عمار:لازم السدية وونمشي اني واهلهه وياهم
عمار:بس جاوبني حتعيش لولا يعني الضربة قريبة ع القلب فدوة لطولك جاوب
الممرض:والله ان شاء الله خير حبيبي ماكدر اجاوبك لان ماعرف وين المكان لازم الدكتور يشوفه
عماروصلنه لصالة العمليات
الممرض:ممنوع احد يدخل رجاءا
عمار:ضلينه واكفين باب الصالة ماقبلوا ندخل وياهه امهه وابوهه وحيدر كعدوا ع الكراسي وامهه تبجي وتنوح عليهه واني افتر اروح وارجع ماكعدت لان قلق عليهه خاف تروح مني احجي بداخلي
عمار:ااخ منك جعفر شكول عليك ليش هيجي سويت بحبيبتي وام بيتي حسبنا الله ونعم الوكيل الله ينتقم منك ليش كسرت فرحتي بهل تصرفات
عمار/اتصل عدي
عمار:هاا عداوي بشرني
عدي:اجت الشرطة واخذته واني هسه وياهم والبنات كلهن راحن لبيت خالتي وانت بشر شلون صارت؟
عمار:خووية حولوهه عمليات حته يطلعون الرصاصه يكولون ان شاء الله خير بيه بخت ماواصله منطقة القلب
عدي:ان شاء الله خير تحتاجني؟
عمار:يي والله ياخوية اريد واحد منكم انت لتجي ضل بالمركز خاف يسئلوك عن شي وخاف يجون اهله يطلعوا واسطات
عدي:لالا لتخاف هاي جريمة مابية واسطات تمام لعد حدزلك جاسم ماعنده شي هنا
عمار:عاشت ايدك دزليا خلي يوكف وياي احتاجه
جعفر/أجت الشرطة كلبشوا ايدي وصعدوني بالسيارة واني ولاكلمة ولاحجاية دا افكر بفاطمة شلون أذا ماتت معقولة اكون اني السبب معقولة اني كتلت فاطمة فدوة لعمرج لتموتين عيشي وروحي لعمار عادي اقبل بيهه وضلين حبيبتي بس مراح ازعجج والله بس رجعي للحياة فاطمة والله ماردت اكتلج بس عمار الكلب هو هيج سوة وخلاني ضربتج والله بالغلط مادري بهل شي حيصير..وصلت للمركز واني مثل طلي الفاتحه ميدري بالدنيا شبيهه وشحيصير نزلوني الجنود للمركز كعدوني بالتوقيف يم المحقق واستلمني تحقيق
المحقق:انت شنو علاقتك بالانسانه القتلتهه؟
جعفر:حضرت السيد مجرد اصدقاء اني وياهه والعريس بس اني جنت احبهه والنذل ماقبل ينطينياهه فاجيت للعرس وبيدي سلاح بس ردت اهددم حته تخاف العروس وتجي وياي
المحقق:انت شبيك باباتي متعاطي شي وين اكو حب بالتهديد انت وين عايش احجي عدل
جعفر:يي هو هذا الصار سيدي
المحقق:السلاح منيلك
جعفر:هاا
جعفر/خرب نسيت السلاح مالت ابن عمتي شلون هيج شسوي راح اتفشل وياهه وهو كال يتورط اذا سويت جريمة بي لان حيتعاقب بحساب هو مشترك بهاي الجريمة لا يا الله جنت بواحد صرت بثنين شيخلصني من حامد هسه ضليت صافن
