نتعرف ع الشخصيات
البطله / بدر __عمره ٢٦
البطله / قمر __عمرها ٢٣
عائله بدر /
ابو بدر/ عمره ٥٥ انسان عصبي جدا ومن الطراز القديم وكلمته مايثنيها ومحد يرفض له طلب ابدا
ام بدر / عمرها ٤٠ انسانه جدا طيبه وحنونه ع الكل
حسين اخو بدر /عمره ٢٨ انسان يشبه ابوه متشدد جدا
بدر/ انسان جدا طيب وحنون ع الاكل ومايقدر يرفض ل احد طلب وانسان يحب من كل قلبه
'
'
'
عائله قمر/
ابو قمر/ عمره ٥٩ انسان عنيد وعصبي جدااا مايرضى بالغلط بس حنون
ام قمر / عمرها ٤٦ حنونه بس مره متشدده وكثير يهمها كلام الناس
قمر / انسانه جدا طيبه وحساسه مرهه ماترفض ل احد طلب تعشق الاطفال
وباقي الشخصيات نتعرف عليهم مع الوقت '''
'''
في زمن بعيد جدا كانت الحياه جميله كنا اطفال نلعب ونلهو وكان حبنا طاهر احب بدر بنت عمه اسمها / نور حبها حب نقي وطاهر كبرو وكبر هـ الحب معهم وكان الكل يدري انه يحب نور
بدر / انا اليوم ماشي مكه ان شاء الله ولما ارجع بكلمك بموضوع
ابو بدر / يصير خير وانتبه لطريقه
بدر / ابشر توصي شي
ابو بدر / يعطيك العافيه
بدر / اتجه يسلم ع ابوه وامه وحسين وطلع
ام بدر / انتبه لطريقك ولاتمسك الجوال
بدر / ابشري
راح بدر واعتمر وخلص عمرته وهو نازل كان مبسوط جدا دخل البيت وينادي اهله سلم ع امه وعطاها هديته
ام بدر/ ياولدي تعبت نفسك
بدر/ تستاهلين ي الغاليه الغالي يرخص لش الا وين ابوي وحسين
ام بدر / راحو وبيرجعون انا بدخل اجهز العشاء
بدر / اجل بطلع اخذ شور لين يجون طلع بدر وهو متحمس لما يحي ابوه يقول له يبغى يخطب نور وكان في قمة وناسته وهو نازل الا مع دخلت ابوه واخيه اتجه يسلم عليهم وشذي المشه وريحه العود وين كنتو
ابو بدر / رحنا نخطب لحسين
بدر / مبروك مبروك تستاهل والله
حسين / الله يبارك فيك ي الغالي وعقبالك
بدر / امين الا من سعيده الحظ
حسين / نور بنت عمي حمد
بدر / بصدمه انت صادق
حسين / اي بالله صادق وش قومك
بدر / ولاشي انا بروح اسلم ع جدي فمان الله طلع بدر والدنيا ضايقه فيه جدا كان يحس انه بحلم وينتظر يصحى منه ركب سيارته وراح لمكان بعيد وطلع راس جبل وقام يصرخ ب اعلى صوته كسرت ظهري ياحسين يوم خذيت حب طفولتي وجلس يبكي ويخبط ع ركبته راحت مني راحة الي كنت اشوفها حياه لي ليه ي حسين تكسر اخوك ليه وهو يبكي قال
حَاولت أَن أَخفي هواك وكلّما
أخفَيته في القلبِ فاضَت أَدمُعي
بالبَين قَد قَضَت الليالي بَينَنا
لكن روحك لَم تغِب دوماً مَعي
انسدح مكانه ويتذكر لياليهم وكان يبتسم ودموعه تصب كانه طفل فاقد امه نزل السياره وراح للبيت دخل وكان هدو طلع غرفته وانسدح وكان مكتوم كان وده يبكي بحضن امه ويشكي لها ونام نومه عميقه
ام بدر / بدر يمه يلا قم لاتفوتك صلاه الفجر
بدر / صحى وكان يتمنى انه كله حلم توضى وجلس ع سجاته وكان يدعي ويبكي يارب صبر قلبي يارب انزع حبها من قلبي وسجد وهو يبكي مالي غيرك ي الله يستجيب دعواتي فلا تردني خايب 💔
بعدها رجع ينام يبغى يهرب من الواقع المؤلم صحى ع صوت ابوه وهو ينادي يلا يعيال ابطيوتو ورنا اشغال قام بدر غسل وهو يسحب نفسه ويحاول ما يبين ل احد نزل
بدر / سلام عليكم واتجه يحب ابوه في راسه
ابو بدر / وعليكم السلام وينك من البارح اختفيهنت عسى مخلاف
بدر / مابه شر بس كلمني واحد من اخوياي ورحت له
حسين / صبحكم بالخير يبه نحدد الزواج الشهر الجاي
ابو بدر / بشوف ابو نور وبرد لك خبر
حسين / اجل ان شاء الله عاد انت يبدر بتكلف بزواجي لاني منشغل في البيت والاثاث وباقي الزواج عليك
بدر / ان شاء الله اجل استأذن عندي مشوار بخلص وبرجع طلع بدر وهو مخنوق جدا قلبه يدق بقوه ويحس انه بيموت راح المستشفى واتضح ان عنده ضعف في دقات القلب اخذ مغذيه وجلس وهو قد بينفجر من الضيقه طلع من المستشفى ويحاول يكون طبيعي اتجه لبيت اهله وراح غرفته ونام عطول نام نومه طويله نمومه وجع وبدا يجهز لزواج حسين ويهتم في كل التفاصيل كنه زواجه انتهى الزواج ...
بدر/ ركب سيارته وفك ازرار ثوبه مخنوق يارب كن معي وحط راسه ع الدركسون ونام صحى ع اتصالات من اهله وسكر ازراره وحرك لبيتهم
ام بدر / يمه بدر وينك خوفتني عليك من البارح مختفي عسى ماشر
بدر / حب راس امه لاتخافين علي واحد من اخوياي صار له حادث ورحت له اجل يمه بطلع ابدل ابوي وينه
ام بدر / في المسجد
بدر / تمام
طلع بدر والدنيا ضايقه فيه كيف بيقابل حسين وزوجته
دخل غرفته دخل اخذ شور وطلع وبدل وتعطر ونزل
ابو بدر / وينك ياولد من البارح اتصل ولاترد
بدر / قرب وحب راس ابوه العذر والسموحه ي الغالي بس واحد من اخوياي صار له حادث ورحت له
ابوبدر / سلامته مايشوف شر
بدر /الشر مايجيك
بعدها دخل حسين وزوجته وسلمو وجلسو يتحدثون وجهز الغداء وتغدو وبدر تعبان جدا من الوضع ذا لاكن خلاص قرر انه ينساها ولاعاد يفكر فيها ابدا ومرت الايام سنه سنتين
لين جاء ذاك اليوم
يتبع ......
