{وما بعد هذا؟!}
{كُتِبَ قَدرِي}
*في مكتبه من المكاتب:-*
أهلين حسون دقيت ليه؟ قال لي اشتقت لك ي هبله قلت ليه واي وربي كتير ي بيست قبلت لقيت مكتوب انو حينزلو فلم جديد ف الاسطوانه عاينت ليه وقلت ليه حينزل فلم؟ قال لي بكره اي قلت ليه م حقدر اجي ناس حبوبه جاين من البلد وبعدها مسافرين مصر قال لي حتى انتيي؟ قلت ليه لا حقعد انا وهتان ومعاي ريري والبيت حيكون ملان بس حبوبه وابوي وامي وخالتي حيمشو قال لي وانتي؟ قلت ليه اير منقي دولي قال لي م فهمت قلت ليه المره الفاتت عرفت قال لي لكن شوي كلمات قلت ليه انت عاوز شنو قال لي يبت خايف عليك تكوني براك ف البيت قلت ليه لا ك تخاف يقلبيش ضحك قال لي حمشي انا ف ناس حتجي قلت ليه لا والله بمشي معاك وطق مشيت معاهو جا ولد قال لينا عاوز كتاب.... مشيت وراهو اديتو قال لي تسلمي تعبتك قلت ليه م مشكله قال لي اسمك منو قلت ليه ف... قاطعني صوت حسون بقول لي تعالي قلت لي الشاب عن ازنك ومشيت قال لي مالك واقفة معاهو قلت ليه هو قال عاوز يعرف اسمي صر وشو قال لي وانتي عاوزه تديهو طوالي قلت ليه م ضريفه وخفت الزباين م يجو صر لي ومسك تلفونو ركب السماعه طبعا الحركه عجبتني م غاظتني وحسيته غار تاني قلت يغير ع شنو قلت ليه حسون ماشه انا اجهز مع امي حسوون ي متااا اووف حسون عاين لي وقلع السماعه قلت ليه ماشه اجهز مع امي قال لي بوصلك قلت ليه عاوز هتان يتكيني ويضبحني؟ قال لي سوري قلت ليه مشندل قال لي يزوله بختلف معاك قلت ليه معناها شين 🤪قال لي شين انا؟ قلت ليه ايوه ابتسم وقال لي عشان البرص يعني؟ اتخلعت طبعا ما قايلة فكر فيني كده وم قايله جادي اساسا زعلت صراحه وكنت ماشه مسكني من بطن يدي وجابني قال لي ماشه وين وشك شوية حيقع منك بدون احس عاينت لي يدو وشعر جسمي قام حاولت اكون عادية زحيت يدي قلت ليه ماشه انا لو انت بتفكر كده قال لي فوفو يا حبقلبي م تزعلي حبيت اشغلها ليك قلت ليه م كده لكن مشندل د قال لي شينه براك ي رمه قلت ليه وبعدين م تقول لي حبقلبي بحس اني مرتبطة بيك قال لي اووو انا م بشرف بيك قلت ليه طيب يلا يلا امي بتتصل جريت وانا بلوح ليهو بي يدي نظام معسلامه كنت مبسوطة بي النص ساعة د بجد هو كيفي.
مشيت البيت دخلت استحميت وغيرت بهدوم النظافه كنت بنظف وعيوني جارين دموع واصلا من قبيل واجعاني شديد هتان جا قال لي بنان بتبكي ليه قلت ليه عيوني واجعاني شديد قال لي خلاص معليش بعدين نفحص بكره ماف طريقه اناي عارفه قلت ليه طيب اخلص مسح بس خلصت نسيت اوري امي ولبست عبايتي ومرقت معاهو لدكتور العيون حجزها وكانو قدامنا خمسه عديل هتان شال التلفون وانا كذالك رسلت لي حسون
= سجم
بعد دقيقتين خشا ورد
_عيون السجم ي رمه
=خمن انا وين
_وين حيكون مافي البيت يعني
=غلط
_حوشكم؟
=لا
_ممممم مطعم؟
=غلط
_فوز
=غلط
_مشندل
=😹😹😹
_م تضحكي
=احم ف المستشفى
_مستشفى؟ ليه ف شنو العيان منو مالك
=قول بسم الله
_فوز اتكلمي
=عيوني ليها يومين بتوجعني وبتحمر وكده والليله دموعي نزلت بدون تحكم فيها بس حمرو وهتان قال نمشي اليوم عشان بكره ماف طريقه
_هم مسافرين متين؟
=حيقعدو تلاته يوم ويسافرو
_طمنيني تمام
=سمح ي جنتل مان
_غلطان انا
=عاين
_اي
=جاني عريس
_وافقي
=أبيت
_عشان تفكينا من وشك ياااه
=انت حيوان ع فكره وغلطانه انا معتبراك بيستي شوف زول تاني ف مقامي
_الزيك كتار بس انا م كنت بشوف واخترتك انتي
=م حتلقي زي ي ود اسامه
_بلقي احسن
=نينينيني برضو زي ماف بعدين تفتش لي وانا قدامك يوسخ ي حقير ي زباله
_غريبه م نبذتيني بالرطانه
=😹😹😹😹
_علميني
=لا
_ليه ي رمه
=عشان عاوزه اخد راحتي وانا بنبذك وانت م فاهم
_كويس ي بت شروق
=اسم ابوي راح وين😹😹
_اسكتي الله يفضحك هسي في داعي نفتح ابواب زي د
=بموووت كفاي كفي😹😹😹😹
_كفايه شنو ي مكنه
=واي ي اصلي ف ولد رهيب رهيب لبيس كده
_انتي انا قدامك م انبرشتي فيني تنبرشي ف خلق تانيه تف ع خلقتك
=وااااااااي حتي تبلغ الوايات منتهاها انا انبرش فيك؟
_ناقص يد ولا كراع بت شروق احسن تتأدبي
=هووووي ي ولد اسامه احسن تفتح عيونك كويس وتبطل تحرمني اني انبرش ف ولد
_بحرمك بحرمك بحرمك
=عشرة مرات😹😹
_حيوانه م تعايني لي الاولاد َاحترمي نفسك
=حاضر اسفه
_َممممم
=هي عاوزه أسألك
_هااا
=ليه م بنسمع صوت النمله
_🙂
=وريني
_عشان صوتها واطي🙂
=الضحك
_الضحك بموت القلب براهن قلبك ميت
=عساس قلبك حي وبعدين تعال هي حبيبي ولا راجلي عشان تتحكم فيني وتقول لي م تنبرشي وارفعي طرحتك وم تعلي صوتك وبتاع
_اخوك ولا نكرتيني
=صممممم بكممم عميييييي لا ارى
_قليلة ادب ولسانك طويل
=ندهو علينا يلا
_طمنيني بعد تطلعي
م قريتها ودخلت طوالي مع هتان سلمنا الدكتور بدا يسأل فيني بتساهري بكون ضوء التلفون كيف بتحضري من قريب بتوجهي الفلاش ف عيونك والخ..وانا برد لمن قال لي شايفه د كان بعيد وم شايفه بس طشاش قلت ليه م شايفه قرب قرب شوية برضو م شايفه لمن قرب تاني شفت قلت ليه شفتو اي قال لي طول ف النظر تحتاجي نظاره وهاك حكتب ليكشش اسم قطره لو عيونك حمرو شديد استعمليها تمام؟ قلت ليه تمام بقا يوريني ف الفريمات م عجبني الا فريم اسود من فوق زي المسطره وتحت مدور أن شاء الله عرفتو😹 يلا لبستو ولقيت اني بشوف دفعنا ورجعنا البيت لاقتني امي قالت لي الدكتور قال شنو قلت ليها الوراك منو؟ قالت لي دقيت لهتان قلت ليها قال عندي ضعف ف النظر واداني د لمدة ٦شهور واغير العدسة قالت لي طيب دخلت جوا رقدت كنت تعبانه حق التعب نمت صحيت بتلفوني بدق عاينت الساعه لقيتها وحده رديت جاني صوتو بقول لي كده ي فوز؟ قلت ليه بصوت مليان نعاس حسون قال لي ادخلي الواتس قاعد مع اصحابي......
*نتلاقي 👋*
