صحيت من النوم شلت تلفوني لقيت رساله مكتوب فيها م حتعرسيهو وده وعد مني ليك طبعا قمت وبقيت اعاين لي الرقم ده قلت ليه عفوا شكلك رسلت رقم غير قال لي فوز معاي؟ قلت ليه ايييييوه انت /ي منو قال لي م ضروري تعرفي بس م حتعرسيهو وبلكني طبعا بقيت بس بقش في عيوني مشيت استحميت وانا بالي مشغول اتوضيت وطلعت صليت كنت قاعده ف المصلايه تاني مشيت بره هتان قال لي عروستنا الحلوه قلت ليه حبيبي 🖤قال لي مالك يفوز؟ قلت ليه مف شي بس مقلقه قال لي لالا م تقلقي ريري هسي قالت لي ماشه مع عساف تختار الدبله مع حسون قلت ليه ايواا طيب ان شاء الله بقيت شغاله مع امي ونجهز الحاجات وكده لمن المغرب جا أهل حسون كانو في الصاله وانا ف الغرفه متوتره شديد جات ريري قالت لي يلا عاوزنك مشيت بره وانا منزله راسي الزغاريت قدت اضاني قعدت جمب حسون وابتسمت لبسني الخاتم وقال لي عقبال البسك ليهو بي اليمين 🌚ابتسمت وقلت ليه أن شاء الله 🌚زغرتو حسون اخد نفس عميق وقال لي مبسوطه؟ قلت ليه ايوه قال لي و... اااههه قلت ليه مااااالللككك بس بقا يصرخ والفهمناهو انو بطنو واجعاهو وشو بقا احمر بقيت ماسكه وبهز في راسو المعرق وهو ما راضي يقول شي غير اهعه بقولها بوجع انا دموعي ملت قميصو وهو ماسك يذي واليد التانيه ف بطنو بقيت اصرررخ هتااااااااااااااان ابووووييي وااااااي يا الله حسوون اوععييي انا معاك تمام قول بسم الله قول بسم الله الرحمن الرحيم هتااااااااااان فجأة الخطوبه بقت صواريخ وصوت الإسعاف الرجال بدفرو النسوان عشان يمسكو حسون انا بجد كنت مخلوعه جريت لبست عبايه لقيت هتان بصرخ ف النسوان القالو ماشين جريت بدون يشوفني وانا ببكي دخلت ف العربية بدون يشوفني جا دخل ودور العربيه وبقا ماشي بسرعه كنت خايفه على حسون شديد ياخ حتى قلبي بدق بسرعه اتذكرت الرسالة
"م حتعرسيهو وده وعد مني"
بس وقف العربية ونزل عاوز يأمنها نزلت بسرعه عاين لي بخلعه قال لي فووووز؟ جيتي ليه وكيف ركبتي قلت ليه هتان م تتكلم بس ارح وديني لي حسون وديني كان مخلوع بس مسكني من يدي ودخلنا بعد تحانيس جرينا فوق شايفه الرجال كلهم قدام غرفه الاشعه هتان حضني قال لي م تخافي طيب؟ قلت ليه خايفه يحصل ليهو شي بمووووت بقيت ببكي بس الدكتور طلع وقال يا جماعه الا عمليه سريعه نطلع في السم قبل يموت هتان بقا يصرخ طيب مستني شنوووووو يلا قبل يمووووووت انا قعدت ف الارض بصدمة وقلت سم؟ حسون؟ يموت؟ لااااااااااا يااا الله لا يا الله لا هتان رفعني قال لي اهدي يا بت الناس عشان ما اقوم اديك كف وارجعك زفت البيت سكتت وبقيت واقفه جمبو دخلو حسون العملية بسرعه هتان قال لي ارجعي قلت ليه ما راجعه قال لي ما على كيفك ياخ ومسك يدي وبقا ماشي وانا بقول ليهو ياخ عليك الله خليني ياااخ هو ما رضا يفكني اساسا فجأه جا عساف مسك يدو طلع من وين ما عارفه بس لقيتو ف وشي عاين ف دموعي وقال ليه ياخ بي ذوق ما كده لكن قال ليه انت اوربلد؟ عاوز توريني اتعامل كيف ياخ امبل من وشي عساف قال ليه م ترطن اتكلم عديل هتان قال ليه مجنون وزح من وشي ياخ البت بتقع وتقوم ونحن ف مستشفى هي زاتا البجيبها شنو عساف قال ليهو براحه عليك الله هتان شوي هدا وداني العربية ركبني وصلني البيت قلت ليه لمن يطلعو وريني قال لي تمام انزلي وما تجرسي الناس ديل دخلت لقيت امو واخواتو ببكو ببكو عديل دخلت قعدت جمبها قالت لي من بدايتها فقر حسبي الله ونعم الوكيل قلت ليها بجد والله قالت لي فوز ولدي وحيدي ابعدي عنو عليك الله طبعا بقيت بعاين ليها احساس انتي بتفهمي من وين من الدموع النزلت بقيت ما شايفه الا طلعت النظاره ونظفتها قلت ليها جدن خليهو يبعد عني ودخلت جوا غرفتي جاتني ريري جاريه قالت لي فوز عاوزاك قلت ليها خير قالت لي اولا احكي فشنو ف المستشفى حكيت ليها الحصل قالت لي بتبالغي هتان معاهو حق يلا قلت ليها كويس قالت لي فوز بتحبيهو؟ .....
