في نفس الوقت:
عساف :الدكتور لمن عمل العملية ونجحت فرحت لي حسون بت معاهو واهلو رجعو ممنوع تطول الزياره اصلا كنت ماشي في الممرات جعت قلت امشي المطعم لقيت بت بتبكي معاها ولد كده الولد دخل مشيت عليها قلت ليها يا اخت؟ رفعت رأسها قالت لي نعم وقامت قلت ليها كويسه انتي قالت لي وانت عاوز شنو😭قلت ليها م تبكي طيب انا والله نيتي صافيه وما قصدي شي واسف اني ضايقتك كنت ماشي وقفتني قالت لي اسفه على اسلوبي انا اختي جوه وقالو عندها حالة نفسية بتخليها تتخيل ناس ما موجودين وكمان امكن تفقد ذاكره😭😭😭😭قلت ليها ادعي يا.... سكت قالت لي ود قلت ليها والله يا ود ربنا كريم وادعي انها تقوم بالسلامة وكلو لخير هسي هي وقعت ولا الحصل شنو؟ قالت لي اي وقع فيها صحن قلت ليها شفتي الصحن الوقع فيها والدوخه والحصل د كلو لخير بإذن الله يعني ما تقلقي هسي لو ما وقعت ما كنتو عرفتو مرضها وكانت زادت سوء وكمان كنتو ما حتحسو بيها فهمتي؟ ما تبكي خليك قويه عشان هي تقوا قالت لي شكرا ليك وكلامك صح وقواني زياده قلت ليها ممكن اشيل رقمك اطمن بيهو على اختك؟ قالت لي ممم اااا مممم فكرت مسافه كانها بتضرب حساب في رأسها صراحه عجبتني وعجبني ذوقها وخوفها انها تجرح زول وتقلها وفكرها انها اول بتفكر بعدها بتعمل الحاجه قالت لي طيب وأدتني استأذنت ونزلت تحت كنت مبسوط بيها ❤️
او اصلا اتكيفت ودخلت مزاجي ❤️وانا باكل دقت لي فوز كلمتني انها ما حتقدر تجي اليوم بتجي بكره لأنها انشغلت قلت ليها حسون حيزعل أن شاء الله تجي دقيقه قالت لي طيب طيب بحاول وقفلت على كده.
العصر كده الدكتور قال لي بعد ده تقدر تخش للمريض لمن دخلت حمدت ليهو السلامة كان بفتش لي حاجه ويالو في البلب قال لي وين فوز قلت ليه ااا مشو المحطه عشان ناسهم مسافرين تقريبا حتجي مع هتان قال لي مممم مفترض اصحا القاها في عيوني قلت ليه خلاص الناس ضروف قال لي اديني التلفون طيب اشوفها وين قلت ليه طيب اديتو التلفون حقو وطلعت منو عاوز اشوف ود فعلا لقيتهم مارقين شفت اختها الحكت لي بيها ومعاها كم ولد كده معليش ليهم وقلت ليهم حمد لله على السلامه ود اتوترت شديد ولد منهم قال لي الله يسلمك يارب وانتو كمان حمد لله على السلامة شفتكم امس بسرخو وكده قلت ليه دي خطيبتو اتجرست وكمان عشان في يوم خطوبتهم حصلت ليهو حاله تسمم قال لي اي شفت الشرطه جات عشان تحقق تاني العم قال مشكلة بينا وكده قلت ليه اي والله لانو كانت في مويه وهو بقول ما عارفه الاداهو المويه منو ونسا قال لي ألف سلامة قلت ليه وانتو الاخت مالا اتوترت في الأول تاني قال لي نفس كلام ود بس الغريبة ما ذكر بحالتها النفسيه كنت عاوزه اقول تاني قلت أمكن مخبين عليها عاينت لي ود وابتسمت تاني بسرعه حولت نظري قلت ليه ما اتعرفنا قال لي انا كروان وده هياف وده مهران ودي ود ودي المريضه طل طل قالت ليهو مريضه في عينك وقح ضحكت قال لي جيب الرقم يا مكنه قلت ليه انا متزوج لكن ما حنك بقو بضحكو هياف قال لي حذرتنا عشان ما نشلبك منها قلت ليه لا عشان انا بخاف يخطفوني منها🙈قال لي لحنتها😹طل بقت تضحك اديتهم رقمي وعلي كدة صاحبتهم لمن كانو ماشين غمزت لي ود ضحكت وغمزت لي ضحكت اكتر وقلت لي كروان وانا بضحك نتلاقي تاني😹قال لي قدام يا اصلي ودعني ومشو ياخ عائله ظريفه بشكل.
العشاء كده مشيت لي حسون لقيت وشو متغير ومعصب كده قلت ليه شننوو يااا مكنه صاري 😉قال لي عساف ما فاضي ليك انا اختاني الباب فتح ودخل هتان ورائف سلمو وقعدو حسون المره دي ما عاين في الباب هتان قال ليهو والله فوز دي كانت جايه بس الوقت اتأخر وقعدتها عشان ماف زول في البيت غير جدي والشباب قلت ليه ريري ومنو قال لي ماف زول تاني قلت ليه وصلو؟ قال لي مشو بي البص حيصلو بعد بكره قلت ليه يصلو بالسلامه ان شاء الله انا يا حسون بعد د ماشي بجيك بكره ان شاء الله ودعتهم ومشيت البيت
دخلت غرفتي استحميت وجيت طالع شايف تلفوني بدق مشيت كان رقم غريب قلت اكيد اخوانها فعلا لقيتو كروان
قال بكره عاملين كرامه ولازم اجي
م رفضت وافقت....
