#الـأخـيــرةة
فواز:وأنّكِ في قلبي أعمَقُ ممّا أَقول وممّا أكتُب❤️!
ريفال :أنتَ الأول والأخيَر وسلاماً على كُل عَابَر❤️!
فواز:انتي جزء منِي والشي الابدّي في قلبي إنتي بمثابة الناس جميعاً❤️
ريفال:خلاص بطل ترسل لي قولها عديل يخ م ممكن
فواز:تعالى الغرفه اول
ريفال:طيب خلي الفيديو كول فاتح
فواز:عاوزه تلطقتي ذلل صح
ريفال:😹😹😹😹😹😹
فواز:بعرفك حيوانه
ريفال:يا فواز عليك الله اثبت ياخ هي مجرد صوره وحده
فواز:تعالى الغرفة طيب
ريفال:انت ما تجي
فواز:يارب
ريفال:عاين كبحب
فواز: يزوله قوليها عديل
ريفال:تعال ف الغرفه وبقولها
فواز:يا زفته اقفلي الكول شايفك بتاخدي اسكرين
ريفال :فوفو والله الذلل زاتها ظابطه 😹😹😹😹
فواز:كويس كويس
ريفال:يا الاخدر العالي
فواز:م تغني مصدع
ريفال:انت لاقي صوتي؟ د شنو قله الادب د مفترض لمن تصدع تقول لي غني لي بروح
فواز:ريفو حبيبي تعالى الغرفه عشان ما اقفل الكول
ريفال: طيب طلع لسانك ونسكرن
فواز:الله يعين اهو
ريفال:وانا زاتي واي اسكرن كيف طلعت لساني يلا سكرنت وجيت شايله التلفون وبتكلم معاهو مسكني ولزاني ع الحيطه
فواز:امسحي الذلل دي بسرعه
ريفال:مممم بفكر
فواز:ريفاااال
ريفال :والله ي يسطا تدفع تراب وشك بمسحهم م تدفعش ما.. فصلني زي كل مره بي حركاتو ابتسمت تلقائيا وبقيت بعمل حركات بي وشي وبتهابل. مدام لابسين جكت نفس اللون والشكل نفسي شديد اعمل فيديو
فواز :ريفال ما تخليني اقول واي
ريفال :😹😹😹😹😹😹😹
فواز:يلا طيب نشوف
ريفال :حبيبي يا انا دقيقه بس جريت المرايه رقدت حواجبي وعملت قلوس فكيت شعري وشغلت غنيه وشغلت الفيديو ختيتو ف المرايه
ولا حاجه في الدنيا تهمني
ولا حاجه من جوا تهزني
بس انت حبيبي غيرتني
وبقيت انت تخصني
على قلبك يا ابني اعدلك
ولو اتعود انا هعدلك
ولا تقدر وحده تقربلك ولا تقدر وحده تبصلك
مسيطره
حمشيك مسطره
حخليك لو شفت في الشارع بنت تبص لورا
ايوه انا مسيطره
..
فواز صاري قلت ليه حبيبي مالك قال لي شميتك يا بت الحلال
بقيت اغني ليهو حبيبي جافاني 💃👏
قال لي بعرف اسكتك كيف قلت ليه لا عليك الله م تفصلني دقيقه جريت وقفت جنب الباب قلت ليه بحببببباااااااااااااااااااااااااااااااااااااااا... فصلني في وسط سرختي بي بحبك دي حتى ما خلاني اتمها شميتو
مسكني قال لي ارح نلعب قلت ليه كشتينه قال لي يب يلا قلت ليه تخليني اغلبك؟ ضحك قال لي اي يلا جريت ختيت زيتون وقطعت خيار وجمبو جبنه مظفره وعصير تانك
فرشنا الفرشه وقعدنا وجاب الكشتينه وبقينا نلعب لمن زهجت مشيت جبت ليدو الورق احلى من التلفون ميه مره لعبنا تلاته مرات وكل ما واحد فينا يفوز بسأل صراحه ولا جراءه يلا كان باقي لي يك وهو تلاته بقيت اصرخ يارب يك يك يك يك وهو بس جاهو اتنين قربت ابكي بقيت اقول واي يا الله جاني يك قمت وبقيت ارقص وووووااااا قال لي ممم م بستاهل د كلو قلت لي ي حسووووده موتي كي وبقيت اضحك
قلت ليه صراحه ولا جراءه ي عنيا قال لي جراءه قلت ليه مم اااا شيل المكرفون وانا بجيب الدلوكه من البلكونه وتغني لي وانا ادق قال لي ممممم موافق
قلت ليه هو غصب يلا شال المكرفون وجبت الدلوكه وبقا يغني لمن شفتو بغني اغاني اصلا ما بدقو فيها دلوكه ختيتها
اول ما ختيتها غني اغاني دلوكه حمرت ليهو وشلت المكرفون
وبقيت اغني اغاني هجيج لمن تعبت رقدت ف الارض غلبني ياخ صدعت عديل كده جا رفعني رقدني ولما الحاجات عمل قهوه واداني قلت ليه اشربها معاي شرب معاي لمن رقدت
قال لي حياتي اتغيرت من دخلتيها قلت ليه احمممم لازززم كمان ده كلامك؟ قال لي غلطان انا بعبر يا متخلفه ضحكت قلت ليه فواز ياخ قال لي عيونو قلت ليه ب بحبك ابتسم وبقا يعمل في حركات لمن نمت.
فواز فضل صاحي وبهبش في شعرها وببتسم وبتذكر في طل
فواز كان لطيف جداً معاها ما حسسها انو مشتاق لطل عشان ما تغير كان بحافظ على قلبها من الغيره عشان عارفها حاره كيف بس الليلة دي ما قدر وحلم بيها كانت بتتبسم وتقول ليهو كنت خايفه عليك من بعدي عافيه منك قام مخلوع ومعرق ريفال صحت معاهو وبقت تقول ليهو بسم الله يا فواز ف شنو اهدا لمن هدا حكا ليها حضنتو وبقت تبكي قالت ليهو بتحبها؟ قال ليها الله يرحمها قالت ليهو الله يرحمها ارجع نوم قال ليها تعالي مسك يدها وباسهم وابتسم رقدها لمن نامت نام بس هيي خلتو ينوم وقامت صلت ركعتين ودعت انو تبسطو وتقدر تمرقو من الحزن اكتر واكتر❤️!
