روايه هو و هي

(الحلقه السادسه ) __( استهبال على حق ) ❤

(الحلقه السادسه ) __( استهبال على حق ) ❤
ف الحلقه السابقه :____
مريم : عارفين احلى حاجه ف الحب ايه ؟
ساره : ايه ؟
مريم : الاستهبااااااال هههههههههههههه
نور : مريم !! بتحبيه ؟
مريم : هجاوبك ع السؤال ده بس مش دلوقتى .. بكره
مريم : اسكتوا اسكتوا ده بيرن عليا
....................(الحلقه السادسه ) ❤
مريم : ألو !
أحمــــــد : ألو .. أيوه يا مريم انتوا فين
مريم : احنا دخلنا المحاضره اهو وهنخلصها وهنمشى ان شاء الله
أحمــــــد : ان شاء الله .. خلاص خلو بالكوا من نفسكوا واشوفك بكره
مريم : ماشى يا اخويا
أحمــــــد : اقفلى يا مريم .. اقفلى يا ماما الله يرضي عليك .
مريم : ههههههههههههه ماشى ياعم .. بايباى
أحمــــــد : سلام
...........
ساره : والله العظيم انتى بت مفتريه .. حرام عليكى اللى بتعمليه ف الواد ده هيطفش منك
نور : هههههههههههههههه بالعكس بقا يا ساره .. انا شايفه ان علاقتهم مع بعض من احلى الحاجات اللى شوفتها ف حياتى .. انتوا الاتنين يا مريم فعلا هتطلعوا عين بعض .. بس بحاجه حلوه مش وحشه
مريم : هههههههههههههههه اه منا عارفه ....
نور : طب يلا انتى وهى بقا المحاضره هتبدا ,, وبعدين هنمشى بقا ... هتوصلينا معاكى بعربيتك يا مريم .
مريم : اه هو انتوا بتروحوا ولا بتيجوا بحاجه غير عربيتى ههههههههههه
.....................
((بعد ساعه ونص خرجوا البنات وف عربيه مريم ومشيوا ))
وف تمام الساعه 12 ونص ليلا تليفونها بيرن .. بتبص على التليفون وبتضحك وبترد
مريم : أيون
أحمــــــد : الناس بترد تقول ايون ولا الو
مريم : ايون الو
أحمــــــد : عامله ايه ؟ اوعى تكونى بتذاكرى وانا عطلتك
مريم : احم .. لا ابدا انا خلصت من شويه وكنت سهرانه كده سرحانه ف موضوع
أحمــــــد : اممممممم . انا لسا داخل من بره اهو وسرحان ف موضوع بردو
مريم : ههههههههه الله .. بردو ؟ طب ممكن اعرف انت سرحان ف ايه بقا ؟ وايه الموضوع ده
أحمــــــد : بس بشرط !!
مريم : ايه بقي ؟
أحمــــــد : تقوليلى بردو انتى كنتى سرحانه ف ايه .. اشطات ؟
مريم : اشطات .. ها قول بقا ؟
أحمــــــد : موضوع كده كان شاغل بالى بقاله حوالى شهر وكان مطير النوم من عينى
تعبت من كتر ما دورت عليه وكنت بدعى ربنا الاقيه ولو صدفه يا مريم
مريم : يااااااااااه !! اد كده الموضوع ده كان مهم بالنسبالك ؟
أحمــــــد : فوق ما تتخيلى . انا حاسس ان روحى اتردت ليا من تانى بعد ما خلاص كنت قربت احس انها هتفضل مطفيه
مريم : طب ليه يعنى ! ماهو الموضوع بتاعك ده ممكن يكون ليه بديل
او حد يعوض غيابه مثلا .. حاجه من النوع ده ؟
أحمــــــد : لا .. محدش يقدر يقرب من المكانه اللى هو خدها او حتى يفكر يقرب منها
مريم : ربنا يكتبهولك .. طب صحيح لقيته ولا لسا ولقيته ازاى ؟
أحمــــــد : هه !!
مريم : رجعنا بقي لموضوع هه ده تانى ؟
أحمــــــد : ربناا حنن قلبه عليا وهو اللى لقانى ... لانه تقريبا شافنى بتعذب قدامه .. صح ؟
مريم : صح ايه انت بتسالنى انا ليه ؟ وانا مالى ياعم
أحمــــــد : هه !!
مريم : هههههههههههه هه ايه ؟ بقولك انت بتسالنى بتقولى صح ليه
أحمــــــد : لا اصل ... اصل .. انا بتكلم على موضوع ربنا حنن قلبه عليا ده
مريم : اه صح .. ممكن
((احمد ف سره : ماشى وحياه امى لامطلع عينيك زى مانتى مطلعه عينى كده صبرك عليا ))
أحمــــــد : وانتى بقا ايه الموضوع بتاعك ؟
مريم : موضوع ايه نسيته ؟
أحمــــــد : نعععععععععععععم ؟ لا والله هتقولى ..
مريم : ههههههههههههه ماشى اسمع يا سيدى
أحمــــــد : ها سامع اهو
مريم : انا يا احمد من بيئه اجتماعيه كويسه وكويسه جدا الحمد لله عايشه حياتى مرفهه عايشه ف فيلا كبيره . عندى عربيتى
وكل طلباتى مجابه وبابا واهلى بيحبونى ومش عارفين يعملولى ايه عشان ارضي
لذلك كانت نظرتى عن الحب والكلام ده انه هياخدنى من الحياه دى وحياه الرفاهيه دى
حتى كان بابا دايما يقولى هجوزك احلى جوازه ف مصر
والناس هتحلف بيها وكنت بلاقينى بضحك وهو بيقولى كده ,,,
بس للأسف ماكنتش اعرف ان الجوازه دى اكيد هتكون على حسابى انا وحساب سعادتى حتى لو كان العريس غنى وغنى جدا كمان ..
بس من حوالى شهر كده :
كل اللى انا كنت بفكر فيه وف العيشه بتاعتى والرفاهيه دى عرفت انى اقدر استغنى عنها بمنتهى السهوله . مقابل ......
أحمــــــد : هه ! مقابل ايه ؟
مريم : مقابل انى ابقى مبسوطه وفرحانه بنفسي جداااااا زى اليومين دول
أحمــــــد : اشمعنى اليومين دول ؟ هاه اشمعنى ؟
مريم : مافيش . حاسه انى مبسوطه ياعم وخلاص كده . الله . ايه الرخامه دى ههههههههه
احمد بيبرطم مع نفسه (( وزىيبشسينوىرتيابهعلزلاةرنزةوةنت يا بعيده ))
مريم : ايه بتقول ايه مش سامعه ؟
أحمــــــد : لا مافيش بدعيلك ربنا يبسطك كمان وكمان
مريم : عاوزه اسالك على سؤال كده ؟
أحمــــــد : اسالى !!
مريم : انت كنت لخمه النهارده ليه ؟
مع على حد سمعى يعنى انت بتعرف تتكلم وتهزر
أحمــــــد : على فكره انا لسانى طويل جدا وبتكلم وبهزر فعلا ..
ديك رومى حضرتك
مريم : هههههههههههههههههه امال ايه الى قلبك النهارده وخلاك كده
دنا ماكنتش عارفه اطلع منك بمعلومه واحده , وكل شويه هه ! هه ! هه!
أحمــــــد : لا ابدا تلاقينى بس كنت مشغول بالموضوع اياه اللى قولتلك عليه
مريم : والله ؟ طيب
مريم ف سرها (( رخم وغلس .. وبارد كمان ))
أحمــــــد : مريم !
مريم : نعم ؟
أحمــــــد : أنا .....
مريم : ايه ما تقول .. وف سرها (( ما تنطق بقا ))
أحمــــــد : انا بجد مبسوط جدا انى عرفتك واتعرفت عليك وبنتكلم دلوقتى
مريم : والله ؟ انا اللى مبسوطه ان بقا ليا اخ اتسند عليه 😃😃
أحمــــــد : عملتلك منشن ع الفيس .... ادخلى شوفيه كده
مريم : حاضر ثوانى ..........
مريم : الله يا احمد !! جميله اوى الاغنيه دى عرفت منين انى بحبها
أحمــــــد : اهو عرفت بقا
مريم : طب استنى فيه اغنيه بحب اسمعها وبتغير الموود بتاعى لما بسمعها
أحمــــــد : فين ؟
مريم : اهى عملتلك منشن ...
أحمــــــد : ايه ده ... حبيبى على نياته كل البنات اخواته هههههههههههه الله عليك يا جنات .. اغنيه تحفه
مريم : اه مش كده ... يا اخواتى عليه يا اخواتى .. دى براءته ماليه حياتى
أحمــــــد : اللى بنظره كان يتشد .. وجراءته كانت مالهاش حد
مريم : بيسلم وعنيه ف الارض هههههههههههههه
حبيبى داب على ايدى وتاب .. دخلنى قلبه وقفل الباب
أحمــــــد : اه وكتاب الله الباب اتقفل وسوكر كمان ب 100 مفتاح
مريم : بتقول ايه ؟
أحمــــــد : لا انا بتكلم ع الاغنيه . ماتركزيش معايا
مريم : ههههههههههههههههه
أحمــــــد : اموت واعرف انتى بتضحكى على ايه كل ما بتكلمينى
مريم : ههههههههه بس بقا الله .. بفتكر موضوع كده بيجننى وبفضل اضحك
أحمــــــد : ماشى يا ستى ...
((بعد ساعتين كلام واستهبال على بعض ))
أحمــــــد : الفجر قرب يأذن على فكره
مريم : نعم ؟؟ بتهزر
أحمــــــد : هههههههههههههه اه والله
مريم : والله ما حسيت خالص ولا حاسه اصلا انى اتكلمت...
أحمــــــد : هتيجى بكره امتى على الساعه كم كده ؟
مريم : على 9 كده اهو باجى افطر مع البنات عشان ورانا سكاشن بكره
أحمــــــد : تفطرى مع البنات بس ؟
مريم : هههههههههههه ابقى تعالى افطر معانا
أحمــــــد : لما توصلى ان شاءا لله ابقى رنيلى
مريم : خلاص حاضر
أحمــــــد : عشان عاوز اعترفلك بحاجه كده
مريم : حاجه ايه ايه قول دلوقتى
أحمــــــد : لا بكره
مريم : أحمد !! هزعل بجد , قول دلوقتى
أحمـــد : مريم !! بكره والله هتعرفى . عشان خاطرى بقا
مريم : خلاص اوكى
أحمـــد : نامى على طول بقا ماتكمليش سهر عشان تعرفى تقومى بدرى
مريم : حاضر ... تصبح على خير
أحمـــد : وإنتى من أهلى
مريم : بتقول ايه ماسمعتش ,,,
أحمـــد : بقولك وانتى من أهل الخير . نامى ياختى
................................
((بيبدأ اليوم التانى : أحمد ماشى مع الشله بتاعته وفجأه 3 بنات يعرفوه
ومنهم واحده جميله اوى اسمها مى معاهم وبتحب أحمد بجنون .. بتتكلم وعماله تهزر معاه بايديها
ومريم داخله مع صحباتها من باب الجامعه ))
.................................
((يتبع))