صباح جديد بدايه جديده لابطالنا
الساعه ٧ ونص في بيت ابو سلطان
ابو سلطان قوم عياله الي راح يفتح المحل والي راح عند الحلال
ابو سلطان : روح انت افتح المحل اليوم
زياد : ابشر يبه
ابو سلطان : سلطان و مطلق روحو عند الحلال
مطلق
مطلق : هلا بيه
ابو سلطان : تعال بعد العصر عشان تودي المهر ل ابو صيته
نقز سلطان : ليه ماروح انا ادوي المهر
ابو سلطان بعصبيه : انت انطق مكانك وراك شغل كثير
سلطان ابشر بيه
طلعو من البيت واتجهو الي الحلال
مطلق وصل المهر ل ابو صيته
وانتهى اليوم بروتينه المعتاد
ومرت الأسبوعين بخيرها وشرها
وقبل عقد القران يوم الساعه ١٠
شخص غريب ( من جيل ابو سلطان و ابو نجد ) من خارج الديره كانت وجهته بيت ابو صيته
دق الباب وفتح له الباب ابو صيته و قلطه
ابو صيته : أرحب
الرجال : البقى
و اخذتهم السوالف لين مافتح الموضوع الي جاي عشانه
الغريب : والله يبو صيته لك مكانه عند جماعتنا والي يصير عليك يصير علينا
ابو صيته : ماعليك ذود ؛ بس وش العلم !!!
الغريب: واذ انت ترضاها حنا منرضاها عليك
ان يكون ابو سلطان نسيبك
ابو صيته بدا يعصب
ابو صيته : خير وش دخل ابو سلطان
الغريب : والله يبو صيته .............. ( علمه بالسالفة )
ابو صيته انصدم بعد ماسمع كلام الرجال وجه تقلب ماعرف وش يسوي ولا قدر ينام الليل من التفكير
وقطع حبل أفكاره صوت الأذان تعوذ من الشيطان و توضأ واتجه للمسجد
كالعاده عند ابو سلطان قوم عياله عشان الصلاه
بعدين كل واحد يروح لشغله وعشان يبنون المخيم هم وعيال الديره بما انه اليوم المنتظر ل سلطان
وهم بطريقهم للمسجد تقابلوا مع ابو صيته
ابو سلطان : السلام عليكم يالنسيب
ابو صيته رد عليه من دون نفس وكان واضح عليه
ابو سلطان : علامك يارجال
ابو صيته : مافيني شي بس بلحق عالصلاه
كأن سلطان بتكلم بس دار ظهره ومشى
مطلق : وش فيه يتكلم من دون نفس
ابو سلطان : مدري عنه
سلطان الي كان حاس فيه شي بس تجاهل لان مايبي شي يعكر مزاجه
بدأت التجهيزات والاحتفالات في الديره
بعد مابنو المخيم راح سلطان وخوانه للحلاق
ولحقوهم عيال الديره بعدين
راح حسين يجيب السماعه ( من عيال الديره )
حسين : وش اشغل ي عيال
سلطان : لو سمحت شغل شي يناسب وضعي لاتحط حزين ولا فراق ولا قلة حياء انا توني اجتمع بالقفص الذهبي لاتنكد علي
حسين : لا ماعليك الموضوع عندي ؛ يلا وحدوا الصوت وشيلوا معنا
سكتوا كل الشباب والحلاقين يناظرون بضحك
وارتفع الصوت
( شيلوا معي يا اهل الوادي ، ماقلت لازم تشيلونه
شيلوا معي زين الانشادي ، خويكم لا تخلونه )
كانت هاذي بدايه الطرب و بداية الفزعه ومن بعدها ماجلس احد في محله كلهم قاموا واللي محلق نص اللحيه والنص الثاني باقي والي شعره مبلول
سلطان شبك ذراع بذراع مطلق وذراع مع زياد وهو يغني بصوت عالي ( يا هيه يا سارق فؤادي ،
عندك امانه تردونه ، ودي بجلسه ومقعادي ،
مع صاحب جلعي فدا عيونه ) والشباب يرددون وهم مختلط الضحك والغناء مع بعض والشطر الوحيد مردد اللي فعلا يمثل فزعتهم
( خويكم لا تخلونه )
نجمه ، تعليق ، نشر
حسابي انستا :
ii.126xe
● توقعاتكم الشخص الغريب وش قال ل ابو صيته !!!
● توقعاتكم ابو صيته راح يلغي عرس بنته ؟!
● توقعاتكم وش هو ماضي أبو سلطان !!!
● اسفه لاني تأخرت بتنزيل البارت لاكن ابشروا بالبارتات الجايه راح تكون جامده و قويه ❤️
