"အား.....!"
အချိန်အားဖြင့် မနက် ၄နာရီခန့်
စူးစူးဝါးဝါး ထအော်လိုက်သံကြောင့် ရာရာလန့်နိုးလာ၏။
တစ်ဖက်ခုတင်ဆီအကြည့်ပို့မိတော့ ကြောက်လန့်နေဟန်ဖြင့် မှန်သားက တဆက်ဆက်တုန်နေရှာသည်။
" သွားချွန်လေး သွားချွန်လေး ဘာဖြစ်လို့လဲဟင် "
မှန်သားအနားတိုးကပ်သွားမှ သူ အတော်ကြောက်နေရှာမှန်းသတိပြုမိရ၏။
မှန်လေးက တစ်ကိုယ်လုံး ရေချိုးထားသည့်နှယ် ရွှဲရွှဲစိုနေကာ အသက်ရှူသံများလည်း မြန်နေရှာသည်မို့ ရာရာ အနားမှ tissueဘူးကိုဆွဲကာ မှန်သားမျက်နှာတစ်ဝိုက်ဆီ ခပ်ဖွဖွလေးသုတ်ပေးရင်း လက်တစ်ဖက်ကလည်း မှန်သားကျောလေးကို ခပ်ဖွဖွပုတ်ပေးလိုက်ရသည်။
" ရေ ရေသောက်မလားဟင် "
ရာရာ ပြောလည်းပြော ရေသန့်ဘူးတစ်ဘူးကိုလည်း ဆွဲယူကာ ရေတစ်ခွက်ငှဲ့ပေးလိုက်သည့်အခါလည်း တစ်ခွက်လုံးကုန်အောင်သောက်ရှာ၏။
ရေသောက်ပြီးချိန်တော့ အသက်ရှူသံအနည်းငယ် တည်ငြိမ်သွားသည်မို့ ဘေးမှရာရာပါ အသက်ရှူချောင်သွားရသည်။
" အဆင်ပြေလားဟင် အိပ်မက်ဆိုးမက်နေတာလား "
"အင်း အိပ်မက်မက်နေတာ အတော်ဆိုးတဲ့အိပ်မက်..."
မှန်သားပုံစံလေးက အခုထိ အိပ်မက်ကိုကြောက်လန့်နေပုံပင်...
" သွားချွန်လေး အခု အဝတ်လဲပစ်နော် ချွေးနဲ့ အအေးပတ်နေမယ် "
ရာရာက မှန်သားအဝတ်အစားအိတ်ထဲမှ အင်္ကျီနှင့် ပုဆိုးတစ်ထည်ထုတ်ပေးရင်း ပြောလိုက်တော့ မှန်သားက ခပ်ငေးငေးလေးပြန်ကြည့်လာ၏။
" ဒီနေရာမှာပဲလဲလိုက် ပုဆိုးထုတ်ပေးထားလို့ အဆင်ပြေမှာပါ "
ရာရာ အသာအယာပြုံးရင်းပြောလိုက်တော့ မှန်သားက ခေါင်းညိတ်ပြလာ၏။
ဒေါက် ဒေါက် !
"ရာသက်ပန် မှန်သား ဟေး ရာသက်ပန် "
အပြင်ဘက်မှ တံခါးခေါက်သံကြောင့် မှန်သားက မျက်လုံးလေးအဝိုင်းသားဖြင့် ရာရာ့ကို ကြည့်လာ၏။
YOU ARE READING
Cupid's Compass (Completed )
RomanceCover- edited from Google Start Date - 22.2.22 End Date- 31.12.22 အချစ်ပါ... ဖို, မပဲဆိုငင်ပြီး ဖို, ဖိုချင်း မ,မချင်း တွန်းကန်ရအောင် သံလိုက်မဟုတ်ဘူး ရူပဗေဒ သဘောတရားတွေနဲ့ ကန့်သတ်နေရအောင် Loveက magnetမှမဟုတ်တာ အချစ်လား ရေလို ထည့်တဲ့ပုံစံခွက်အတိုင်း...
