نِساء بِلا سَند

البارت الأول

الكاتبة نور الـعلي ✍🏻

بطبيعة مجتمعنا المنحط والهمجي ينضر للمرآة على انها عورة او شئ يحرم اعطائه الحرية ويتبعون مقولة الزواج ستر الفتاة وذالك من بعد حرمانها من ابسط حقوقها كـ الدراسة وحريتها المشروعة وغير كُل هذا يحرمونها من حق اختيار شريك الحياة الذي ستقضي معه كل السنين وكل هذه المعاناة بسبب حقد المجتمع على المرآة وجنس حواء الذي يعتبروه عارٍ او عورة بحد ذاتها

ــــــــــــــــــــــــــــــــــــــــــــــــــــــــــــــــ ❤ـــــــــــــــــــــ

سَحر: المرأة الي أنظلمت هوواي هوواي اكثثر مماتتوقعون وعانت بـ حياتها هواي أجتها الأذية من أهلها وزوجها وعيالها والكُل أذوها بس بُقت صامدة وقوية تعالو ارويلكم قصتها

ــ اليوم الي كُل أبنية تحلم واكو بيهم نفس حالتي اكو بيهم تطلع توقعاتهم غلط ويعيشون احلى حياة واكو بيهم تطلع توقعاتهم صائبة ويتلوعون بحياتهم ياتُرى اني ياحياة رَح اعيشها؟

سَنة 1987 بغداد

أتعس سنة مرت علية خسرت بيها دراستي
عرفت بيها مَحد يدوم غير ربنا الي خلقنا وهو أقرب النة من حبل الوريد ومَحد الى سَند غير نفسة وربه

زواجي الي حسيتة لعنة شگد حاولت ارفض  بَس للأسف الي اسمة "والدي" واخواني الي لازم يكونون سَندي بهاي الحياة صارو ضدي وهددوني بالقتل!

بَس لان رفضت الزواج حتى احقق احلامي واكمل دراستي الي هاي اقل أمنياتنا الي الكُل رافضها
وعدهم المرأة بَس خدمة ومثل ميگول البعض
{مكانها المطبخ}

هاي الجُملة أدُل ؏ قُلة وعيهم وهمجيتهم وتفكيرهم المُتخلف المطبخ مو شيء عيب حتى تعيرون المرأة بي
لو ما المطبخ چان انتَ متت من الجوّع

وهواي اكو شيفات رجال يعني هذولي هم صارو نسوان؟ بالعكس شغلهم حلو وموهبتهم احلى

بَس جيب الي يفهم هذا الكلام ومو بَس الرجال محاربين للنساء اكو نساء محاربات للنساء حجيهم عِبارة عن "المراة عند اهلها خطار بيتها الحقيقي يم رجلها" هذا الحجي يحجو لوحدة ممزوجة اصلًا بحجة يقنعوها بالزواج او يگولن

"ليش بعدج ممزوجة يمعودة دزوجي ترا من تكبرين بعد مَحد يگلبچ" ولحد يگلبها بعد احسن مَحد صارف عليها ولا أحد معيشها يمة عايشة يم اهلها وبجال اهلها مَحد الى دخل كلمن علية بحياتة

وهواي بعد جُمل تنگال تحبط الواحد وتسوي نفسيته زفت ماكو شخص مينقهر من يسمع كلام بَس اكو يتخطون واكو لا يخليهم تقل ثقتهم بنفسهم حتى لو ممقتنعين بالي يگولول

اكو ناس الله خالقهم من سم حتى حجيهم عِبارة عن سم يمشون ويذبون بسمهم ؏ الي قريبين منهم ؏ كل شخص يصادفو حتى لو ميعرفو ميرتاحون اذا ميذبون سمهم

صحاني من شرودي وصفنتي صوت الچهال وهمة يصيحون

ــ اجة العريس اجة العريسسس

أجت الزفة

سَحر: تمنيت ارجع بگدهم وماكبر اببد هذا العالم ظالم يوگف بَس وية الظالمين والي ماعدهم ضمير الفقير حال وعندة ضمير ويعرف الله وميظلم ميردو وميعيش وياهم

ــ دخلت الزفة وگبعوني بَس مو كُلش يعني اگدر ارفع راسي واشوف واصلًا اني ممحجبة واخذوني وعادات عائلتي مَحد منهم يروحون وياية طلعت وسط هوسات النسوان

واخذنة شمعة بيتكم والفلوس متفيدكم

بقن يهوسن بيها لحد ما وصلنة الباب الحوش

غيرنها طلعت يالزهرة تلگيها طلعت يالزهرة تلگيها

ــ وصلنة للشارع باوعت للسيارة چانت بوكتها اسمها
"برازيلي" صعدنة بيها اني ويا ليورة واخو يسوق وأبو بالصدر 

أبو باسم: مبروك بنتي منه المال ومنج العيال

سَحر: الله يبارك بيك عمو

أبو باسم: بوية باسم دير بالك ؏ مرتك وصيرلها سَند

باسم: ان شاءلله يابة

بقيت ساكتة وهمة يسولفون بيناتهم واني اباوع ؏ الفرقة الي جايبيها

ذَرة فَرح ماكو بداخلي الي بداخلي بَس خوف وقلق ومُستقبل مجهول هاي الزواجة كلها ممرتاحتلها بَس شسوي مو بأيدي

حسب علمي بيتهم قريب ؏ بيتنة بَس حتى يسوون الزفة طويلة بقو يفترون بالشارع اتمنيت هذا الشارع ميخلص بَس للأسف وصلنة للبيت چان بيها مطر والشوارع طين صايرة كلها نزلتت تركض حتى متتبلل ملابسهم وتتلف بالطين

، ــ واني بقيت بالسيارة تالي أجت وحدة من اخواتة نزلتني أسمها "شيماء" بعدهي ممزوجة وعندة بعد ثنين مزوجات واخوان ثنين ممزوجين وهو الچبير

دخلوني ركض وكلها رافعة البدلة الي بالأساس مو الي مالة بنت خالتهم وجابولياها همزين لابس مثل الستريج جواها جان انفضحت بعز الضيم ضحكت ؏ وضعي

دخلنة للبيت وبدن بالهوسات

، ــ طبت يالزهرة تلگيها طبت يالزهرة تلگيها

گعدوني بمكان يصير مثل الهول صغير ومخلين كراسي بي اباوع البيتهم تعبان من هاي البيوت البغدادية القديمة حتى ريحة رطوبة بي 

والزلم الي جايين للعرس دخلوهم ببيت جيرانهم لان بيتهم ميكفي

ــ صار المغرب وصبو العشاء واني اخذوني للغرفة حتى اتعشة وارتاح ؏ مايجي العريس بقيت شوي جابتلي شيماء عشة وگعدتها وياي ؏ الواهس

چان العشة تمن وحشو ولحم وعلية تبسي وخبزة

ــ شوي وسمعت الهوسات قربت ؏ الباب

ــ زفينا بصاية حيدر زفينا بصاية حيدر

ــ احضر يالقاسم كل عريس تبارك بي احضر يالقاسم كل عريس تبارك بي

أحص صار مغصص ببطني شلون أكدر اعيش وية شخص هاي ثاني او ثالث مرة اشوف وبهاي المرات ابد محاجين سوة

أنفتح الباب وية فتحتة گمزت

ــ شبيج

ــ حسيت اسلوبة جاف حاول يتقربلي

، ــ لا عفية ماريد.........

اعرف البارت قصير بس ؏ مود اثبت القصة وتصعد شوي واذا شفت تفاعل حلو انزل بعد

تصبحون ؏ شيء حِلو بحلاتكم ♥.