لكل بداية نهاية

الحلقة1

صلوا على النبي
ديروا تصويت قبل ما تبدوا

.

.

.

جُمانة بتهديد : أسمعيني أنتي وياها قسمابالله مزال نقابلكم ولا نشوف وجوهكم ثاني حنمرمدكم ف التراب والفالحة فيكم تطلع قدامي وتشوف شن ندير فيها

هزوا البنات راسهم بخوف و ما تشوفي الا غبرتهم ، جمانة وسمعتها ف الجامعة عاد

جُود بضحك : الله الله عليك يا جوجو زي ما متوقع منك مسحتي فيهم التراب ، الي يشوفك يقول عليك ولد

جمانة ضربتها ع راسها : معش تقولي جوجو ، الشكالات هاذي ما تبي الا التعامل بإستحقار درهولك كبدك؟ افشخي جدهم

جود بإستهزاء : مش قصة استحقار هيا ، غر جُمانة وعارفينك ادوري ف المشاكل دوارة ، تعالي يا عركة نبي نشريك......... هيا هي فوتي الكلام الفاضي وتعالي انروحوا انسلخت من الشمس

قامت جمانة شيتاتها من ع الطاولة و روحت هيا واختها جود للحوش

قاطع صغنون :-
هي تعالوا نعرفكم ع جمانة ، بطلة الرواية ، زي ما شفتوا فوق

حياتها عبارة عن حياة وحدة مسترجلة أو زي ما يقولوا عليها الناس لما يشوفوا بنت قوية ومتعلمة من الحياة

أنا جمانة مواليد 2001 نقرا سنة ثانية جامعة كلية ادارة الأعمال ، شكلي بسيط جدا متوسطة الطول و شعري لونه أسود قصير للرقبة و عيوني عسليات بيضا و عندي غمازة ع خدي اليسار

انسانة تحب المشاكل وف كل مشكلة خاشة فيها ، لين مربية ولاد شارعنا نفر نفر

ونحب لعب الكورة ، تعاد الكورة العشق و خصوصا هالاند نموت فيه اللاعب هذا ، الاعتراف بالحق فضيلة صح إني مسترجلة لكن شوووويةةةة

عندي أختي جود ، انا وياها تؤام و نشبهو بعض بس هيا ملامحها رقيقة مش حادة زيي ، و شكلها يبان كيوت

طبعا ماشاء الله عليها مش مقصرة المصلحجية معتبرتني الحارس الشخصي متاعها ، تمشي تتعارك وتلعلع و لما توصل العركة للسمي ، وينك ياجمانة وينك يعيوني مستفيدة ، مني اخر استفادة الكلبة

أمي متوفية الله يرحمها توفت أول ما طلعتنا من بطنها ، وهذا يحنة بوي متزوج وحدة ثانية كيف قدرنا نعيشوا معاها مش عارفين ، معمرهاش اهتمت بينا ولا اعتبرتنا زي بناتها ، من الصغر تضرب فينا وتفتن في بونا علينا ، بس مخليتهاش تستمر ع التصرفات هاذي من غير ما اندير اي حاجة ووقفت ف وجهها هلبا مرات ونعاند فيها لين بدت تخاف مني ، قلتلكم اني الناس تبي من يستحقرها بش تعطيك احترام

حالتنا المادية تعتبر تحت المتوسط وتعبانة شوية لكن ايزي يا حبيبي

.