للكاتبة زينة ال رضا .
اني غزل من محافظة البصرة طالبه سادس ادبي عايشين اني وامي واختي سما واخواني عادل ومروان عادل طالب جامعه هندسه ومروان طالب مرحله اولى قانون حياتنه حلوه بس ناقصهه ابوية متوفي من كم سنه حتتعرفون علينه بالأيام الجاية .
جنت نايمة ومرتاحة والغرفه دافية اجتي امي تكعدني للدوام
كمت بالكووه ورحت اغسل ضليت واكفه بالحمام والنوم بعيني
وعيت ع صوت امي
امي : لج يلا رح يجي الخط
غزل : يي ماما كملت
رحت للغرفه ابدل بسرعه واحجي ع نفسي ستغفرالله البارحه نمت متأخره بس لا يجي هذا هسة واحصل رزاله صباحية
كملت شلون ماجان وطلعت للمطبخ واكفه اتريك واجه الخط
غزل : هففف وقتك ولله ماكلت شنو هي
امي : يلا غسلي حسويلج لفه تاكليهه بالطريق
يلا ماما غزل بسرعه الخط حيروح
يي ماما اجيت
بوست امي وطلعت للخط هفف شكد يلح بالهورن غسلت واخذت جنطتي وبوست امي واخذت لفه منهه وطلعت صعدت واني ادردم علية كل يوم هيج
وصلت لدوامي وجانت صديقتي ريحان جاية قبلي استلمتني من الصبح بوس وحضن
غزل : شبيييج ريحان امس شفتيني
ريحان : امداج مو صوجج غير احبج
غزل : ممم جذابة
ريحان : يي خوش جذابة يلا امشي لا تجي ست سميه ترزلنه من الصبح
رحنه للصف واخذونه درس وره درس متنه تعب هلكت واني كاعده
غزل : لج ريحان حموت من الكعده
ريحان : اني هم ولله متت
دك الجرس وطلعنه للبيت واخيييراا وصلت وفتت من الباب
هلاااااو ماما وينج دخلت للطرمة واجيت افتح الباب مقفول ياا هي شكو تذكرت من نطلع وين نخلي المفتاح طلعته وفتحت الباب دخلت بدلت وغسلت ياا هي اهلي وين
اخذت تليفوني اتصل ع امي متجاوب
واخواني بالدوام وسما مموجوده جانت ببيت خالو
بقيت انظف اجوي اخواني وامي ماكو عاد اتصل عادل ع بيت خالو وجانت عدهم
غزل : يبوووي متت خوف اكول ماما وين تروح
مروان : ههه ثول دصبي غده ميت جوع الجامعه تهلك
عادل : يلا غزوله اغسل واجي
راحو يبدلون ويغسلون صبيت الغده وكعدنه ناكل ومروان طول الكعده ماتركني يا ام خشم يا ام حلك ضلينه نتناكر وعاط بينه عادل
عادل : شبيكم عاد خلي ناكل احترموا النعمه
سكتنه شوي ومن كام عادل متنه ضحك ومروان كفخني وكام
كمت غسلت المواعين وسويت جاي الهم اخذت الجاي وكيك اني مسوية وكعدنه ناكل وهمه يسئلوني ع دراستي
عادل : شلونج بالدوام غزوله
غزل : الحمدلله زينه
مروان : والله اذا نجحتي ف كله بفضلي
غزل : لا ولله ليش انت تدرس وتمتحن بمكاني !!!
مروان : ومنو يقريج ويشرحلج ها لج ميغزر بيج
غزل : لا ولله هذا تعبي انت شنو
عادل : اذا احتاجيتي مدرسين او شي احجي تره عندي فلوس
غزل : لا حبيبي ماريد مروان موجود مو صح مروان
مروان : لج يا مصلحجية هههه هسة تكولين تعبي ديلا هو درب الجلب ع الگصاب هههههههههه
غزل : عااادل شوفه شون يحجي
عادل : خلص مروان عوفهه يلا حروح انام
مروان : ييي اني هم كاعد من فجر الله
كامو الولد ينامون واني بقيت كاعده ع التلفزيون بهل وقت تذكرت اختي سما خربيومهه الحقيرة شتاقيتلهه كلش هسة تجي واطيح حظهه عافتني وراحت
سما علاقتهه قويه ببنات خالو لان بعمرههه وتحبهن ف دوم تروح يمهن
للعصر اجتي امي وسما وراحت ماما تكعد الولد لان مغرب ميصلح ينامون
هم سما مسلمت من لسان مروان هههه
لليل سويت العشه وتعشينه وكلمن راح بغرفته يقره وامي كعدت تقره قرأن
كملت قراية ونعست كلش نمت وثاني يوم نفس الروتين
بنفس هذا الأسبوع اجوي جيران جدد النه كعدو بصفنه وماما كالت خل نروح الهم ناس جدد هنا نسلم عليهم كتلهه اوك
للعصر بدلت ورحت وي امي فتنه للبيت استقبلونه اهل البيت وطلعو ناس حبابين كلش تعرفت ع بنتهم تجي بكدي وهم حبابة وفقيرة
شوي ورجعنه وماما كالت مبينين اوادم
كمت عزلت البيت وسويت عشه وصعدت فوك اقره
كملت ونمت ومرت حياتنه طبيعيه
بعد 4 ايام .
جنت طالعه الصبح للدوام واستغربت ابو الخط ما اجه ع وقت ضليت واكفه بالباب انتظر بهل اثناء طلع ابن جيرانه الجدد يطلع بكد اخوية عادل شاب مرتب وانيق بشكل وعطره يكفخ وواصل لراس الفرع
وعيت ع نفسي من سمعت صوت الهورن وصعدت ورحت للمدرسة اليوم كله ماراح من بالي شون شكله وملابسه واني حت مانتبه عليه هه يا الله شبيه اني رجعت للبيت ومر اليوم عادي باليوم الثاني هم شفته وضليت اشوفه كل يوم واذا مر يوم ومشفته اضل أتسائل شبي اليوم ليش ماكو
وبكل مره اكول اهووو وكبر حت كبر شبيج شعليج بي
بهل فتره اجتي فتره المراجعه وحيييل انخبصت بيهه حت ابن جيرانه نسيته
ذبيت كل جهدي بهل فتره جنت قليل اتواجد يم اهلي وامي شالت عني كل البيت خطية بس حت اتفرغ لدراستي واجتي فتره الأمتحانات وهلكت كلش تعبت من السهر والقراية وتمنيت اجيب المعدل الي اريده
مشت الأيام واجتي النتائج وطلعت معدل 95 وجنت كلش فرحانه بي بس جان فرعي ادبي ف اعله شي قانون واني ماريده جان ببالي علم النفس
اهلي حاولوا وياية علمود القانون بس ماقبلت وقدمت ع علم النفس
جنت كلش حابته وعاجبني اطور بي ف جنت كلش متحمسه للجامعة
جهزت للجامعة وجان مباقي غير كم يوم للدوام
اختي سما نجحت وصارت صف ثالث متوسط وعادل صار مرحله رابعة وكلش فرحان ومقرر ياخذنه كلنه لحفلة تخرجه ومروان صار مرحله ثانية
حياتنه طبيعية وهادئه الى ان اجوي بيت عموالي صرلهم سنه مجايين النه
ابو سرمد : السلام عليكم
ام عادل : هلا خوية ابو سرمد تفضل
ام سرمد : شلونج خية ام عادل
ام عادل : هلا بيج الحمدلله من الله بخير
اجوي وياهم سرمد ورنا بنت عمو
سما : لج لج غزل تعي شوفي منو اجه
غزل : خير لج منو
سما : اجوي بيت عمو ابو سرمد
غزل : صدك شعجب اجوي
سما : اووي اني شمدريني بس اجوي وياهم سرمد و رنا
غزل : هاا خير ان شاء الله اني ابدل واجي
سما : اوك حروح اضيفهم
راحت سما واني افكر شعجب اجوي وهمه صرلهم سنه ميجون من اخر مشكله ..
قبل سنه ..
ام عادل : لج غزل بسرعه خلي نروح
غزل : ماما شكو مستعجله مشاكل بيناتهم
ام عادل : نجبي وامشي شكد تلغيين
طلعنه لبيت عمي وصلنه والأمه العربية مكلوبه الجهال تركض بالشارع والزلم تارسه الفرع حت فكرت هذا ابن عمي شمصخم وهيج الناس كابه
دخلنه للبيت ومرت عمي تملخ بروحهه وتصرخ وتبجي مافهمنه شي
حاولو يسكتوهه ماكو اخر شي تخربطت وكعدت تون الي عرفته
ابن عمو متعارك وي واحد والولد ضاربه براسه وهو كاسر ايده
وهسة هو والولد بالمستشفى
كعدت يم امي واباوع بالوجوه احنه مانجي الهم هواية عادل ميرضى همه عدهم كومه ولد وميقبل
كعدنه ننتظر شيصير وكل شوي كامز عليه طفل يحجي شكل ويروح
بقينه كاعدين ل11 بالليل اني مطفية نعست كلش وامي متقبل نروح
عاد نمت ع رجلهه وفزيت ع صوتهم
غزل : ماما شكو شبيهم
ام عادل : ماعرف خل يجون ونفتهم
اجوي وكالو ابن عمو بعده بالأنعاش لان الضربه مأذيه راسه كلش
من غير الجروح الي بجسمه
اجه عادل من بره اخذنه للبيت
غزل : يبووووي متتت هلكت ولله بعد ماروح شنو هي
ام عادل : اسكتي وروحي نامي
غزل : صعدت فوك واني اكول اهل الولد شحيسوون خربنه وكبر حت كبر شعليه اني اوي خلي انام نمت والنومه نومه كعدت ب12 الظهر جان يوم جمعة ف الكل موجود نزلت وريحه الطبخ تجننن
غزل : ماما حبيبتي شمسوية غده الريحة تجيب التايه
ام عادل : ها بنيتي زين من كعدتي سويت دولمة
غزل : رحت ع امي حضنتهه آسفه عفتج وحدج
سما : اوي عيني اني جنت يمهه
غزل : نجبي انت رحت للجدر جانت بعدهه ع النار فتحته والريحة تكفخ
تجننننن ماما عاشت ايدج اصلا منو يلحك ام عادل بالدولمة
ام عادل : ههههه حبيبتي ديلا غسلي رح اصب غده
رحت ركض غسلت وكملت واجيت وجان كاعد عادل ومروان
عادل : هاا غزوله صح النوم كلنه تعبانين بس مو هيج
غزل : عادل ولله متت تكسرت
مروان : ههه ديلا شسويتي انت
ردت اجاوبه اجتي امي وساعدتهه وكعدنه نتغده وكل شوي نكلهه عاشت ايدج ام عادل عيني
وهي تضحك علينه
ام عادل : الف عافية ع كلبكم ❤️❤️
كملنه غده وراحت سما تسوي جاي واني غسلت المواعين كملت وصعدت فوك واجتي سما وراية
سما : شفتي ابن جيرانه الجدد
غزل : منو قصدج
سما : شبيييج بيت ابو قيصر
غزل : هااا يي شبي
سما : لج فد شخصية الولد كلش مرتب
غزل : وانت وين شفتي
سما : شبيج من اروح للمدرسة اشوفه الصبح يطلع للدوام
غزل : هاا
تذكرت ابن جيرانه من جنت اشوفه بس بأخر فتره كمت أطلع متأخره ف ماشوفه
نداريت ع سما اكولج هو شسمه
سما وهي دتنام منو ابن جيرانه !
غزل : يي هو
سما : قيصر
يتبع ..
