الهَواجس

الـحلقة الأولى

بـقلمي شهد 🖤

شوفوني التفاعل من البداية حتى تحمسوني واكملها حبايب🖤✨

" الأختبار ..والأختيار
وجهين لعملة واحدة من نختار شي معين ونتمسك بيه بأيدنا واسنانه راح نواجه اصعب الأختبارات على هالشي
وهذا الشي اصعب شغلة ممكن تواجهنا بحياتنا.."
______

فتح الباب بقوة وصاح بصوت عالي ونبرة تجدح نار

-أنتَ شوكت تعقل ولك مو راح تجلطني وتموتني قبل عمري متگلي شبيك فهمني ..

-عندي شغل هسه من افرغ اعقل

-يحشش فوگاها يحشش تعاي مريم تعاي شوفي ابنج الشفية عود عباله اذا سوا هالحركات راح اسوي الي يريده..

وجه نظره اليه وكمل
-والله ثم والله ثم والله ياحمزة شايف هالضهرية هاي والشمس الي تحرك حرك من تطلع نجمة بالسما بالوقت هذا عود اسويلك الي تريده
ونشوف كلمتي لو كلمتك الي تمشي ..

طلع ورگع الباب بقوة وراه من بعد ما سممني بكلامه
احاول اگول لا ابويه مو هيج راح يقنع مع الأيام راح يرحمني من قراره وراح يسوي الي اريده اذا ضغطت عليه
بس على منو اجذب ابوي يتهاون بكل شي الأ هالشغلة
دخيلك ياربي لاتخليني بهالموقف هذا اختبارك صعب

قطعت سلسلة افكاري من دخلت امي للغرفة وگالت..

-حمزة يمه مو راح تموته لأبوك ولك يمه شلعت گلبه وهو مريض

-لعد اني ما انشلع گلبي يمه مو بس انشلع اني گلبي تفتت من وراه ليش ما يرحمني اذا بنت اخوه عوره اني مجبور بيها يعني مجبور تصير مره برگبتي واني ما احبها عوفج من الحب يمه هي حبابة ما تستاهل تعيش تعيسة وياي اني ما افيدها

-وصلت بيك قلة الادب والأنحطاط تعيب على بنت عمك شنو من تربية انت شنو من بشر

-يمه والله ما اعيب بس ماگدر ماگدر واني من البداية گلتلكم احب بنية واريد اتزوجها
يروح ابوي يگله لعمي بنتك لحمزة اي شنو حمزة سبيل مسوينه ماصارت تره

-هالحجي احجيه ويه ابوك لاتجي تطلع لسانك عليه ادبسزز اخلاقك صارت بالگاع

طلعت ورگعت الباب وراها
صحت بصوت عالي
-الباب راح ينكسر عدكم فلوس زايده تسوون بوب لو شنو..

صفنت بالفراغ وبحالتي والوضع الي وصلت اله
مستحيل اتزوجها هي حبابة واخلاقها حلوة وگلبها طيبة بس مو بنفسي مستحيل اتقبلها مو لأن عينها مضروبه الموضوع ماله علاقة
اساس الموضوع اني احب وحدة واهلي من البداية يعرفون بهالشي وگايللهم بعد عليش هيج ورطوني ويه عمي..
طلعت من صفنتي على صوت الموبايل يدگ

-حمزة: اذا متصل تاكل **** ما فارغ لسوالفك

-علي: لا ما اشتهيك اتصلت اشوفك جاي للشغل اليوم لو مسوية اضراب الحلوة علمود ينطوها الي تريده