သူ ပြန်လာပြီ !! ( Complete )

Past9!

ဆေးပြတ်သွားပြီ ။

ဆေးပြတ်သွားကြောင်းကို သက်ဆိုင်ရာကိုသက်သေပြပေးရသေးတယ် ။ တကယ်ကိုအလုပ်ရှုပ်တာပဲ။

သူမ ဆေးပြတ်သွားတာသေချာကြောင်း သူတို့စစ်ဆေးပြီးတော့ အားလုံးက ခရိုးကိုတော်ကြောင်းချီးမွှမ်းနေကြတယ်။

ဟုတ်တယ်။သောက်ကောင်ရဲ့အမည်က ခရိုးနာမည်နဲ့လိုက်အောင် သောက်ကောင်၏ဆံပင်သည် နက်မှောင်နေတယ်။ သောက်ကောင်နှင့်အနက်ရောင်သည် တွဲမြင်ရသည့်အထိကို သောက်ကောင်ကအနက်ရောင်ကို စွဲစွဲလမ်းလမ်းကြိုက်နှစ်သက်တယ်။ ဂျက်ဆန်နဲ့တူတဲ့ သူမရဲ့ ရွှေအိုရောင်ဆံပင်ကိုတောင် အနက်ရောင်ဆိုးဖို့တောင် အကြံပေးနေသေးတယ်။

ဒါတွေပြီးတော့...

သူမဘဝက တကယ် ပုံမှန်လည်ပတ်နေခဲ့တယ်။

အခြားသူတွေ ပုံမှန်လည်ပတ်သလိုမျိုး သူမလည်ပတ်ခဲ့တယ်။အခြားသူတွေရဲ့ ပုံမှန်လည်ပတ်နှုန်းကထူးဆန်းနေပေမဲ့ ပိုပြီးထူးဆန်းတာက သူမအဲ့လိုနေရတာကို ထူးထူးဆန်းဆန်း သဘောကျနေခဲ့တာကိုပဲ။

နစ် မရှိတော့မှန်းလည်း သိတယ်။

ဂျက်ဆန် ရှိမနေတော့မှန်းလည်း သိတယ်။

ကျောင်းဘေးမှာ ခွေးလေးတစ်ကောင်စွန့်ပစ်ခံထားရတာတွေ့တော့ သူမအိမ်ခေါ်လာပြီးမွေးခဲ့တယ်။သောက်ကောင်က သိပေမဲ့ဘာမှမပြော။ဒါကြောင့် မွေးခွင့်ပြုသည်ဟုသတ်မှတ်လိုက်တယ်။ ဘဝဟာပုံမှန်ကိုမှ ပုံမှန်ပါပဲ။ကြောက်ဖို့ကောင်းလောက်အောင်ပေါ့။

ခွေးလေးကချစ်ဖို့ကောင်းတယ်။
ရွှေညိုရောင်အမွှေး၊အညိုရောင်မျက်လုံးများရှိပြီး သူမနှင့်ကစားရတာကို ခွေးလေးကသိပ်နှစ်သက်တယ်။အဲ့ဒီ့ခွေးအမျိုးအစားက Greyhound အမျိုးအစားဖြစ်ပြီး တော်ပြီး လိမ္မာတယ်လို့လည်း ပြောကြသည့်ခွေးဖြစ်တယ်။ ဘာလို့ဒီခွေးအကြောင်း သူမသိနေရသလဲလို့မေးရင် ဟိုးငယ်ငယ်တုန်းကဒီလို Greyhound ခွေးမျိုး သူမ မွေးဖူးတာကြောင့်ပင်။ သူ့သက်တမ်းမပြည့်ခင် စောစောသေခဲ့ရတယ်ဆိုပေမဲ့ ခွေးလေး
ဒေါ့ကီနဲ့ပတ်သက်တဲ့ အမှတ်တရကောင်းတွေသူမဆီမှာကျန်နေခဲ့တယ်။