وكثير من الكلام إلي نسمعه يخص العباءة لكن احنه ميهمنه لأن قدوتنا الزهراء عليها السلام وبنتها زينب عليها السلام .
فاطمة الزهراء سلام الله عليها دفعوا الباب عليها وكسروا ضلعها مخلتهم يدخلون البيتها هذا كله علمود حشمتها وعبايتها ، السيدة زينب ماتوا اهلها گدامها اولادها، واخوانها والخ وانسبت هم متخلت عن عبايتها .
اني ليش اجي اتخله عن عبايتي ليش والله؟ لأن فلان وعلان يعيبون على عباتي ، عمي أنتِ ليهمچ الكلام أنتِ قدوتچ الزهراء شنو تهتزين بكلام ناس عقولهم متخلفه!!!!
اي اي عقولهم متخلفة ، خاف عبالچ أنتِ إلي متخلفه لأن هم يگلولچ لا يعيني هم متخلفين التخلف بعقولهم!!! هسه اني لابسة عباية وما مانعتتي من شي اگدر كلشي أسوي وهي على راسي!!
اصير : دكتورة صيدلانية مهندسة معلمة ممرضة محامية والخ.... متمعنچ العباية الزهراء من تشوفچ طالعة من بيتكم وأنتِ بكامل حشمتچ شگد راح تفرح؟؟ النبي محمد صل الله عليه واله وسلم يفرح من يشوفچ تطلعين وأنتِ تقتدين ببنته الزهراء عليها السلام صاحب الزمان يراقب من بعيد منو تشبه أمه الزهراء وعمته زينب بحشمتهن .
لذلك يا حبيبتي كلام الناس ميخلص لتهتمين لأحد أنتِ قدوتچ الزهراء والسيدة زينب سلام الله عليهن .
