روايه بنت الاكابر

(الحلقه الثامنه ) ( شغل على عالى )

(الحلقه الثامنه ) ( شغل على عالى ) <3
................
(في الحلقات السابقه )
(باب الاداره بيخبط )
سلمى : دى أكيد هناء وشيرين ههههههههههههه ادخلى ياساره احنا خلصنا كلام
منى : (بتوتر )مساء الخير .
لا انا منى يا استاذه .. معلش جيت ف وقت مش مناسب ..
ازيك يا استاذ احمد .....
معلش يا استاذه سلمى مستر وليد بيقولك وقعى ع الورق ده عشان هينزل لمستر شريف عشان رايح البنك
احمد : يعنى ايه ؟ هو انتى سلمى صاحبه الشركه دى ؟ ما تنطقى ساكته ليه ؟
.................... ( الثامنه ) <3
احمد : هو انا مش بكلمك ؟ ما تنطقى
سلمى : اتفضلى انتى يا منى
منى : هو فيه حاجه يا فندم ؟
سلمى : اتفضلى انتى بعد اذنــــــــــــــــــــــك
سلمى : حبيبى اهدى بس
احمد : ماتقوليش زفت .. انا مش حبيب حد ..
سلمى : والله العظيم كنا هنقولك . يعنى هو معقوله مش هنقولك يعنى حتى اطلع اسال ساره ومروه كنا بنفكر ف ايه
احمد : كنتى هتقولى بأماره ايه يا سلمى ؟ ها بأماره ايه ؟ منا سألكوا من شويه ليه جبتونا هنا .. قولتيلى ان ساره هى اللى مرتبه المكان وانتى جايه تباركيلها صح ولا مش صح ؟
سلمى : صح بس انا ....
احمد : هشششششش اخرسي ماسمعش صوتك
انتوا فاكرينى ايه يعنى ؟
فاكرينى ايه ...
سلمى : يا احمد مافيش داعى ل ده كله . ممكن نكون خبينا عليك بس ماكدبتش ومش قاصده نكدب لانك كده كده كنت هتعرف
احمد : سلمى ! ..................... . مش عاوز اشوفك تانى لان كل مره بقرب منك بعرف انه ماينفعشش افكر فيك
حتى لو كدبه صغيره يا سلمى
بس انتى اثبتيلى ان زى ماممكن تعملى الصغيره ممكن تعملى الكبيره
وبسهوله جدا كمان ..
بدون اى اعتبار ليا ولا لكرامتى
انا فايتلك الدنيا كلها وماشى
سلمى : احمد .. احمااااااااااااااااااد .. يا احمد استنى
ساره : فيه ايه خير صوتكوا عالى ليه
احمد : ابعدى عن وشى
ساره : يا احمد ... يا احمد رايح فين
.......................
( ف مكتب الحسابات )
منى : مالك يابنى هو ايه اللى حصل فوق ؟
احمد : خليكى ف حالك
منى : ايه ؟
احمد : زى ما سمعتى ..
منى : طب اهدى بس انت بتعمل ايه ؟ وبتلم حاجتك ليه هو فيه ايه ياا احمد
احمد : هو انا مش قولتلك خليكى ف حالك . انتوا مابتفهموش ليه ؟
محمد : مالك يا عمى فيه ايه
احمد : مافيش ... انا ماشى عن اذنكوا
وليد : فيه ايه يا احمد .. وواخد حاجتك وشنطتك ليه ؟
احمد : مافيش يا استاذنا .. عن اذنك تعبان وماشى
منى : استنى هوصلك
احمد : لا ....
.............................
ساره : سلمى ! هو فيه ايه ؟ بتعيطى ليه وايه اللى حصل
سلمى : (بعياط )
ساره : الله ! مالك يابنتى طب اهدى يا حبيبتى اهدى مش كده
مروه : فيه ايه يا جماعه انا سمعت الواد احمد ماشى وشايط ف كل المكتب حتى بصلى حته دين بصه .. اقسم بالله اترعبت
مالك ياسلمى ؟ يابنتى مالك ردى علينا .
ساره : هاتي كوبايه ميه يا مروه بسرعه البت شكل ضغطها وطى ....
ساره : يا مروووووووه بسرعه سلمى مابتنطقش
مروه : يا نهار اسود ..... مالك يا سلمى ...
ساره : اهى الحمد لله بدات تفوق ... مالك يا روحى اهدى بس وكله هيتصلح
سلمى : (بعياط ) انتى السبب يا ساره .. ليه ماخليتنيش اقوله من الاول
ساره : يا روح قلبى احنا عارفين ومتوقعين رد فعله ... ف عشان خاطرى ماتعمليش ف نفسك كده وبعدين يابت انتى مش انا حلفت انى هخليه ييجى يقولك بحبك وجه قالهالك فعلا ؟؟ وانا اهو تانى بوعدك انك انتى واحمد هترجعوا تانى لبعض . ايه رأيك بقي ؟
سلمى : معدش ينفع فيها رجوع .. احنا فعلا جرحناه
ساره : جرحنا مين الله يخربيتك مافيش جرح ولا حاجه
بقولكوا ايه .. الملف بتاعه موجود وفيه عنوان بيته صح ؟
سلمى : اه
ساره : طيب اتصلى على حد يطلعلنا الملف بتاعه اما نفصص فيه شويه
سلمى : اتعاملى انتى مش انتى بقيتى سكرتيرتى ... يعنى خربتيها وقعدتى على تللها
انا ماشيه مروحه مش قادره اشتغل
ساره : لا مافيش مرواح وانتى ف الحاله دى عشان ابوك وامك مايحسوش بحاجه . تعالى نخرج نتغدى ونقعد شويه .. وعشان خاطرى انا تهدى نفسك وماتزعليش
مروه : هى قلبت بغم ليه كده ماكنا ماشيين كويس
انتوا قولتوا لبعض ايه وهو عرف ازاى ؟
سلمى : الزفته اللى اسمها منى دخلت كانت عاوزه ورق اوقعه وهو عرف من كده
اما قولنا لبعض ايه ف احنا اعترفنا بكل حاجه لبعض وقولنا كل حاجه كان نفسنا نقولها من زمان ... ويمكن هو ده اللى زعل احمد او جرحه لانه ماكنش مستنى منى انا اعمل كده او اخبى عليه خصوصا النهارده بعد كلامنا .. انا عاذراه والله
ساره : الله ! ما تتلمى يابت
هو عمل فيك ايه هههههههههههه
سلمى : كفايه عليا النهارده ولمده سنه قدام حضنه
احمد حضننى يا ساره ولأول مره
كنت حاسه انى بنت وانى طفله وانى صغيره جدا معاه .... تعرفى انى طلعت ضعيفه اوى وكنت قويه وانا ف حضنه ..
. انا هيجرالى حاجه بجد لو احمد بعد عنى ؟؟ فاهمين ؟ بتكلم بجد ممكن اروح فها
....................
احمد : الو ! انت فين ؟
مصطفى : ف الشغل .. مالك ؟
احمد : هتخلص امتى ؟
مصطفى : على الساعه 3 ... خير يابنى ماتنطق انت خاضضنى
احمد : مافيش يامصطفى انا سبت الشغل . مخنوق والدنيا بتلف بيا
مصطفى : طب انت فين ؟
احمد : انا خارج م الشركه اهو مش عارف اروح فين ولا اجى منين
مصطفى : طب اطلع ع الكافيه بتاعنا .. وانا هستأذن وجايلك
احمد : خليك يا درش ف شغلك ولما تطلع نبقى نتكلم
مصطفى : يابنى اسمع اللى بقولك عليه . انا عندى رصيد اجازات كتير .. خلص واطلع انا نازل اهو
احمد : ماشى
مصطفى : سلام يا حب
احمد : سلام
.................
ساره : انا جبت الملف بتاع احمد يا بنات اهو
سلمى : طب هاتى كده ورينى
ساره : ده عنوانه اهو ياستى اكتبيه عندك عشان هتروحيله النهارده
سلمى : اروح لمين ؟
ساره : لاحمد
سلمى : اروحله فين ؟
ساره : بيتهم ... ف سيدى بشر اهو يعنى مش بعيد اوى
سلمى : الله يحرقك يابعيده انتى عاوزه تعملى فيا ايه تانى
ساره : لا والله هتروحى والدنيا هتظبط على الاقل هترجعيه الشركه .. حتى لو هتقوليله خلاص مش عاوزاك حبيبى بس ترجع الشركه تشتغل عشان انا محتاجاك فيها .
سلمى : وبعدين ؟
ساره : ايه ده ؟ ياخرااااااااااااااااااابى شوفتوا احمد كاتب مين ف اللى نتصل عليهم ف حاله حدوث اى طارئ ؟
سلمى : كاتب مين ؟
مروه : كاتب مين يابنتى
ساره : كاتب اسم مصطفى .. مصطفى زميلنا وجاره ... هو هيفيدنا ف الموضوع
..........................
( ع الكافيه )
مصطفى : انت مالك ياض قاعد مكتئب كده ليه ؟
احمد : النهارده خدت اكبر مقلب ف حياتى ... اقعد اقعد
مصطفى : مقلب ايه ياعم وايه الكلام الكبير ده ؟
احمد : اطلبلنا حجر شيشه والنبى يا مصطفى واقعد بس ارتاح
مصطفى : يا حووده .. حجرين والنبى وكعبين شاى
ها يا نيله انت احكى فيه ايه ؟
احمد : تعرف مين صاحبه الشركه اللى شغال فيها ؟
مصطفى : مين ؟
احمد : سلمى
مصطفى : تقصد ؟؟؟؟؟؟
احمد : اه هى
مصطفى : طيب يا حبي وفيها ايه ؟ عادى يابنى ماتقفلش مخك وايه يعنى يمكن الصدفه دى ربنا رتبها عشان يجمعك بيها مخصوص
احمد : ياعم صدفه ايه .... انا شوفت سلمى النهارده وكلمتها ... وهى وساره اللى مرتبين اللقاء هناك ف الشركه . عارف فين ؟ ف مكتب رئيس مجلس الاداره . ولما سألتهم انتى ايه اللى جابك هنا وماتقابلناش بره ليه .. قالتلى كنت جايه ابارك لساره على شغلها الجديد واهو فرصه اشوفك هنا ونخرج سوا احنا كلنا
مصطفى : اوباااااااااااا . ده الكلام اختلف هنا .اشتغاله دى ولا ايه ..
احمد : لما عرفت انها هى .. سيبتلها الدنيا ومشيت
مصطفى : اه ... طب وهما عملوا ليه كده ؟ خصوصا انك شغال ف الشركه اللى هى صاحبتها .. يعنى اكيد اكيد ف يوم من الايام كنت هتعرف
احمد : انا عارف بقي .. ماهو ده اللى هيجننى
حسيت انهم بيهينونى او بيقلوا منى او قاصدين يكسرونى
مصطفى : لا انا مش معاك ف دى . البت طول عمرها بتحبك وشارياك من زمان .
يمكن يكون الموضوع فلت منهم يا اخى وخافوا يقولولك ..
ماحنا كلنا عارفين دماغ اهلك الناشفه
احمد : دماغ مين يالا .... انا دماغى سهله والله ومش مكلكع .. بس فيه صفات فيا شرقيه اعمل ف امها ايه .. ابويا ربانى على كده .. اولعلكوا ف نفسي يعنى .. يعنى انت عاوزنى احب واحده واقولها بحبك واعرف انها مديرتى ف الشغل وانها كانت بتخبى عليا .... .. فيه ايه ما تصحى للكلام اللى بتقوله
مصطفى : ههههههههههههههههه هو بالنسبالنا عادى .. بس ليك انت لا مايصحش طبعا . هتبقى عامل زى فيلم مراتى مدير عام
احمد : هههههههههههههههه
مصطفى : ايوه يا اخى اضحك يخربيت تكشيرتك يا اخى .. دانت لما بتكشر بحس ان الدنيا سوده .. ابو اشكالك واد معفن
احمد : وحياه امك اللى هى ام مصطفى حبيبتى لو مالميت لسانك ل هتلاقى الشيشه على ام راسك .. ما تتلم يالا لاقوم اطرقعلك
مصطفى : هههههههههههههههه حبيبى وعمى .. المهم قوم كده روح واتغدى وناملك شويه وبالليل نتقابل ونشوف هنعمل ايه ف مصيبتك دى اللى كل شويه الاقيك داخل علينا بمصيبه شكل
احمد : استنى اخلص الحجر
مصطفى : هههههههههههههه عندك حق ... خراب يا دنيا عمار يا دماغى ... اقسم بالله انت ما فيه زيك يابنى والله ...
احمد : ما تطلبلنا حجر تانى الهى يكرمك
مصطفى : ياعم قوم احنا هنبات هنا .. اخلص .. بالليل هكلمك
احمد : ماشى ..
.............................
ساره : هو ده البيت يا سلمى
سلمى : طب ما تيجى معايا يا ساره والنبى .
ساره : لا والنبى منا جايه . اهى واحده تاخد العلقه والتانيه تلحقها ههههههههههه
سلمى : اه يا واطيه .. تعالى انتى مروه
مروه : مروه مين ياست الحاجه اتكلى على الله ... دا بصلى حته بصه وهو ماشى كنت هعملها على روحى .... روحى روحى الله يباركلك .. احنا مستنيينك هنا
سلمى : اه يا عالم يا واطيه ... انتى قولتيلى هو ف الدور الكام ؟
ساره : الدور التالت . الشقه اللى ع شمال الاسانسير
سلمى : اللهم انى لا اسالك رد القضاء ولكن اسألك اللطف فيه
........................
(سلمى بتخبط الباب )
سلمى : مساء الخير .. مش ده بيت احمد
سالى : اه هو .. انا عارفاك على فكره
سلمى : هههههه عارفانى ؟ ازاى
سالى : مش انتى سلمى تقريبا اللى كنتى زميله اخويا ف الجامعه
سلمى : اه انا وعرفتينى ازاى ؟
سالى : هههههههههههه لا مافيش بس اخويا كان بيحكيلى عنك كتير وكان مورينى صورك قبل كده ...
سلمى : ههههههههههههه طيب كويس والله انتى اخته الصغننه اوى ولا فيه واحده اصغر منك
سالى : لا انا الكبيره .. بس انتى عسل اوى ماشاء الله ... اتفضلى ادخلى
سلمى : طب بقولك ايه ؟ قبل ما ادخل .... اخوك هنا ولا لسا مارجعش
سالى : لا لسا بره ماجاش ف الشغل ....
سلمى : طيب تمام .. عشان انتى شكلك اللى هتنقذينى م الورطه اللى انا فيها
سالى : ورطه ايه ياستى خير .. هو فيه ايه ؟ اتفضلى اتفضلى بس
سلمى : شوفى ياستى ... الموضوع باختصار كالاتى ...
.......................
سالى : يانهار اسود ... هو انتى طلعتى صاحبه الشركه . دى اتقفلت بالضبه والمفتاح
سلمى : الله .. ماتكركبيش بطنى بقي . امال انا جايه ليه . وبعدين انتى معايا ولا مع اخوك
سالى : ههههههههههههههه طبعا معاكم ... طب واصحابك الجبنا دول مارضيوش يطلعوا ليه ..
سلمى : يطلعوا ايه دول لابسين برانيط وهما قاعدين ف العربيه خايفين لاخوك يشوفهم هههههههههههههه
سالى : هههههههههههههههه همووووووووووت .. بس قولى انتى عاوزانى اعمل ايه وانا اعمله على طول
سلمى : بصى .. انتى هتكونى عينينا هنا ف البيت ضد اخوك . ماشى ؟ يعنى تقوليلنا بيعمل ايه بيكلم مين . نازل امتى رايح فين .. كده يعنى ؟
سالى : هههههههههههههههه انتى عاوزانى اتجسس على اخويا ... شوفى انا كده كده رايحه ف داهيه بس طالما انتى بتحبيه الحب ده كله يبقى انا معاكى ... عشان انا عارفه انه بيحبك بجد ومش عاوزه الحب ده يروح
ندى : انا سمعت كل كلمه قولتوها .. فيه ايه بقي ؟ ومين اللى هتجسس على اخويا دى
سالى : ههههههههههههههههه هنتجسس على اخوك . انتى عارفه مين دى الاول ؟
ندى : لا
سالى : يا حماره سلمى .. الجو بتاع اخوك ايام الجامعه .
ندى : ااااااااااااااااااه هو انتى .. مزه مزه يعنى ههههههههههه طيب خلاص انا معاكو انا كمان
سلمى : اشطا هههههههههههههه ربنا معانا يارب ... انا هموت وابقى مرات اخوكوا يا بنات . بس اعمل ايه .دماغ امه جزمه قديمه ... سورى يعنى ماقصدش دماغ طنط ههههههههه
سالى : ياريت والله ههههههههه
ندى : هههههههههه يااااااااااااااااااريت
..........................
ساره : الو ! .. ايوه يا سلمى . احمد تحت البيت وطالع ... ربنا معاك اهربى ههههههههههههه
سلمى : الهى يوجع بطنك يابعيده غورى
سلمى : الحقونى اخوكوا طالع
سالى : ياخرابى ..... طب بقولك ايه ... ادخلى الاوضه بتاعتنا بسرعه . وهو كده كده بيدخل على اوضته على طول يغير هدومه .. نكون احنا خرجناك ههههههههههههه
سلمى : يالهوى يانا يامه منا كنت جايه اقابله اصلا ..
سالى : تقابلى مين اتنيلى على عينك .. دانتى هاره على نفسك اهو ومرعوبه
سلمى : ههههههههههههههههه اه يا تحفه .. ايه هاره على نفسي دى
سالى : ياختى خلصى ادخلى الاوضه هننضرب كلنا والمصحف ..
ندى : انا هدخل معاها يا سالى وانتى حاولى تشغلى اخوكى وتدخليه اوضته وانا هخرجها .. والحمد لله ان ماما مش ف البيت والا كنا اتظبطنا
سالى : طب يلا ادخلوا ادخلوا انا سامعه صوت جزمته بره بسسسسسسسسرعه يالهوى
.......................
(احمد داخل البيت )
........................
((يتبع ))