.Unicode
တက္ကသိုလ်ကျောင်းတော်ကြီးရဲ့ပုံမှန်မနက်ခင်းလေးတခုမှာပုံမှန်မဖြစ်နေတာကကော်ရစ်ဒါမှာအပြေးအလွှားဖြစ်နေတဲ့ကျောင်းသားတယောက်..။လွယ်အိတ်ကိုပုခုံးတဖက်ပေါ်တင်ပြီးအေးဆေးတည်ငြိမ်နေတဲ့ကျောင်းသားကျောင်းသူလေးတွေကြားပြေးရင်းအော်ပြောသွားတဲ့စကားတခွန်းသည်ကား.....
"သတင်းထူး..သတင်းထူး..ငါတို့ကျောင်းရဲ့King Kim taehyungနဲ့သူ့ရည်းစားHan junginတို့မနေ့ညကပြတ်သွားကြပါပြီတဲ့!!!"
ဆံပင်တွေတလွှားလွှားခါကာတကျောင်းလုံးကိုသတင်းပြေးပို့နေသောကောင်လေးသည်နဂိုစပ်စပ်စုစုဝါသနာပါသူမို့ထိုအံသြစရာသတင်းကြီးကိုသူသိသလိုတခြားသူတွေလည်းသိစေချင်သောစေတနာတခုတည်းသာ။ပျော်တယ်လည်းမဟုတ်.ဝမ်းနည်းတယ်လည်းမဟုတ်..ကျောင်း၏အချစ်တတ်ကြဆုံးစံပြအတွဲ.အထက်တန်းကျောင်းကတည်းကရည်းစားမကျဘာမကျအနေအထားနဲ့တွဲလာတာသုံးနှစ်ကျော်ပြီဖြစ်သောအတွဲဟာချက်ချင်းလက်ငင်းကြီးပြတ်သွားကြတယ်ဆိုတော့ထူးဆန်းထွေပြားဖြစ်ရပ်တခုလိုဖြစ်နေတာကြောင့်ပါ။
ထိုကောင်လေးသည်ပေါ့ပါးစွာပြေးထွက်သွားပေမဲ့ထိုသတင်းနားထောင်ရင်းကျန်ခဲ့သောမိန်းကလေးထုကြီးသည်အမျိုးအစားနှစ်ခုကွဲနေခဲ့သည်။တမျိုးသည်မိမိတို့ကျောင်းတင်မကတခြားနာမည်ကြီးကျောင်းတွေထိရေပန်းစားသောKingကိုပေါ်တင်ပိုးခွင့်မရတာဟာပိုင်ရှင်ရှိပြီးသားဖြစ်နေလို့။အဲ့ဒါကြောင့်တိတ်တိတ်လေးသာမနာလိုရင်း.ဘဝတူအချင်းချင်းတွေ့မှKingရဲ့မိန်းကလေးအကြောင်းအတင်းတုတ်ရင်း.အခုတော့ချစ်ကြလွန်းလို့ယောင်လို့တောင်စဥ်းစားမရခဲ့ရာကနေ.ပြတ်သွားပြီဆိုတော့ခုန်ပေါက်ကာလက်ဝါးချင်းရိုက်ပျော်နေသူတွေကတစ်အုပ်စု...။
သူတို့မင်းသားလေးစိတ်ချမ်းသာရင်သူတို့လည်းပျော်တယ်ဟုခံယူထားကြသူများကတော့ပြတ်သွားပြီဆိုတဲ့အသံကြားကတည်းကသူတို့မင်းသားလေးကြေကွဲရမှာပဲဆိုတဲ့အသိနဲ့မျက်ရည်နဲ့မျက်ခွက်အချင်းချင်းဖက်ငိုနေကြသည်။သူတို့မင်းသားလေးကိုအဝေးကနေသာငေးကြည့်နေခဲ့ရပေမဲ့ကိုယ်တိုင်ဂရုစိုက်ယုယခွင့်ရှိတဲ့မိန်းကလေးကိုသာအားကျနေခဲ့ရတာလေ။နှစ်ယောက်လုံးကဘယ်သူပိုချစ်လဲလို့ဘယ်သူမှမခန့်မှန်းတတ်လောက်အောင်အလွန်အကြူးအချစ်တွေသည်းခဲ့ကြတာ...ပြတ်သွားကြပြီဆိုတဲ့နှစ်ယောက်ကိုမတွေ့ရသေးပေမဲ့ကျောင်းမှာတော့ကမ္ဘာပျက်နေခဲ့ကြပြီ...။
YOU ARE READING
Fake Boyfriend👨❤️👨
Romanceမာနတွေစိန်စီထားတဲ့သူဋ္ဌေးသားလေးရယ်... သူ့ရဲ့ဟန်ဆောင်ရည်းစားခပ်တုံးတုံးလေးရယ်... Kim taehyung + Park jimin
