روايه هو و هي

( الحلقه الثامنه ) ❤ ( 1 Mission Impossible )

.............. ( الحلقه الثامنه ) ❤ ( 1 Mission Impossible )
أحمدــــد : خطتنا كالأتى :
مراقبه 24 ساعه ف ال 24 ساعه لكل عناصر اللعبه
ساره ونور حتى البت مى عينيكو عليها ,,, وانا من بعيد هحاول اعرف مريم فين بيتها من ساره
او بتخرج فين وبتروح فين ... هارشين ؟
علاء : هارشين انا هراقب البت ساره
أحمــــد : واشمعنى ساره ؟
علاء : الله !! هو كده هراقبها انا
أحمــــد : بقولك ايه عاوزين نركز ف اللى بنعمله البت هتروح منى يا ولاد اللاسعه
مجدى : وانا عليا نور
مصطفى : وانا هجيبلك كل تحركات مى من بعيد واشوفها بتعمل ايه ولا بتدبرلك ايه
أحمــــد : تمام .. هنبدا التحرك من دلوقتى .. انتشروا .. انتشروااااااااااا
وانا هروح لساره احاول اجرجرها بالكلام واعرف منها بيت مريم فين
.............................
أحمــــد : ساره ! ها لسا مريم مظهرتش
ساره : لا لسا .. حتى انا والبنات بنرنلها مابتردش علينا
أحمــــد : طب بقولك ايه ؟!
ساره : ها !
أحمــــد : هو انتى رحتى بيتها قبل كده ؟ تعرفوا بيوت بعض يعنى
ساره : طبعا . داحنا اصحاب من زمان يابنى
أحمــــد : طب ايه ؟
ساره : ايه انت : عاوز ايه يا مجنون ؟
أحمــــد : ايوه هو ده بالظبط اللى انتى فكرتى فيه ... هروحلها
ساره : ايوه وتتمسك هناك وتترن حته علقه ويتهموك فيا انا وساعتها مريم تقاطعنى العمر كله
أحمــــد : ليه مين اللى هيمكسنى يعنى ؟؟
وبعدين هو انا هدخلها بيتها يا بنتى ؟
انا هكون موجود عشان لو خرجت عشان لو فتحت شباك كده يعنى ؟
ساره : لا ياعم الله الغنى ...
أحمــــد : ساره بقولك ايه ... انا ما صدقت لقيت مريم ومش هسمح لحد يبعدها عنى حتى هى مش هسمحلها بكده
فاهمه ولا لا ؟
ساره : ايه اللى انت بتقوله ده ؟ مش انتوا ف مقام اصحاب واخوات ؟
أحمــــد : اه انتى هتستهبلى على امى انتى كمان ... مش كفايه صاحبتك اللى مجننانى
ساره !! انا بعشق مريم وعمرى ما حبيت حد زيها
ومن فضلك بعد اذن جنابك لو بتحبيها هى ماتقوليلهاش الكلام ده
انا اللى عاوز اقوله وانا قصاد عينيها واشوف رد فعلها
ساره : طب اكتب العنوان عندك
أحمــــد : ايوه كده هى دى الصحاب
ساره : بس خلى بالك يا اخويا دى فيلا وعليها بواب من بره يعنى مش هتعرف تستنى حتى قدام الفيلا
أحمــــد : شوفتى توم كروز ف افلام المهمه المستحيله
ساره : ههههههههههههههههههه اه شوفته .. خير ناوى تعمل زيه ؟
أحمــــد : اهو هتشوفى بقا انا هعمل ايه ... وربنا يستر ع البشريه
ساره : ربنا يوفقك بجد ولولا انك بتحبها كده ماكنتش قولتلك ..
...................................
نور : ايه يابنتى فينك مش واقفه معانا ليه ؟ مش كفايه مريم ...احمد كان عاوز ايه ؟
ساره : اسكتى ياختى اسكتى دا الواد غرقان لشوشته
نور : غرقان ؟ لا دانتى تحكيلى بقا ...
ساره : طلع بيموت ف مريم وبيحبها بجد
وطلب مننا كمان مانتكلمش ولا نقولها ... نظرا للسريه التامه
نور : سريه تامه ف ايه ؟ وانتى بتتكلمى بصوت واطى كده ليه يابت المجنونه
ساره : ههههههههههههههههه دى جزء من خطه مهمه مستحيله اللى احمد هيعملها
نور : ههههههههههههه هو فيه ايه ؟ انتى يابت انتى نفسي اعرف دماغك دى فيها ايه ؟ قلقاس
ساره : بالعكس والله انا عمرى ماكنت جد زي النهارده
وبجد بحسد مريم على احمد .. زى منا بردو بحسده على صاحبتى
نور : ناوى يعمل ايه ؟
ساره : لا انتى فتانه ولسانك مابيسكتش والواد هيطين عيشتى لو مريم شمت خبر
نور : وحياه امك لا تقولى لاطين عيشتك انا .. اخلصى يابت لاجيبك من شعرك
ساره : اضربينى .. موتينى .. حطى السيخ المحمى ف صرصور ودنى بردو مش هتكلم واضر بمصالح مصر
نور : مصر مين الله يخربيتك .. ما تفوقى يابت .. انا نور حبيبتك . طب كنت هقولك على حاجه كده بس خلاص مش قايله
ساره : حاجه ايه قولى ...
نور : لا مش قايله غير لما انتى تقولى ....
ساره : خلاص هقول ... احمد خاد عنوان مريم وهيروحلها البيت
نور : يابنت المجنونه !! واديتيله العنوان يا جزمه ؟
ساره : اه اعملكوا ايه يعنى بقي ضغط عليا . ولو كان ضغط عليا زياده كنت هقوله بحبك انا هههههههههههه
نور : ههههههههههههههههه لا كويس
ساره : قولى انتى بقا الموضوع بتاعك ايه ؟
نور : ماشى ... شايفه الولدين اللى هناك دول ولابسين نضارات وعاملين فيها مخبرين
ساره : فين دول ؟
نور : اللى هناك دول يا بنت العاميه
ساره : اه صح هناك اهم دول اصحاب احمد .. وفيهم واد لاسع كده اسمه علاء وايه اللى عاملينه ف نفسهم ده وعاملين فيها عاطف السكرى ف العيال كبرت هههههههههههههه
نور : الظاهر دى جزء من الخطه بتاعه صاحبنا
ساره : هههههههههههههههه انا هموت مش قادره
بس انتى عارفه ... انا واثقه ومتأكده ان أحمد هيعملها وهيرجع مريم
نور : وليه متأكده ؟؟!!!!!
ساره : الاحساس اللى كان بيتكلم بيه النهارده ده احساس واحد مجنون يعمل اى حاجه ف الدنيا عشان يرجع حبيبته
ايه ده استنى استنى ده أحمد بيرن عليا ...
ساره : الو .. ايوه يا احمد
أحمــــد : ساره هى مريم اسمها ايه بالكامل
ساره : منا قولتلك ان الفيلا اسمها فيلا الدكتور محمد منصور
أحمــــد : تمام تمام خلاص .. سلام
ساره : سلام
الحقى يا نور دا الموضوع بجد .. اوبااااااااااااااا نسيت اقول لاحمد على حاجه
الفيلا فيها كلاب ههههههههههه
نور : ههههههههههههههههه استر يارب
...........................................
أحمــــد : أنا لقيت خطه يا شباب عشان ندخل بيت مريم
علاء : ايه يا اخويا ... لا احنا ماتفقناش على كده ,,
دانت بتقول فيلا يعنى حرس وكلاب وبلا ازرق على دماغنا ياعم
انا لسا صغير وعاوز افرح بشبابى ...
أحمــــد : يا حنين !! وبعدين كلب ايه يا كلب الثرايا انت . هو فيه حد لسا عنده كلاب حراسه وكده دانت قديم اوى .. دلوقتى فيه كاميرات مراقبه وحاجات تانيه
وبعدين دانت اللى هتدخلنا وانت هتبقى الضلع الاساسى ف عناصر التأمين
علاء : ازاى بقي !!
أحمــــد : هقولك .. هقولكوا كلكوا .. ركزوا معايا الخطه كالأتى :
احنا هندخل الفيلا ويكأننا مهندسين ديكور
ده طبعا لما الواد علاء يجيبلنا اخبار الفيلا وان ابوها يكون خرج او بره البيت ...
انا المهندس :: وانتوا الشيالين
علاء : لا انا عاوز انا اللى ابقى مهندس
أحمــــد : هو فرح أمك ؟؟ما تهدى يا هباب البرك
المهم .... مصر محتاجالكوا يا ولاد ..
انت يا علاء .. هتستنى قدام الفيلا وتعرف اخبارها وتعرف ابوها خارج امتى واول ما يخرج تعرفنا ,... والاسم الحركى بتاعك فهد
وانت يا مجدى : مهمتك هى بعد ما ندخل نتكلم مع البواب .. احنا ايه ؟ احنا مهندسين ديكور جايين بناء على اتصال من الانسه مريم كانت عاوزه تغير ف ديكور المكان .واسمك الحركى صقر .. تمام ؟
مجدى : تمام يا ريس
وانت يا مصطفى : مهمتك بعد مانا ومجدى وعلاء ندخل الفيلا انك تقعد مع البواب وتحاول تلهيه او تفضل تتكلم معاه لغايه مانا اخلص مع مريم ... واى تحركات سلبيه من بره الفيلا او اى ضيوف تكلمنا على طول علشان نعمل حسابنا .واسمك الحركى نسر .. تمام ؟
مصطفى : تمام يا رياسه ....
وانا الاسم الحركى بتاعى رعد
أحمــــد : اتوكلنا على الله ...علاء . تجرى دلوقتى على الفيلا تشوف ابوها . اول ما يخرج وانت تدينا التمام .. هنتحرك .....
علاء : الفاتحه على روحنا يا رجاله . قصدى الفاتحه ان ربنا يوفقنا
مجدى : انا حاسس ان فيه مصيبه هتحصل ؟
أحمــــد : ماتخافوشش انا معاكوا
مجدى : هو انا حاجه مخوفانى غيرك ... بس اعمل ايه ,, قدرى انى صاحبك
أحمــــد : يلا يا علاء اتحرك . مستنيين اشارتك
.........................
((يتبع))
والى اللقاء ف الحلقه القادمه