°دمار الحب °

بداية لاعجاب

ونرجع الكم حبايبي نكمل القصة على بركة الله

ورة ما طلعوا اهلي من البيت بقيت وحدي ركضت سويت ماسك خليتة على وجهي
وحظرت ملابسي بس كمل الماسك سبحت
ورة ما طلعت صبغت اضافري هههههه عشت أجواء العرس بدون ما اروح وياهم

وضليت ادندن اغاني بس شنو اكو اغنية مال محمد الفارس مال ام جهالي هههههه طلعتهة وضليت اكرص عليهة محد موجود يمي بالبيت

واني مشغلة اغاني باليوتيوب طلعت اغنية كدامي ثنين ولد يغنوها هاي مال بعدك عم تخطر على بالي وبعدوا معذبني الهوى

بداخلي كلت خلي ادخل عليهة اشوفهة

اول ما دخلت شفت هذا الشخص الي دا يغني والشخص الي يمة عزة بداخلي نعجبت بي حيل هذا شكد حلو يخبل بدون مبالغة اول مرة اشوف هيج شخص يجننن سبحان الي خلقة والنبي يجنن

عاد اني بسرعة فتت على القناة الي ناشرة المقطع بس طلعت مو قناتة قناة الشخص الي يمة

المهم اني شنو بنات ما كدرت اتخطى هذا الشخص تدرون شنو سويت انطيت إعجاب للفيديوا حتى يبقة بجهازي واشوفة المهم ضليت كل ساع اعيدة لأن ماشاء الله ولله اخذ گلبي من اول نظرة ♥️😂

ورة ساعتين رجعوا اهلي خطية ماما اول مطبت نصدمت لأن مصبغة اظافري تكلي شنو مخلصة منة🤷🏻‍♀️😂

زينة - هههههه لا ماما بس ضجت

المهم صار اليلل ومشة اليوم عادي حالة حال اي يوم

بس الفرق انو بليلل طلعت المقطع مالة وضليت اتأمل بشكلة خلص المقطع غلقت الفيديوا ونمت

ورة يومين طلعت المقطع مثل كل يوم 😑بس هنا شنو شفت اكتابة صغيرة بالمقطع طلعت هاي حساباتهم لانستكرام واني نسعقت كلت هاي شنو اني شكد غبية ولله هاي شنو صاري ٣ ايام انام واكعد واني اشوف المقطع وما منتبهة حاطين الحسابات

بس بعدين تذكرت اني ما عندي انستكرام شنو الفائدة

اليوم كلة اني افكر شلون ادخل حسابة شسوي حتى اشوفة

واني احاول انام خطرت بالي فكرة شلون اسوي انستكرام بدون ما اهلي يعرفون وادخل حسابة واشوف

قررت بعد تفكير انو باجر اسوي انستكرام بمساعدة بنت خالي وادخل واشوف

صار الصبح عشت يومي عادي مثل اي يوم صار العصر راسلت مريم
مريم بنت خالي وصديقتي هواي احبهة
كتلهة مريم اريد اسوي انستكرام بدون ما اهلي يعرفون

طبعاً مريم كفو 💪🏻😂
كالت وصلتي بس شسوين بي
بصراحة اني ما كتلهة
كتلهة لا هيج بس عاجبني وأريد اسوي بدون ما واحد يعرف لأن ما يقبلون
مريم علمتني شلون اسوي الحساب بالنستكرام

رحت سويت الحساب طلبوا مني صورة حطيت صورة مال كتب بكد ما جنت سجاجة 😂😂

وكملت كل لاجرائات ورحت حتى ادخل على حساب الولد